Socheata modern fashion: March 2017

Wednesday, March 29, 2017

នាគារជាតិនៃកម្ពុជា បង្ហាញឈ្មោះធនាគារ និងគ្រឹះស្ថានមីក្រូហិរញ្ញវត្ថុចំនួន៤៦ ដែលមានអាជ្ញាប័ណ្ណត្រឹមត្រូវ និងទទួលប្រាក់បញ្ញើ និងប្រាក់សន្សំបាន!

ធនាគារជាតិនៃកម្ពុជា បានចេញសេចក្តីជូនដំណឹងមួយ ដោយបង្ហាញបញ្ជីរាយនាមឈ្មោះ ធនាគារពាណិជ្ជចំនួន៣៩ធនាគារ និងមីក្រូហិរញ្ញវត្ថុចំនួន៧ ដែលទទួលបានអជ្ញាប័ណ្ណត្រូវត្រឹម និងមានសិទ្ធិទទួលបានប្រាក់បញ្ជី និងប្រាក់សន្សំពីសាធារណជន ដោយមិនមានការព្រួយបារម្ភឡើយ។
ការបង្ហាញបញ្ជីឈ្មោះរបស់ធនាគារជាតិនៃកម្ពុជា នៅពេលនេះ ដោយសារតែពេលកន្លងមក ខ្លួនមើលឃើញថា មានជនខិលខូចមួយចំនួន តែងតែដើរបោកកុហកប្រជាពលរដ្ឋ ឲ្យយកប្រាក់មកដាក់ផ្ញើ ឬដាក់សន្សំ ជាមួយគ្រឹះស្ថាន ក្រុមហ៊ុន សមាគម ឬអង្គការរបស់ខ្លួន ដោយសន្យាផ្ដល់អត្រាការប្រាក់ខ្ពស់។
ខាងក្រោមនេះ គឺជាឈ្មោះធនាគារ និងគ្រឹះស្ថានមីក្រូហិរញ្ញវត្ថុ ដែលទទួលបានអាជ្ញាប័ណ្ណ ពីធនាគារជាតិនៃកម្ពុជា នឹងមានសិទ្ធិទទួលប្រាក់បញ្ញើ និងប្រាក់សន្សំបាន៖

«តុលាការ» លើដងផ្លូវ

កាលពីថ្ងៃចន្ទ គ្រោះថ្នាក់ចរាចរណ៍បុករះដ៏អាក្រក់មួយកើតឡើងនៅភ្នំពេញ សម្លាប់មនុស្សយ៉ាងហោចណាស់៣នាក់ និងច្រើននាក់ទៀតរងរបួស។ នៅក្នុងហេតុការណ៍នេះ អ្នកបើកឡានដែលជាជនបង្កហេតុ ត្រូវបានប្រជាពលរដ្ឋផ្ដន្ទាទោសភ្លាមៗ ដោយព្រួតគ្នាវាយរហូតសល់តែដង្ហើមចង្រិត។ នេះមិនមែនជាលើកទីមួយទេ សម្រាប់ករណីដូច្នេះ។ តើហេតុអ្វីបានជាប្រជាពលរដ្ឋខ្មែរនិយមតាំងខ្លួនជា «តុលាការ» កាត់ទោសជនល្មើសនៅលើដងផ្លូវ?

មិនមែនជារឿងចម្លែកអ្វីទេ នៅពេលដែលប្រជាពលរដ្ឋខ្មែរ ស្រុះស្រួលមូលមតិគ្នាដាក់ទោសទណ្ឌទៅលើជនប្រព្រឹត្តល្មើស តាមរយៈការវាយដំច្រំធាក់រហូតដល់ជនល្មើសនៅស្រល់តែដង្ហើមចង្រឹតទើបអស់ចិត្ត។ ករណីគ្រោះថ្នាក់ចរាចរណ៍បុករះកាលពីថ្ងៃចន្ទ នៅត្រង់ចំណុចវិទ្យាល័យបឹងត្របែក គឺជាភស្តុតាងស្រាប់។ ក្រៅពីករណីនេះ ក៏មានផងដែរ ករណីព្រួតវាយផ្សេងទៀត ដូចជាកាលពីដើមខែមីនា ត្រង់ចំណុចផ្សារដើមគ ទៅលើរថយន្តព្រូសមួយគ្រឿង ដែលបានបើកបុករះបង្ករបួសស្នាម តែមិនទទួលខុសត្រូវបែរជាបើករត់។ មិនត្រឹមតែវាយកម្ទេចរថយន្តទេ ជនបង្កហេតុក៏ត្រូវបានអ្នកដំណើរនៅម្ដុំផ្សារដើមគ ព្រួតវាយរហូតដល់បាត់បង់ស្មារតីផងដែរ។
មានមូលហេតុយ៉ាងហោចណាស់បីយ៉ាង ដែលជំរុញឲ្យប្រជាពលរដ្ឋខ្មែរ តាំងខ្លួនជា «តុលាការ» កាត់សេចក្ដីទៅលើជនណាដែលប្រព្រឹត្តល្មើសតាមដងផ្លូវ ដោយការព្រួតគ្នាវាយដំច្រំធាក់គ្មានត្រាប្រណី។
មូលហេតុទី១៖ គឺដោយសារតែការបាត់បង់ជំនឿលើប្រព័ន្ធយុត្តិធម៌ខ្មែរ។ ជាការពិត ប្រព័ន្ធយុត្តិធម៌នៅកម្ពុជា ត្រូវបានកត់សម្គាល់ជាទូទៅថា មិនទាន់បំពេញតួនាទីត្រឹមត្រូវដើម្បីបុព្វហេតុយុត្តិធម៌នៅឡើយ។ ដោយសារតែមូលហេតុនេះហើយ ទើបបានជានៅពេលមានរឿងហេតុអាក្រក់កើតឡើងម្ដងៗ ប្រជាពលរដ្ឋមួយចំនួនមិនចង់រង់ចាំឲ្យតុលាការកាត់ក្ដី ហើយសម្រេចចិត្តផ្ដន្ទោទោសជនល្មើសដោយដៃខ្លួនឯងតែម្ដង។
មូលហេតុទី២៖ អាចបណ្ដាលមកពីអារម្មណ៍ខឹងសម្បាររបស់ប្រជាពលរដ្ឋ បូករួមនឹងការយល់ដឹងពីច្បាប់នៅមានកម្រិតផង ទើបជំរុញឲ្យពួកគាត់ ហ៊ានព្រួតគ្នាប្រើអំពើហិង្សាទៅលើជនប្រព្រឹត្តល្មើស។ ប្រជាពលរដ្ឋខ្មែរ មិនដែលឃើញអ្នកដែលវាយដំទៅលើជនល្មើសកន្លងមក ជាប់ទោសទណ្ឌអ្វីសោះឡើយ ទើបបានជាចេះតែហ៊ានប្រព្រឹត្តក្លាយជាទម្លាប់។ បើទោះបីជាមែនទែនទៅ គ្មានច្បាប់ណាមួយបើកផ្លូវឲ្យមានការវាយដំទៅលើជនដទៃបានទេ បើទោះបីជាជននោះ បានប្រព្រឹត្តខុសច្បាប់ក្ដី។
ចំណែកមូលហេតុទី៣៖ គឺបណ្ដាលមកពីអន្តរាគមន៍មិនទាន់ពេលវេលារបស់កងកម្លាំងមានសមត្ថកិច្ច នៅក្នុងហេតុការណ៍ល្មើសនានា ដែលធ្វើឲ្យប្រជាពលរដ្ឋមានឱកាសគ្រប់គ្រាន់ក្នុងការវាយដំទៅលើជនប្រព្រឹត្តល្មើស។
សព្វថ្ងៃ ថ្វីត្បិតតែករណីព្រួតវាយទៅលើជនល្មើសនៅក្នុងសង្គមខ្មែរ មិនសូវកើតឡើងញឹកញាប់ក៏ដោយ ប៉ុន្តែអ្នកជំនាញផ្នែកច្បាប់និងសិទ្ធិមនុស្ស បានសម្ដែងការព្រួយបារម្ភ និងចង់ឲ្យអាជ្ញាធរចាត់វិធានការបង្ការហេតុការណ៍នេះកុំឲ្យកើតឡើងទៀត។ មិនចង់ឲ្យកើតឡើងព្រោះ ការតាំងខ្លួនជា «តុលាការ» កាត់ទោសជនល្មើសនៅលើដងផ្លូវរបស់ប្រជាពលរដ្ឋខ្មែរដូច្នេះ មិនត្រូវបានអនុញ្ញាតដោយច្បាប់ទេ ហើយល្មើសនឹងគោលការណ៍សិទ្ធិមនុស្ស។ ជាងនេះទៅទៀត ប្រជាពលរដ្ឋដែលប្រើប្រាស់អំពើហិង្សាទៅលើជនល្មើសរំលងច្បាប់ដូច្នេះ អាចប្រឈមនឹងចំណាត់ការតាមផ្លូវច្បាប់ថែមទៀតផង។
ប៉ុន្តែយ៉ាងណាក៏ដោយ ការបង្ការរឿងហេតុអកុសលដូច្នេះកុំឲ្យកើតឡើងត្រូវបានគេមើលឃើញថា មិនមែនជារឿងងាយស្រួលទេ ហើយវាត្រូវការការចូលរួមពីភាគីពាក់ព័ន្ធច្រើន។ ក្នុងនោះ ប្រព័ន្ធយុត្តិធម៌គួរតែត្រូវបានពង្រឹងបន្ថែមទៀត ដើម្បីឲ្យប្រជាពលរដ្ឋត្រឡប់មកជឿជាក់ឡើងវិញ។ ការពង្រឹងប្រព័ន្ធយុត្តិធម៌ រាប់ចាប់តាំងពីឯករាជ្យភាពរបស់តុលាការ និងប្រព័ន្ធច្បាប់ដែលរឹងមាំ ដើម្បីធានាថា អ្នកណាក៏ដោយ ឲ្យតែប្រព្រឹត្តខុស នឹងត្រូវបានផ្ដន្ទោសទោសទាំងអស់យ៉ាងស្មើភាពគ្នាជាទីបំផុត។
សម្រាប់អាជ្ញាធរមានសមត្ថកិច្ច។ សម្រាប់អ្នកឃ្លាំមើលបញ្ហាសង្គម ការបង្ការបទល្មើសកុំឲ្យកើតមានតែម្ដង វាជារឿងមិនអាចទៅរួច។ ប៉ុន្តែពួកគាត់លើកទឹកចិត្តឲ្យសមត្ថកិច្ចបង្កើនល្បឿនធ្វើអន្តរាគមន៍ក្នុងហេតុការណ៍ល្មើសច្បាប់នានាឲ្យបានឆាប់រហ័ស។ អន្តរាគមន៍ឆាប់រហ័ស គឺជាការធានាបឋមថា ជនប្រព្រឹត្តល្មើសនឹងត្រូវឃាត់ខ្លួនបានទាន់ពេលវេលា ហើយការកាត់ទោសប្រើហិង្សាណាមួយពីសាធារណជនទៅលើជនល្មើស នឹងត្រូវកាត់បន្ថយបាន បើមិនទាំងស្រុងក៏បានខ្លះដែរ។

ចុងក្រោយ សម្រាប់ប្រជាពលរដ្ឋ។ ការប្រើប្រាស់ហិង្សារបស់ពួកគាត់ទៅលើជនប្រព្រឹត្តល្មើស គឺជាភស្តុតាងមួយបង្ហាញយ៉ាងច្បាស់ថា ពួកគាត់ស្អប់ខ្ពើមអំពើអាក្រក់ ហើយស្រេកឃ្លានយុត្តិធម៌។ ប៉ុន្តែពលរដ្ឋគួរកុំភ្លេចថា អំពើហិង្សានេះ គឺខុសនឹងច្បាប់។ ដូច្នេះ ក្នុងករណីណាក៏ដោយ គេមិនគួរបង្ក្រាបបទល្មើសមួយដោយបង្កើតបទល្មើសមួយទៀតឡើយ៕

Source: RFA

គ.ជ.បនៅរក្សាទុកបញ្ជីឈ្មោះបេក្ខជនបក្សសង្គ្រោះជាតិបើទោះបីមានបញ្ហាលក្ខន្តិកៈបក្ស

មន្ត្រីគណៈកម្មាធិការជាតិរៀបចំការបោះឆ្នោត (គ.ជ.ប) បញ្ជាក់ថា គ.ជ.ប នៅតែរក្សាទុកបបញ្ជីគណបក្ស និងបេក្ខជនគណបក្សសង្គ្រោះជាតិ ដដែល សម្រាប់ចូលរួមប្រកួតក្នុងការបោះឆ្នោតក្រុមប្រឹក្សាឃុំ-សង្កាត់ នៅពេលខាងមុខ ព្រោះគណបក្សនេះ បានបំពេញបែបបទត្រឹមត្រូវតាមនីតិវិធីរបស់ គ.ជ.ប ទោះបីក្រសួងមហាផ្ទៃ លើកឡើងថា អាចមានបញ្ហាលក្ខន្តិកៈបក្សយ៉ាងណាក្ដី។
អ្នកនាំពាក្យគណៈកម្មាធិការជាតិរៀបចំការបោះឆ្នោត លោក ហង្ស ពុទ្ធា បញ្ជាក់ថា គ្រាន់តែការខុសឆ្គង ការរៀបចំសមាជរបស់គណបក្សដែលមិនស្របនឹងលក្ខន្តិកៈ នោះមិនមែនជារឿងដែលត្រូវលុបបញ្ជីគណបក្ស និងបេក្ខជនគណបក្សសង្គ្រោះជាតិ ចេញនោះទេ ព្រោះ គ.ប.ជ បានទទួលស្គាល់បញ្ជីឈ្មោះបេក្ខជនគណបក្សសង្គ្រោះជាតិ តាំងពីមុនគណបក្សបក្សនេះធ្វើសមាជវិសាមញ្ញមកម្ល៉េះ៖ «ការទទួលចុះឈ្មោះគណបក្សក្នុងបញ្ជីបេក្ខជនរបស់គណបក្សសង្គ្រោះជាតិ ដោយ គ.ជ.ប នេះ ក៏ស្របទៅតាមច្បាប់ ពីព្រោះនៅក្នុងឱកាសនោះ លោក កឹម សុខា គាត់ជាអនុប្រធានគណបក្ស អ៊ីចឹងគាត់បានស៊ីញ៉េលើលិខិតផ្ទេរសិទ្ធិទៅឲ្យតំណាងរបស់គាត់នៅថ្នាក់ឃុំ-សង្កាត់ ដើម្បីចុះហត្ថលេខាសម្គាល់ទៅលើបេក្ខជននៃគណបក្សនយោបាយរបស់គាត់»។
លោកបន្តថា ប្រការដែលលើកឡើងថា អាចមានការប្រព្រឹត្តផ្ទុយទៅនឹងលក្ខន្តិកៈបក្សក្នុងការបើកសមាជវិសាមញ្ញកាលពីថ្ងៃទី២ ខែមីនា នោះ គឺជាជំហររបស់ក្រសួងមហាផ្ទៃ ប៉ុណ្ណោះ។
កាលពីថ្ងៃទី២២ ខែមីនា ក្រសួងមហាផ្ទៃ បានផ្ញើលិខិតទៅគណបក្សសង្គ្រោះជាតិ ដោយបានបញ្ជាក់ថា សមាជវិសាមញ្ញរបស់គណបក្សសង្គ្រោះជាតិ ដែលជ្រើសរើសក្បាលម៉ាស៊ីនបក្ស មានលោក កឹម សុខា ជាប្រធាន និងអនុប្រធានបីរូបទៀត គឺអនុវត្តផ្ទុយនឹងមាត្រា៤៧ ចំណុចទី២ នៃលក្ខន្តិកៈគណបក្សសង្គ្រោះជាតិ ព្រោះបើតាមលក្ខន្តិកៈបក្សនេះ សមាជដូច្នេះ អាចធ្វើទៅបានទាល់តែចាំក្រោយ ១៨ខែ គិតចាប់ពីថ្ងៃប្រធានគណបក្សលាលែងសិន។
លោក កឹម សុខា ត្រូវបានបោះឆ្នោតជ្រើសតាំងជាប្រធានគណបក្សសង្គ្រោះជាតិ ជំនួសលោក សម រង្ស៊ី ដែលលាលែងពីគណបក្សកាលពីថ្ងៃ១១ ខែកុម្ភៈ បន្ទាប់ពីលោកនាយករដ្ឋមន្ត្រី ហ៊ុន សែន គំរាមកែច្បាប់ដើម្បីរម្លាយគណបក្សណាដែលមានប្រធាន ឬអនុប្រធានជាអ្នកមានទោស។
មន្ត្រីគណបក្សសង្គ្រោះជាតិ នៅតែអះអាងថា គណបក្សខ្លួនធ្វើត្រឹមត្រូវតាមលក្ខន្តិកៈបក្ស។ លោក សុន ឆ័យ តំណាងរាស្ត្រគណបក្សសង្គ្រោះជាតិ ធ្លាប់បញ្ជាក់ថា លក្ខន្តិកៈបក្សមិនបានហាមឃាត់មិនឲ្យធ្វើសមាជរើសក្បាលម៉ាស៊ីនដឹកនាំថ្មីនោះទេ។ ម្យ៉ាងទៀតលោកលើកឡើងថា ច្បាប់វិសោធនកម្មថ្មីស្ដីពីគណបក្សនយោបាយត្រូវតែនាំគ្នាគោរពតាម ទោះបីជាគណបក្សសង្គ្រោះជាតិ មិនចូលរួមលើកដៃអនុម័តយ៉ាងណាក្ដី៖ «យើងគោរពច្បាប់ប្រទេសហើយ ទោះបីយើងមិនគាំទ្រច្បាប់នោះក៏ដោយ កាលណាអនុម័តដោយរដ្ឋសភា ព្រឹទ្ធសភា និងឡាយព្រះហស្តដោយព្រះមហាក្សត្រហើយយើងត្រូវគោរព»។

លោក សុន ឆ័យ យល់ថា លោកនាយករដ្ឋមន្ត្រី ហ៊ុន សែន តាងនាមឲ្យថ្នាក់ដឹកនាំគណបក្សប្រជាជនកម្ពុជា ក៏បានទទួលស្គាល់ក្បាលម៉ាស៊ីនគណបក្សសង្គ្រោះជាតិ តាមរយៈសមាជនេះដែរ។ ទោះលោកមិនអាចស្មានត្រូវពីជម្រៅចិត្តរបស់លោក ហ៊ុន សែន ក្នុងអបអរសាទរលោកប្រធានថ្មីរបស់បក្សសង្គ្រោះជាតិក្ដី ក៏លោកចាត់ទុកឥរិយាបថបែបនេះថាជាកត្តាផ្សំមួយទៀត៖ «នាយករដ្ឋមន្ត្រី ធម្មតាលោកមិនដែលធ្វើអីប្រថុយប្រថានទេ។ គាត់អាចមានបំណងយ៉ាងណាយើងមិនដឹងទេ ប៉ុន្តែលោកទទួលស្គាល់ ថ្នាក់ដឹកនាំគណបក្សប្រជាជនទទួលស្គាល់ ជូនពរ អាហ្នឹងក៏ជាកត្តាមួយបញ្ជាក់ថា វាមិនមានអីខុសទេ»។
ក្រោយពីលោក ស ខេង រដ្ឋមន្ត្រីក្រសួងមហាផ្ទៃ ប្រកាសមិនទទួលស្គាល់សមាជរបស់គណបក្សសង្គ្រោះជាតិមក គណបក្សនេះចាត់តាំងមន្ត្រីជាន់ខ្ពស់ ៥រូប ដើម្បីជជែកដោះស្រាយបញ្ហាជាមួយក្រសួង។ ជាការឆ្លើយតបក្រសួងមហាផ្ទៃ បានយល់ព្រមជួបគ្នាដោយចាត់តាំងអគ្គនាយកនៃអគ្គនាយកដ្ឋានរដ្ឋបាលក្រសួងមហាផ្ទៃ លោក ប្រាក់ សំអឿន ដែលជំនួបនេះធ្វើនៅទីស្ដីការក្រសួងមហាផ្ទៃ នៅថ្ងៃពុធ ទី២៩ ខែមីនា នេះ៕

Source: RFA

តុលាការអាមេរិកលើកពេលសវនាការសំណុំរឿងពាក់ព័ន្ធលោក ហ៊ុន ម៉ាណែត

តុលាការសហព័ន្ធរបស់សហរដ្ឋអាមេរិក ក្នុងទីក្រុងឡុងប៊ិច (Long Beach) រដ្ឋកាលីហ្វ័រញ៉ា (California) លើកពេលសវនាការបង្ហាញអង្គហេតុ និងភស្តុតាង ករណីបង្ករបួសស្នាមលើស្មៀនរត់ការឯកសាររបស់តុលាការឈ្មោះ ផល ហេយស៍ (Paul Hayes) ដោយក្រុមអង្គរក្សលោក ហ៊ុន ម៉ាណែត ពីថ្ងៃទី៣០ ខែមីនា ទៅថ្ងៃទី១៣ ខែមេសា ខាងមុខវិញ។
ចំណែកករណីបណ្ដឹងរបស់ភរិយាលោក មាជ សុវណ្ណារ៉ា និងលោក ញ៉យ ចំរើន ដែលប្ដឹងរដ្ឋាភិបាលកម្ពុជា និងលោក ហ៊ុន ម៉ាណែត ពីបទធ្វើទារុណកម្មការធ្វើទុក្ខបុកម្នេញគណបក្សប្រឆាំង និងអំពើភេរវកម្មអន្តរជាតិ ក៏នឹងត្រូវលើកទៅថ្ងៃទី១៣ ខែមេសា ដូចគ្នាដែរ។ ការពន្យារពេលនេះ បន្ទាប់ពីដើមបណ្ដឹងបានរកឃើញជនសង្ស័យពីរនាក់ ដែលអាចជាប់ពាក់ព័ន្ធនឹងការបង្ករបួសស្នាមលើលោក ផល ហេយស៍។
កាលពីថ្ងៃទី៩ ខែមេសា កន្លងទៅ អង្គរក្សលោក ហ៊ុន ម៉ាណែត មួយហ្វូងបានចាប់បោកលោក ផល ហេយស៍ ជាស្មៀនមេធាវីអាមេរិកាំង ទៅលើ
ថ្មក្នុងបរិវេណភោជនីយដ្ឋានឋានព្រះចន្ទ ឲ្យរបួសធ្ងន់ ក្នុងទីក្រុងឡុងប៊ិច ខណៈ លោក ផល ឈោងជូនដីការបស់តុលាការសហព័ន្ធអាមេរិក នៅក្រុងឡូសអែនជឺឡេស (Los Angeles) ដែលកោះហៅលោក ហ៊ុន ម៉ាណែត ឲ្យចូលបំភ្លឺករណីចោទប្រកាន់របស់បណ្ដឹងភរិយាលោក មាជ សុវណ្ណារ៉ា។
មេធាវីក្នុងក្រុមអ្នកច្បាប់របស់លោក មូរតុន ក្លារ (Morton Sklar) គឺលោក អ៊ុច ខែមសុខាំបូរ មានប្រសាសន៍ថា សវនាការនៅថ្ងៃទី១៣ ខែមេសា ខាងមុខចៅក្រមនឹងសាកសួរអំពីព័ត៌មានជនសង្ស័យពីររូប និងអ្នកពាក់ព័ន្ធដទៃទៀតក្នុងករណីបង្ករបួសស្នាមលើលោក ផល ហេយស៍ ដែលក្រុមសមត្ថកិច្ចប៉ូលិសអាមេរិក បានរកឃើញ៕

Source: RFA

Tuesday, March 28, 2017

អាហារអ្វីខ្លះជួយតម្រងនោមឱ្យមានសុខភាពល្អ ?

ការជ្រើសរើសអាហារដែលមានផលល្អចំពោះតម្រងនោមគឺជារឿងល្អបំផុតក្នុងការថែរក្សារតម្រងនោមរបស់អ្នកឲ្យមានសុខភាពល្អ។ តម្រងនោមមានតួនាទីសំខាន់នៃមុខងារបញ្ចេញក្នុងរាងកាយរបស់យើង។ ប្រសិនបើតម្រងនោមមានបញ្ហា វាអាចបង្កឲ្យមានផលវិបាកដល់សុខភាពធ្ងន់ ។ មានអាហារជាច្រើនដែលល្អចំពោះសុខភាពតម្រងនោម។ អាហារទាំងនោះភាគច្រើនសម្បូរទៅដោយសារធាតុប្រឆាំងអុកស៊ីតកម្មដែលអាចប្រយុទ្ធប្រឆាំងនឹងរ៉ាឌីកាល់សេរី ។ អាហារដែលល្អសម្រាប់សុខភាពតម្រងនោមមិនគួរផ្តល់បន្ទុកការងារបន្ថែមទៀតដល់តម្រងនោមទេ។ ខាងក្រោមនេះគឺជាអាហារពិសេសមួយចំនួនដើម្បីថែរក្សាសុខភាពតម្រងនោម ។

១-ស្ពៃក្តោប
ស្ពៃក្តោបសម្បូរទៅដោយសារធាតុគីមីរុក្ខជាតិដែលជួយបំផ្លាញរ៉ាឌីកាល់សេរី ។ វាជាអាហារមួយក្នុងចំណោមអាហារដែលល្អបំផុតសម្រាប់សុខភាពតម្រងនោម ។ រួមជាមួយនឹងសារធាតុគីមីរុក្ខជាតិ ស្ពៃក្តោបមានសារធាតុចិញ្ចឹមជាច្រើនទៀតដែលជួយជួសជុល និងចិញ្ចឹមតម្រងនោម ។ ដោយសារវាមានជាតិប៉ូតាស្យូមទាប វាគឺជាអាហារដ៏ពិសេសសម្រាប់មុខងារលាងឈាមរបស់តម្រងនោម ។
២-ម្ទេសប្លោកក្រហម
ជាមួយនឹងកម្រិតប៉ូតាស្យូមទាប និងសម្បូរទៅដោយវីតាមីន A B6 C ជាតិកាកសរសៃ និងអាស៊ីតហ្វូលិក ម្ទេសប្លោកក្រហមមានសមត្ថភាពដ៏អស្ចារ្យក្នុងការថែរក្សាសុខភាពតម្រងនោមរបស់អ្នក ។ ម្ទេសប្លោកក្រហមមានទំនោរបំបែកកាកសំណល់ពុលនៅក្នុងឈាម ហេតុនេះហើយវាអាចជួយមុខងារតម្រងនោមបាន ។
៣-ផ្លែប៉ោម
ផ្លែប៉ោមគឺជាផ្លែឈើមួយក្នុងចំណោមអាហារដ៏ល្អបំផុតសម្រាប់សុខភាពតម្រងនោម។ លក្ខណៈសម្បត្តិប្រឆាំងនឹងការរលាកនៃផ្លែប៉ោមធ្វើឱ្យវាក្លាយជាអាហារដ៏ល្អសម្រាប់ការថែរក្សាសុខភាពតម្រងនោម ។ លើសពីនេះទៅទៀត ផ្លែប៉ោមអាចជួយការពារការឆ្លងមេរោគក្នុងផ្លូវបង្ហូរទឹកនោម និងកាត់បន្ថយហានិភ័យនៃការកើតជំងឺក្រួសក្នុងតម្រងនោម ។
៤-ខ្ទឹមបារាំង
ខ្ទឹមបារាំងមានសារធាតុប្រឆាំងអុកស៊ីតកម្មដែលមានឥទ្ធិពលក្នុងការសម្អាត និងបញ្ចេញជាតិពុលចេញពីតម្រងនោម។ ខ្ទឹមបារាំងក៏មានសារធាតុរ៉ែក្រូមីញ៉ូមដែលជួយក្នុងការធ្វើមេតាប៉ូលីសជាតិខ្លាញ់ ប្រូតេអីុន និងកាបូអីុដ្រាត។ ដូច្នេះការទទួលទានខ្ទឹមបារាំងទាំងឆៅ និងឆ្អិនអាចជួយថែរក្សាតម្រងនោមឲ្យមានសុខភាពល្អដូចគ្នា ។
៥-ត្រី
ក្រុមអ្នកជំនាញវេជ្ជសាស្ត្របានផ្តល់អនុសាសន៍ក្នុងការទទួលទានអាហារជាមួយត្រីដើម្បីថែរក្សាតម្រងនោមរបស់អ្នកឲ្យមានសុខភាពល្អ។ ត្រីមានប្រូតេអុីនដែលមានគុណភាពខ្ពស់ដូចជាអាស៊ីតខ្លាញ់អូមេហ្គា៣ ដែលអាចកាត់បន្ថយការរលាក ៕

Source: http://sabbayan.com/archives/57?fb_action_ids=1380681988657324&fb_action_types=og.comments

បុរសបើកឡានបុករះអ្នកជិះម៉ូតូកណ្តាលរាជធានី កំពុងស្ថិតក្នុងបន្ទប់សង្រ្គោះបន្ទាន់

បុរសម្នាក់ដែលត្រូវពលរដ្ឋទាញចេញពីរថយន្តមួយដែលបើកបញ្រ្ចាសទិស ហើយបុករះម៉ូតូជាច្រើនគ្រឿង នៅតាមបណ្តោយផ្លូវព្រះមុនីវង្ស ត្រង់ចំណុចវិទ្យាល័យបឹងត្របែក ស្ថិតក្នុងខណ្ឌចំការមន រាជធានីភ្នំពេញ កាលពីល្ងាចថ្ងៃចន្ទ ទី ២៧ មីនា កំពុងស្ថិតក្នុងបន្ទប់សង្រ្គោះបន្ទាន់។ អ្នកជំនាញខាងសុវត្ថិភាពចរាចរណ៍ ចាត់ទុកថា ការប្រើអំពើហិង្សារបស់ពលរដ្ឋ លើអ្នកបើកបរបង្កហេតុ ជាសញ្ញាណអវិជ្ជមានមួយ ដែលជម្រុញឲ្យអ្នកបើកបរផ្សេងទៀត អាចយកលេសនេះបើកបរគេចខ្លួន នៅពេលបុកគេ ហើយរាជរដ្ឋាភិបាលគួរតែមានវិធានការណ៍ទប់ស្កាត់។

លោកវេជ្ជបណ្ឌិត ឆឹង យ៉ាវយ៉េន ទីប្រឹក្សាបច្ចេកទេស នៃ មន្ទីរពេទ្យមិត្តភាពខ្មែរ សូវៀត បានបញ្ជាក់ប្រាប់វិទ្យុបារាំង RFI នៅព្រឹកថ្ងៃអង្គារនេះថា ជនបង្កគ្រោះថ្នាក់ចរាចរណ៍ តាមបណ្តោយផ្លូវព្រះមុនីវង្ស ត្រង់ចំណុចវិទ្យាល័យបឹងត្របែក ហើយត្រូវពលរដ្ឋ ព្រួតគ្នាវាយប្រហារ កាលពីយប់ថ្ងៃចន្ទ កំពុងស្ថិតក្នុងបន្ទប់សង្រ្គោះបន្ទាន់ និងមិនទាន់ដឹងខ្លួននៅឡើយទេ មកទល់នឹងពេលនេះ។ បើតាមរបាយការណ៍វេជ្ជសាស្រ្ត បុរសជនបង្កហេតុរូបនេះ កំពុងស្ថិតក្នុងស្ថានភាពធ្ងន់ធ្ងរ ដោយសាររងរបួសខ្លាំងប៉ះពាល់ផ្នែកក្បាល មានឈាមកកក្នុងខួរក្បាល និងប្រេះលលាដ៏ក្បាល។
ប្រធាននាយកដ្ឋានប៉ូលីសចរាចរណ៍ និងសណ្តាប់ធ្នាប់សាធារណៈ នៃក្រសួងមហាផ្ទៃ លោកឧត្តមសេនីយ៍ឯក រុន រ័ត្នវាសនា បានបញ្ជាក់ថា ប៉ូលីសកំពុងរង់ចាំជនបង្កហេតុដឹងខ្លួនឡើងវិញ ដើម្បីសាកសួរព័ត៌មានជាក់លាក់ ទាក់ទងនឹងអត្តសញ្ញាណ ស្ថានភាពបើកបរក្នុងពេលបង្កហេតុ និងកសាងសំណុំរឿងស្របតាមផ្លូវច្បាប់។ តាមរបាយការណ៍បឋម អ្នកបើកបររថយន្ត Camry ឆ្លាម ដែលបង្កហេតុរូបនេះ បានបើកបរបញ្រ្ចាសទិស រំលោភផ្លូវចរាចរ ខ្វះការប្រុងប្រយ័ត្ន ហើយបានបុករះទៅលើអ្នកជិះម៉ូតូជាច្រើននាក់ ទើបបណ្តាលឲ្យមនុស្ស ៣នាក់បានស្លាប់ និង ៧នាក់ផ្សេងទៀត បានរងរបួសធ្ងន់-ស្រាល។

លោក រុន រ័ត្នវាសនា បានបន្ថែមថា មាត្រា ៨៥នៃច្បាប់ចរាចរណ៍ផ្លូវគោក ជនបើកបរ ដោយធ្វេសប្រហែស ខ្ជីខ្ជា មិនប្រុងប្រយ័ត្ន បណ្តាលឲ្យស្លាប់អ្នកដទៃ ត្រូវផ្តន្ទាទោសដាក់ពន្ធនាគារពី មួយឆ្នាំ ទៅ បីឆ្នាំ និងពិន័យជាប្រាក់ពី បួនលានរៀល ទៅ ដប់ប្រាំលានរៀល និងអាចផ្តន្ទាទោសបន្ថែមមួយ ឬច្រើនទៀត។

គួរជម្រាបថា តាមវិដេអូជាច្រើន ដែលគេចែកផ្សាយបន្តគ្នាលើ បណ្តាញសង្គមហ្វេសប៊ុក កាលពីល្ងាចថ្ងៃចន្ទ ទី ២៧ ខែមីនា បុរសអ្នកបើកបររថយន្ត Camry ឆ្លាម ម្នាក់ បានព្យាយាមបើករថយន្តគេច បន្ទាប់ពីពើបគ្រោះថ្នាក់ចរាចរណ៍ បុករះម៉ូតូជាជួរ លើកំណាត់ផ្លូវដ៏អ៊ូអរ ត្រង់ចំណុចវិទ្យាល័យបឹងត្របែក នៅរាជធានីភ្នំពេញ បណ្តាលឲ្យមនុស្សស្លាប់ និងរបួសដួលដេករដូករណែល បែកឈាមពេញផ្លូវ។ នៅពេលរថយន្តបើកទៅមុខលែងរួច បុរសនោះ ត្រូវពលរដ្ឋ អ្នកដំណើរ ទាញទម្លាក់ចេញពីទ្វាររថយន្តខាងស្តាំខាងក្រោយ ហើយព្រួតគ្នាវាយដំ បែកឈាមជោគខ្លួន។ ពលរដ្ឋជាច្រើនបាន វាយជនបង្ករហូតសន្លប់ ហើយពេលជនបង្កចាប់ផ្តើមដឹងខ្លួនវិញ គេក៏ផ្តើមវ៉ៃរហូតលែងដឹងខ្លួនជាច្រើនដងទៀត។ មានដុំឥដ្ឋការ៉ូឡាថ្មមួយផ្ទាំងធំ ត្រូវគេលើកទម្លាក់លើបុរសនោះ ខណៈរថយន្តបង្កហេតុ ត្រូវពលរដ្ឋព្រួតគ្នាវាយកម្ទេច ហើយលើកឲ្យក្រឡាប់ផ្ងារជើងថែមទៀត។

នាយកវិទ្យាស្ថានសុវត្ថិភាពចរាចរណ៍ លោក អ៊ា ចរិយា បានកត់សម្គាល់ឃើញថា ការបើកឡានបុកគេ ហើយរត់ ជាបញ្ហាដ៏ធំមួយក្នុងប្រទេសកម្ពុជា ខណៈជាង ៥០% នៃអ្នកបង្កគ្រោះថ្នាក់ចរាចរណ៍ តែងបានព្យាយាមបើកគេចរត់។ មានមូលហេតុពីរ ដែលអ្នកបើកបរព្យាយាមគេចរត់ ព្រោះ ខ្លាចពលរដ្ឋព្រួតគ្នាវាយទើបរត់ ឬមានចេតនាគេចពីការទទួលខុសត្រូវសងសំណង។ លោក បន្ថែមថា បុព្វហេតុដែលជម្រុញឲ្យពលរដ្ឋប្រើអំពើហិង្សា លើជនបង្កគ្រោះថ្នាក់ចរាចរ មិនរង់ចាំអាជ្ញាធរដោះស្រាយរកយុត្តិធម៌ ព្រោះពលរដ្ឋអស់សង្ឃឹម ឬមិនសប្បាយចិត្តនឹងប្រព័ន្ធយុត្តិធម៌ផ្តល់ជូនជនរងគ្រោះ ស្របពេលដែលជនបង្កមិនបានទទួលទោសពិន័យជាប់ពន្ធនាគារ តែគ្រាន់បង់ប្រាក់ពិន័យក៏រួចខ្លួន។

នាយកវិទ្យាស្ថានសុវត្ថិភាពចរាចរណ៍ លោក អ៊ា ចរិយា ផ្តល់យោបល់ថា ដើម្បីកាត់បន្ថយនិន្នាការអវិជ្ជមាននេះ រាជរដ្ឋាភិបាល គួរតែរឹតបន្តឹងការផាកពិន័យ ពន្លឿនដំណើរការរកយុត្តិធម៌ជូនជនរងគ្រោះទាក់ទងនឹងសំណងជំងឺចិត្ត និងលើកទឹកចិត្តពលរដ្ឋឲ្យស្វែងរកយុត្តិធម៌តាមផ្លូវច្បាប់វិញ៕

Source: FRI

គ.ជ.ប នឹងលុបឈ្មោះគណបក្សសង្រ្គោះជាតិពីបញ្ជីបោះឆ្នោត បើក្រសួងមហាផ្ទៃ សម្រេចលុបចោលគណបក្សនេះ

លោក ហង្ស ពុទ្ធា អ្នកនាំពាក្យគ.ជ.ប នៅថ្ងៃអង្គារ ទី២៨ ខែមីនា ឆ្នាំ២០១៧នេះ បានអះអាងថា គ.ជ.ប នឹងមិនអនុញ្ញាត ឱ្យគណបក្សសង្រ្គោះជាតិ ចូលរួមក្នុងការបោះឆ្នោតឃុំ/សង្កាត់ឡើយ បើសិនជាក្រសួងមហាផ្ទៃ សម្រេចលុបឈ្មោះគណបក្សនេះ ចេញពីបញ្ជីគណបក្សនយោបាយនោះ។
លោក ហង្ស ពុទ្ធា បានបញ្ជាក់យ៉ាងដូច្នេះថា៖ «ប្រសិនបើក្រសួងមហាផ្ទៃ គាត់ប្រកាសលុបឈ្មោះគណបក្សហ្នឹងចេញ...គ.ជ.ប នឹងលុបឈ្មោះ គណបក្សនោះដែរ»។ លោកបានបន្ថែម៖ «គ.ជ.ប អនុញ្ញាតឱ្យប្រកួតប្រជែងតែគណបក្សដែលស្របច្បាប់ ចុះបើគណបក្សនោះ ត្រូវបានសម្រេចថា ជាបក្សដែលមិនស្របច្បាប់ទៅហើយ អញ្ចឹងគ.ជ.ប មិនមានរឿងអ្វីត្រូវទទួលស្គាល់ទេ»។
អ្នកនាំពាក្យ គ.ជ.ប លោក ហង្ស ពុទ្ធា បានមើលឃើញថា ករណីនេះ មិនទាន់ឈានដល់ការលុបគណបក្សនៅឡើយទេ ដោយគ្រាន់តែ សមាជខុសលក្ខន្តិកៈ ហើយក្រសួងមហាផ្ទៃមិនទទួលស្គាល់សមាជប៉ុណ្ណោះ។ លោកថ្លែងថា «រឿងរ៉ាវដែលកើតឡើង គ្រាន់តែជាការមិនទទួល ស្គាល់សមាជនោះទេ មិនទាន់ដល់ការលុបគណបក្សនោះទេ»។
មន្រ្តីជាន់ខ្ពស់គណបក្សសង្រ្គោះជាតិ និងអគ្គនាយក នៃនាយកដ្ឋានរដ្ឋបាល ក្រសួងមហាផ្ទៃ នឹងមានកិច្ចប្រជុំមួយដើម្បីពិភាក្សារឿងនេះ នៅថ្ងៃទី២៩ ខែមីនា ឆ្នាំ២០១៧ ផងដែរ។
កាលពីថ្ងៃទី២២ ខែមីនា ឆ្នាំ២០១៧ ក្រសួងមហាផ្ទៃ បានបញ្ជាក់ថា សមាជវិសាមញ្ញជ្រើសរើសប្រធាន និងអនុប្រធានថ្មីរបស់គណបក្ស សង្រ្គោះជាតិ គឺផ្ទុយនឹងប្រការ៤៧ នៃលក្ខន្តិកៈគណបក្សដែលបានតម្កល់ទុកនៅក្រសួងមហាផ្ទៃ។ ជាមួយគ្នានេះក្រសួងមានសមត្ថកិច្ច ក៏ពុំទទួលស្គាល់លើសមាជនេះផងដែរ។
ប្រការ៤៧ នៃលក្ខន្តិកៈនោះ បានចែងថា ករណីប្រធានគណបក្សបាត់បង់សមត្ថភាពដឹកនាំគណបក្ស ដែលបញ្ជាក់ដោយគណៈកម្មាធិការនាយក បើ៖ អាណត្តិនៅតិចជាង១៨ខែ អនុប្រធានគណបក្ស ត្រូវទទួលនាទីជាប្រធានគណបក្សស្តីទី ហើយគណកម្មាធិការនាយក ត្រូវជ្រើសរើស អនុប្រធានគណបក្សថ្មីមួយរូប ក្នុងរយៈពេល ៣០ថ្ងៃយ៉ាងយូរ ដើម្បីជួយការងារប្រធានស្តីទីរហូតដល់ចប់អាណត្តិ ដែលកំណត់នៅខែមេសា ឆ្នាំ២០១៨។
គិតចាប់ពីថ្ងៃដែល លោក សម រង្ស៊ី លាលែងពីតំណែង កាលពីថ្ងៃទី១១ ខែកុម្ភៈ ឆ្នាំ២០១៧ រហូតដល់ខែមេសា ឆ្នាំ២០១៨ គឺមានរយៈពេល ១៤ខែប៉ុណ្ណោះ ដែលតិចជាង១៨ខែ។ ប៉ុន្តែគណបក្សប្រឆាំង បានធ្វើសមាជជ្រើសរើសប្រធានមួយរូប និងអនុប្រធាន៣រូបទៅវិញ៕

source: http://www.freshnewsasia.com/index.php/en/localnews/50901-2017-03-28-05-32-52.html

Monday, March 27, 2017

រាជរដ្ឋាភិបាលថៃ «ព្យាយាមស្តារកេរ្តិ៍ឈ្មោះទីក្រុង ប៉ាតាយ៉ា ដែលមានរហស្សនាមថា រដ្ឋធានីបម្រើផ្លូវភេទនៃពិភពលោក» ឲ្យប្រសើរឡើងវិញ!

បន្ទាប់ពីសារព័ត៌មានបរទេសជាច្រើនបានហៅក្រុងទេសចរណ៍ឆ្នេរសមុទ្រដ៏ល្បីល្បាញ «ប៉ាតាយ៉ា» ថាជា «ទីក្រុងនៃអំពើបាប» និងជា «រដ្ឋធានីបម្រើផ្លូវភេទរបស់ពិភពលោក» នោះ រដ្ឋាភិបាលថៃបានសម្រេចបង្កើតកិច្ចខិតខំប្រឹងប្រែងដ៏ថ្មីសន្លាង ក្នុងក្តីសង្ឃឹមថានឹងអាចកែប្រែរហស្សនាមនៃទីក្រុងនេះឲ្យល្អឡើងវិញបាន។ នេះបើតាមការចេញផ្សាយដោយសារព័ត៌មាន Channel News Asia នៅមុននេះបន្តិចនាព្រឹកថ្ងៃចន្ទ ទី២៧ ខែមីនា ឆ្នាំ២០១៧។
អាជ្ញាធរថៃបានបើកយុទ្ធនាការមួយមានឈ្មោះថា «Happy Zone» នៅរាល់ពេលចុងសប្តាហ៍ដើម្បីកែប្រែរូបភាពនៃទីក្រុង ប៉ាតាយ៉ា ដែលល្បីរន្ទឺសម្រាប់ទេសចរណ៍ផ្លូវភេទ ហើយវាគឺជាមធ្យោបាយមួយដែលមានភាពធូរស្រាល ជាងប្រតិបត្តិការចុះសម្រុកឆែកឆេររបស់សមត្ថកិច្ចថៃ។ រាល់មុខជំនួញទាំងអស់នៅក្នុងតំបន់ Happy Zone ត្រូវបានស្នើឲ្យធ្វើយ៉ាងណាឲ្យតំបន់នេះមានភាពសុវត្ថិភាពជាងមុខ ដោយមានការកើនឡើងនៃកងសន្តិសុខដើរល្បាត ហើយប៉ូលិសក៏បានបង្កើតកម្មវិធីទូរស័ព្ទសម្រាប់ភ្ញៀវទេសចរ ដើម្បីកោះហៅពួកគេនៅក្នុងករណីអាសន្នបន្ទាន់ណាមួយផងដែរ។
មេបញ្ជាការប៉ូលិសទីក្រុងប៉ាតាយ៉ា លោក Apichai Krobpetch បានថ្លែងថា «Happy Zone គឺជាគំរោងមួយដែលពុំធ្លាប់មានពីមុនមកឡើយ ដើម្បីរៀបចំគោលដៅទេសចរណ៍ និងលើកកម្ពស់គុណភាពនៃវិស័យទេសចរណ៍របស់ប្រទេសថៃ» ហើយលោកបានបញ្ជាក់ទៀតថាក៏នឹងធ្វើការលុបបំបាត់ការរកស៊ីផ្លូវភេទចេញពីតំបន់នោះផងដែរ។
គួរបញ្ជាក់ថាទេសចរណ៍ផ្លូវភេទបានលេចជារូបរាងឡើងនៅក្នុងទីក្រុង ប៉ាតាយ៉ា នៅពេលដែលវាបានក្លាយជាកន្លែងកម្សាន្តសម្រាប់កងទ័ពអាមេរិក កាលពីសម័យសង្រ្គាមវៀតណាមមកម្ល៉េះ ហើយយោងតាមរបាយការណ៍នាឆ្នាំ២០១៤ របស់អង្គការ UNAIDS ចំនួនស្រ្តីរកស៊ីផ្លូវភេទនៅក្នុងប្រទេសថៃមានចំនួនដល់ទៅជាង ១២០,០០០នាក់ ខណៈមតិមួយចំនួនទៀតបានប៉ាន់ស្មានថា ចំនួននេះអាចទ្វេដង៕

Source: http://www.freshnewsasia.com/index.php/en/internationalnews/50793-2017-03-27-03-45-23.html

លោក កែវ រ៉េមី ថា សម្តេច ហ៊ុន សែន គួរទទួលបានពានណូបែលសន្តិភាព

ភ្នំពេញ៖ ឆ្លើយតបទៅនឹងប្រធានសមាជិកសភាអាស៊ានដែលរិះគន់ការគោរពសិទ្ធិមនុស្សនៅកម្ពុជា ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានលើកពីគុណបំណាច់របស់សម្តេច ហ៊ុន សែន។ មន្ត្រីរដ្ឋាភិបាលរូបនេះបញ្ជាក់ថា សម្តេចបានបញ្ចប់សង្គ្រាមស៊ីវិល ហើយបាននាំសន្តិភាព និងការគោរពសិទ្ធិមនុស្សមកឲ្យកម្ពុជារហូតដល់បច្ចុប្បន្ននេះ។

នៅព្រឹកថ្ងៃចន្ទទី២៧ខែមីនានេះ ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានរៀបចំសន្និសីទកាសែតមួយដើម្បីឆ្លើយតបនឹងការរិះគន់ស្តីពីបញ្ហាសិទ្ធិមនុស្សនៅកម្ពុជា របស់ស្ថាប័នសមាជិកសភាអាស៊ានដើម្បីសិទិ្ធមនុស្ស។ នៅចំពោះមុខអ្នកកាសែត លោក កែវ រ៉េមី បានលើកឡើងពីគុណសម្បត្តិរបស់សម្តេចនាយករដ្ឋមន្ត្រីដែលបានបញ្ចប់សង្គ្រាមស៊ីវិល និងបាននាំទាំងសន្តិភាព និងសិទ្ធិមនុស្សមកកម្ពុជាវិញ។ សម្រាប់មន្ត្រីជាន់ខ្ពស់រដ្ឋាភិបាលដដែល សម្តេច ហ៊ុន សែន គួរតែទទួលបានពានរង្វាន់ណូប៊ែលសន្តិភាពទៀតផង។

កាលពីសប្តាហ៍មុន លោក ឆាល សាន់ត្យាហ្គោ (Charles Santiago) ដែលជាសភានៃគណបក្សប្រឆាំងនៅម៉ាឡេស៊ី ហើយជាប្រធានស្ថាប័នសភាអាស៊ានដើម្បីសិទ្ធិមនុស្ស (APHR) បានធ្វើសេចក្តីថ្លែងការណ៍រិះគន់ការអនុវត្តលទ្ធិប្រជាធិបតេយ្យ និងសិទ្ធិមនុស្សនៅកម្ពុជា។ ស្ថាប័នសមាជិកសភាអាស៊ានដែលកើតពីការប្រមូលផ្តុំគ្នានៃសមាជិកសភាមកពីគណបក្សប្រឆាំងនៅក្នុងប្រទេសអាស៊ាន បានរិះគន់កម្ពុជាខ្លាំងអំពីការអនុម័តច្បាប់ស្តីពីគណបក្សនយោបាយ ដែលអង្គការក្រៅរដ្ឋាភិបាល និងប្រទេសដៃគូអភិវឌ្ឍមួយចំនួនបានបង្ហាញអារម្មណ៍មិនពេញចិត្តដែរ៕
Source: https://www.thmeythmey.com/?page=detail&id=50870

Thursday, March 23, 2017

iPhone ៣០០ លានគ្រឿង អាចប្រើលែងបានចាប់ពីខែមេសា

Hacker មួយក្រុមបានអះអាងថាកំពុងកាន់កាប់គណនី iCloud ប្រមាណ ៣០០ លាន ហើយនឹងធ្វើ ឲ្យ iPhone ក្នុងចំនួននេះប្រើប្រាស់លែងបានចាប់ពីថ្ងៃ ៧ មេសា ២០១៧ ប្រសិន Apple មិនព្រមប្រគល់ iTune gift card ក្នុងទំហំសាច់ប្រាក់ ១០ ម៉ឺនដុល្លារដល់ពួកគេ។

ក្រុមនេះមានឈ្មោះថា Turkish Crime Family ដែលចង់បានការដោះដូរជារូបិយវត្ថុអេឡិចត្រូនិកប្រភេទ Bitcoin ឬ Ethereum ជាមួយក្រុមហ៊ុន Apple។
ដោយឡែកចំពោះការប្រកាសនេះ Apple ហាក់មិនអើពើនឹងការចរចាជាមួយក្រុម Hacker ឬបញ្ចេញសេចក្ដីប្រកាសឲ្យអ្នកប្រើប្រាស់ប្រយ័ត្នចំពោះករណីនេះឡើយ ព្រោះ Apple ជឿជាក់យ៉ាងមុតមាំទៅលើប្រព័ន្ធសុវត្ថិភាពរបស់ពួកគេ៕

ឃើញចេកជោរខ្លាំង នាំគ្នាខ្ពើមមិនហ៊ានទទួលទាន...តាមពិតវាប្រៀបបីដូចជាមាសមួយដុំ ដែលមនុស្សបោះចោលឥតដឹងខ្លួន

ក្រុមអ្នកស្រាវជ្រាវជប៉ុនថ្មីៗនេះបានរកឃើញថា ចេកជោរខ្លាំង ផលិតសារធាតុ TNF ។ វាជាសារធាតុដែលមានសមត្ថភាពប្រយុទ្ធប្រឆាំងកោសិកាមហារីក។ TNF ជាសារធាតុមួយជួយបង្កើតម៉ូលេគុល CD4 ដែលសំខាន់សម្រាប់ពង្រឹងប្រព័ន្ធភាពស៊ាំរបស់យើង។
ពួកអ្នកស្រាវជ្រាវជប៉ុនបានណែនាំឱ្យទទួលទានចេកជោរខ្លាំងយ៉ាងតិច ១ ទៅ ២ ផ្លែក្នុងមួយថ្ងៃដើម្បីពង្រឹងប្រព័ន្ធភាពស៊ាំប្រឆាំងជំងឺនានា រួមទាំងផ្តាសាយ គ្រុនក្តៅ និងជំងឺជាច្រើនទៀត។ ចេកជោរក៏ល្អសម្រាប់កោសិកាឈាមសក្នុងរាងកាយផងដែរ។ ចេកជោរមានគុណប្រយោជន៍ច្រើនជាងចេកទុំធម្មតាដល់ទៅ ៨ ដងឯណោះ៕

Source: http://sabbayan.com/90

Wednesday, March 22, 2017

អាជ្ញាធរខ្មែរផ្អាកការនាំចេញទឹកដោះស្ត្រីទៅសហរដ្ឋអាមេរិកជាបណ្ដោះអាសន្

អាជ្ញាធរខ្មែរបានបញ្ឈប់មិនឲ្យក្រុមហ៊ុនអាមេរិកាំងមួយឈ្មោះ អ៊ាមប្រូសៀ ឡាបស៍ (Ambrosia Labs) នាំចេញផលិតផលទឹកដោះដែលបានប្រមូលទិញពីស្ត្រីក្រីក្រនៅកម្ពុជា យកទៅដាក់លក់នៅសហរដ្ឋអាមេរិក ជាបណ្ដោះអាសន្ន។
អគ្គនាយកនៃអគ្គនាយកដ្ឋានគយ និងរដ្ឋាករ លោក គុណ ញឹម បានថ្លែងប្រាប់ទីភ្នាក់ងារសារព័ត៌មានបារាំង អា.អេហ្វ.ប៉េ (AFP) ដែលចេញផ្សាយនៅថ្ងៃទី២០ មីនា ថា ក្រុមហ៊ុននេះត្រូវការច្បាប់អនុញ្ញាតពីក្រសួងសុខាភិបាល ដោយសារតែផលិតផលនេះផលិតចេញពីសរីរាង្គមនុស្ស។ លោក គុណ ញឹម បន្តថា មន្ត្រីរដ្ឋាភិបាលគ្រោងនឹងជួបប្រជុំគ្នាក្នុងពេលឆាប់ៗនេះ ដើម្បីកំណត់គោលនយោបាយស្តីអំពីផលិតផលនេះ ព្រោះថាករណីនាំចេញផលិតផលទឹកដោះស្ត្រីនេះជាបញ្ហារសើប។

ការហាមប្រាមនេះ កើតមានឡើងខណៈដែលមានសេចក្តីរាយការណ៍ថា ក្រុមហ៊ុនអាមេរិកាំងមានមូលដ្ឋាននៅរដ្ឋយូតា (Utah) ឈ្មោះ អ៊ាមប្រូសៀ ឡាបស៍ អះអាងថា ខ្លួនជាក្រុមហ៊ុនដំបូងបង្អស់ដែលធ្វើការនាំចេញផលិតផលទឹកដោះស្ត្រីពីបរទេស មកដាក់លក់ក្នុងសហរដ្ឋអាមេរិក។ ក្រុមហ៊ុន អ៊ាមប្រូសៀ ឡាបស៍ ដាក់លក់ផលិតផលនេះដល់មាតាជនជាតិអាមេរិកាំងទាំងឡាយណាដែលចង់បំបៅទឹកដោះកូនៗរបស់ពួកគេដោយទឹកដោះស្ត្រីធម្មជាតិ ដោយសារតែពួកគេមិនអាចផលិតទឹកដោះខ្លួនឯងបានគ្រប់គ្រាន់។
ផលិតផលទឹកដោះទាំងនេះ ត្រូវបានក្រុមហ៊ុនមួយនេះប្រមូលទិញពីស្ត្រីក្រីក្រនៅកម្ពុជា ដោយដាក់បង្កកមុនពេលដឹកទៅកាន់សហរដ្ឋអាមេរិក។ ក្រុមហ៊ុននេះដាក់លក់ផលិតផលនេះក្នុងតម្លៃ ២០ដុល្លារអាមេរិក សម្រាប់កញ្ចប់ទឹកដោះទម្ងន់ ១៤៧មីលីលីត្រ៕

Source: RFA

Tuesday, March 21, 2017

អភិបាលរាជធានីភ្នំពេញ បញ្ជាក់ឡើងវិញ៖ ស្នើគ្រប់ធនាគារទាំងអស់ពិនិត្យឡើងវិញ នូវការដាក់ម៉ាស៊ីន ATM នៅទីតាំងមានសុវត្តិភាព និងអ្នកយាមត្រឹមត្រូវ

អភិបាលរាជធានីភ្នំពេញ បញ្ជាក់ឡើងវិញប្រាប់បណ្តាញសារព័ត៌មាន Fresh News នៅវេលាថ្ងៃត្រង់ទី២១ ខែមីនា ឆ្នាំ២០១៧នេះថា គោលបំណងរបស់សាលារាជធានីភ្នំពេញ គឺស្នើឲ្យគ្រប់ធនាគារទាំងអស់ពិនិត្យឡើងវិញ នូវការដាក់ម៉ាស៊ីនដកប្រាក់ (ATM) នៅទីតាំងណាមួយ ដែលមានសុវត្តិភាព និងមានអ្នកយាមត្រឹមត្រូវ ជៀសវាងបញ្ហាផ្សេងៗកើតឡើង។
លោក ប៉ា សុជាតិវង្ស បានបញ្ជាក់បន្ថែមទៀតថា ការស្នើឲ្យគ្រប់ធនាគារទាំងអស់ពិនិត្យឡើងវិញ នូវការដាក់ម៉ាស៊ីនដកប្រាក់ (ATM) នៅទីតាំងណាមួយដែលមានសុវត្តិភាពនេះ ធ្វើឡើងបន្ទាប់ពីយប់ថ្ងៃទី១៨ ខែមីនា ឆ្នាំ២០១៧ ហេតុការណ៍ជនសង្ស័យបានដាក់បំផ្ទុះទូរដកប្រាក់ (ATM) នៅចំណុចមុខមន្ទីរពេទ្យកុមារជាតិ តាមបណ្តោយផ្លូវសហព័ន្ធរុស្ស៊ី ស្ថិតក្នុងសង្កាត់ទឹកល្អក់១ ខណ្ឌទួលគោក បណ្តាលឲ្យម៉ាស៊ីន ATM ដកលុយរងការបែកបាក់ផ្ទុះកញ្ចក់ បង្កភាពភ្ញាក់ផ្អើលផងដែរ។
សូមជំរាបថា នៅរសៀលថ្ងៃទី២០ មីនា ឆ្នាំ២០១៧ម្សិលមិញ នៅក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ លោក ប៉ា សុជាតិវង្ស បានលើកឡើងថា ម៉ាស៉ីនដកប្រាក់ (ATM) អាចនឹងត្រូវផ្លាស់ប្តូរទីតាំង ប្រសិនបើមិនមានអ្នកការពារ អ្នកមើលថែទាំ ហើយគ្រប់ម្ចាស់ម៉ាស៊ីន ATM ត្រូវមានការសហការជាមួយសមត្ថកិច្ច៕

Source: http://www.freshnewsasia.com/index.php/en/localnews/50305-atm-3.html

Monday, March 20, 2017

រដ្ឋាភិបាលគ្រោងដកសំឡេង Call Tune ក្នុងទូរស័ព្ទ

សំឡេងរោទ៍នៅក្នុងទូរស័ព្ទដែលមានអត្ថន័យថា «គ្រឹះស្ថានមីក្រូហិរញ្ញវត្ថុទាំងអស់នៅកម្ពុជាជារបស់ឯកជនមិនមែនជារបស់រដ្ឋនោះទេ សូមប្រជាពលរដ្ឋកុំយល់ច្រឡំ» នោះនឹងត្រូវបញ្ចប់ បន្ទាប់ពីរដ្ឋាភិបាលយល់ថាវាគ្រប់គ្រាន់សម្រាប់ឲ្យពលរដ្ឋយល់ច្បាស់ពីការផ្សព្វផ្សាយមួយនេះដែលមានរយៈពេលជាង ១ ខែ ខណៈការតម្រូវឲ្យមានសំឡេងរោទ៍ក្នុងទូរស័ព្ទបែបនេះក៏ត្រូវបានពលរដ្ឋខ្លះរិះគន់ក្នុង Facebook ថាធ្វើឲ្យពួកគេធុញទ្រាន់ និងជាការរំខាននោះ។
លោក អ៊ឹម វុត្ថា អ្នកនាំពាក្យនិយតករទូរគមនាគមន៍កម្ពុជាបានថ្លែងថានិយតករទូរគមនាគមន៍កំពុងរៀបចំចេញលិខិតជាផ្លូវការក្នុងឆាប់ៗ ឬថ្ងៃនេះដោយមិនឲ្យហួសក្នុងខែមីនានេះទេក្នុងការបញ្ចប់សំឡេងរោទ៍ពីគ្រឹះស្ថានមីក្រូហិរញ្ញវត្ថុទាំងអស់នៅកម្ពុជាជារបស់ឯកជនមិនមែនជារបស់រដ្ឋនោះទេព្រោះរដ្ឋាភិបាលយល់ថាពលរដ្ឋបានជ្រួតជ្រាបពីការផ្សព្វផ្សាយមួយនេះហើយ។
លោកបានថ្លែងថា៖ «យើងកំពុងរៀបចំចេញលិខិតជាផ្លូវការមិនឲ្យហួសក្នុងខែមីនានេះទេសំឡេងរោទ៍នេះនឹងត្រូវបានបញ្ចប់ក្រោយពីរដ្ឋាភិបាលមើលឃើញថាសារនេះបានជ្រួតជ្រាបដល់ពលរដ្ឋហើយ»។
លោកបានបញ្ជាក់បន្ថែមថាជាការពិតនិយតករមិនបានទទួលការត្អូញត្អែរជាផ្លូវការណាពីប្រជាពលរដ្ឋនោះទេ។
លោកថា៖ «យុទ្ធនាការរបស់រដ្ឋាភិបាលគឺមួយឆ្នាំតែបើពលរដ្ឋយល់ជ្រាបអស់ហើយរដ្ឋាភិបាលនឹងផ្តាច់ដូចការបង្រៀនអ៊ីចឹងបានសិស្សយល់អស់ហើយការបង្រៀននឹងបញ្ចប់មុនពេលកំណត់មិនមានអ្វីជាបញ្ហានោះទេ»។
នៅក្នុងឱកាសបើកសន្និបាតបូកសរុបសមិទ្ធផលវិស័យព័ត៌មាន និងសោតទស្សន៍ឆ្នាំ ២០១៦ និងលើកទិសដៅឆ្នាំ ២០១៧ កាលពីថ្ងៃទី ២ ខែមីនាកន្លងទៅលោក ខៀវ កាញារីទ្ធ រដ្ឋមន្រ្តីក្រសួងព័ត៌មានបានបញ្ជាក់ថាមានក្រុមអ្នកស្វែងរកប្រយោជន៍ផ្ទាល់ខ្លួន និងអ្នកនយោបាយខ្លះបានឆ្លៀតកេងចំណេញនយោបាយដោយបានលើកឡើងពីបញ្ហាលុបបំបាត់បំណុលដើម្បីដាក់បន្ទុកមកលើរាជរដ្ឋាភិបាលដោយសន្យាខ្យល់ក្រោមហេតុផលថាបើបោះឆ្នោតឲ្យខ្លួនធានាលុបបំណុលទាំងអស់ដែលពលរដ្ឋជំពាក់ទើបរដ្ឋាភិបាលចេញយុទ្ធនាការផ្សព្វផ្សាយធ្វើយ៉ាងណាកុំឲ្យពលរដ្ឋមានការយល់ច្រឡំ។
លោកបញ្ជាក់ទៀតថាចំពោះសំឡេងរោទ៍ចូលតាមទូរស័ព្ទដៃដែលបញ្ជាក់ពីស្ថាប័នមីក្រូហិរញ្ញវត្ថុមិនមែនជារបស់រដ្ឋនោះ មិនអាចរត់រហូតមួយឆ្នាំបានទេវានាំឲ្យសាំ ឬក៏ធុញទ្រាន់ហើយលោកនឹងពិគ្រោះសុំយោបល់ពីសម្តេចនាយករដ្ឋមន្រ្តីក្នុងបញ្ហានេះ។
ក្រោយការចេញសារនេះមានអ្នកប្រើប្រាស់បណ្តាញសង្គម Facebook ខ្លះបានសរសេរថាពួកគេធុញទ្រាន់នឹងសំឡេងរោទិ៍មួយនេះព្រោះទូរស័ព្ទជារបស់ឯកជនពួកគេមានសិទ្ធិប្រើប្រាស់ និងជ្រើសរើស Call Tune ខ្លួនឯងហើយអ្នកខ្លះទៀតបានសរសេរឌឺដងថាឲ្យតែលើកទូរស័ព្ទតេពេលណាក្តៅចិត្តពេលហ្នឹងតែម្ដង។ ចង់ប្រាប់ថាទូរស័ព្ទខ្ញុំជារបស់ឯកជន មិនមែនជារបស់រដ្ឋទេកាលណាបានបិទ? ចំណែកខ្លះទៀតបានសរសេរថាមិត្តប្រុសជារបស់ឯកជនមិនមែនជារបស់រដ្ឋទេជាដើម...។
លោក អេង ឆៃអ៊ាង អនុប្រធានគណបក្សសង្គ្រោះជាតិបានឲ្យដឹងថាយុទ្ធនាការ Call Tune គួរតែបញ្ចប់ហើយព្រោះពលរដ្ឋធុញទ្រាន់ណាស់ទៅហើយពេលនេះ។
លោកថារដ្ឋាភិបាលគួររិះរកវិធីណាដើម្បីបង្កើតការងារឲ្យពួកគាត់វិញនៅពេលដែលពួកគាត់ប្រឈមនឹងភាពខ្វះខាត និងគ្មានការងារហើយទៅខ្ចីបុលគេជាជាងធ្វើយុទ្ធនាការផ្សព្វផ្សាយពីសារនេះ។
លោកថា៖«តាមពិតវាជាទម្លាប់ពួកគាត់ខ្ចីលុយអង្គការពីសម័យមុន។ បច្ចុប្បន្នពលរដ្ឋមានការយល់ដឹងច្រើន...ពេលខ្លះគាត់ធុញនឹងសារនេះណាស់»៕

មហាក្សត្រអំពាវនាវឲ្យពលរដ្ឋទៅបោះឆ្នោតឃុំ-សង្កាត់

ព្រះមហាក្សត្រខ្មែរ នរោត្តម សីហមុនី បានអំពាវនាវឲ្យពលរដ្ឋទៅបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៤ ដែលនឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧ខាងមុខនេះ។
ព្រះរាជសាររបស់ព្រះមហាក្សត្រ ដែលឡាយព្រះហស្តលេខា តាំងពីថ្ងៃទី២០ ខែកុម្ភៈ ធ្វើនៅព្រះបរមរាជវាំង ទ្រង់មានបន្ទូលថា ការបោះឆ្នោតនៅថ្ងៃទី៤ ខែមិថុនា ឆ្នាំ២០១៧ គឺជាការបោះឆ្នោតជាទូទៅ ជាសម្ងាត់តាមលទ្ធិប្រជាធិបតេយ្យ សេរី ពហុបក្ស។ ព្រះអង្គមានបន្ទូលថាសូមកុំមានឲ្យមានការព្រួយបារម្ភពីការគាបសង្កត់ ការគម្រាមកំហែង ឬសម្លុតពីជនណាម្នាក់ ឬបក្សណាមួយឲ្យសោះ។

ព្រះអង្គមានបន្ទូលបន្ថែមថា «ខ្ញុំសូមបងប្អូន កូនក្មួយ មេត្តាប្រើសិទ្ធិសេរីភាពរបស់ខ្លួន បោះឆ្នោតទៅតាមសតិសម្បជញ្ញៈរបស់ខ្លួនម្នាក់ៗ ដែលមានទំនុកចិត្តទៅលើបេក្ខជនណាម្នាក់ គណបក្សនយោបាយណាមួយ»។
អ្នកវិភាគយល់ថា ការចេញព្រះរាជសាររបស់ព្រះមហាក្សត្រ គឺចំពេលដែលស្ថានការណ៍នយោបាយនៅកម្ពុជាឡើងកម្តៅ ខណៈគណបក្សប្រឆាំងមានបញ្ហាប្រឈមជាច្រើនហើយលោក សម រង្ស៊ី បានលាលែងពីប្រធានបក្សដោយសារតែច្បាប់គណបក្សនយោបាយដែលទើបកែប្រែថ្មី។
លោក ឆាំ ប៊ុនថេត អ្នកតាមដានបញ្ហាសង្គម មានប្រសាសន៍ថា សារលិខិតដែលមានការយឺតយូរក្នុងការផ្សព្វផ្សាយនេះ ដោយសារអ្នកដែលត្រូវបញ្ចេញគេលាក់។ លោកបន្តថា «ខ្ញុំគិតថាអាចមានរឿងពីក្រោយ ដែលខ្ញុំគិតថាយើងពិបាកមើលឲ្យឃើញ ហើយខ្ញុំមិនចង់ Predict(សន្និដ្ឋាន)អីដែលខ្ញុំមើលមិនឃើញទេ។ ខ្ញុំគិតថារឿងដែលអាចមានប្រយោជន៍បំផុត គឺប្រជាពលរដ្ឋចូលរួមបោះឆ្នោត ហើយបោះឆ្នោតបញ្ចេញមតិដោយត្រឹមត្រូវ ហើយនឹងដោយការស្វែងយល់ វាជារឿងប្រសើរ»។
លោក កន សាវាង្ស មន្ត្រីជាន់ខ្ពស់កម្មវិធីអង្កេតអង្គការខុមហ្វ្រេល យល់ផ្សេងទៅវិញថា មិនមែនជាបញ្ហាទេទោះជាលិខិតចេញយឺតក៏ដោយ ព្រោះថ្ងៃបោះឆ្នោតនៅសល់ដល់ទៅជាងពីរខែទៀត។ លោកបន្តថា «ទោះបីយ៉ាងណាក៏ដោយ យើងឃើញថាជាសារមួយដែលល្អប្រសើរសំរាប់ប្រជាពលរដ្ឋដែលបង្ហាញពីភាពកក់ក្តៅមួយរបស់ព្រះមហាក្សត្រដែលលោកមានព្រះរាជ្យទានបង្ហាញដល់ប្រជាពលរដ្ឋ»។
លោក សម រង្ស៊ី អតីតប្រធានគណបក្សប្រឆាំង បានសំដែងការអរគុណដល់ព្រះមហាក្សត្រដែលទ្រង់បានចេញពីប្រទេសកម្ពុជា មុនពេលច្បាប់ស្តីពីគណបក្សនយោបាយទៅដល់ព្រះបរមរាជវាំង។
លោក សម រង្ស៊ី បានសរសេរនៅហ្វេសប៊ុករបស់លោកនៅថ្ងៃទី១៦ខែមីនានេះថា «សូមអរព្រះគុណ សម្តេចព្រះបរមនាថ នរោត្តម សីហមុនី ដែលព្រះអង្គមិនយល់ព្រមចុះហត្ថលេខា លើវិសោធនកម្មច្បាប់ស្តីពីគណបក្សនយោបាយ ដែលបើកផ្លូវឲ្យគណបក្សប្រជាជនកម្ពុជា រំលាយគណបក្សសង្គ្រោះជាតិ តាមតែអំពើចិត្ត»៕

Source: VOD

អង្គការសមាជិកសភាអាស៊ានព្រួយបារម្ភពីការកើនឡើងវាយប្រហារលើសិទ្ធិមនុស្សនិងប្រជាធិបតេយ្យនៅកម្ពុជា

អង្គការសមាជិកសភាអាស៊ាន (APHR) ដែលជាអង្គការនីតិបញ្ញត្តិមួយប្រចាំនៅតំបន់អាស៊ាន នៅថ្ងៃទី ២០ មីនានេះ បានចេញផ្សាយរបាយការណ៍មួយ ស្តីពី “ការស្លាប់នៃប្រជាធិបតេយ្យ៖ ការវាយប្រហារទៅលើអ្នកតំណាងរាស្ត្រ និងការគំរាមកំហែងដល់ស្ថាប័នកម្ពុជា»។ ជារបាយការណ៍ចុងក្រោយ ដែលមានកម្រាស់ជាង៥០ទំព័រ ត្រូវបានដាក់បង្ហាញ នៅទីក្រុងបាងកកប្រទេសថៃ នៅថ្ងៃនេះ ដោយបានព្រមានថា ការវាយប្រហារទៅលើអ្នកតំណាងរាស្ត្រកម្ពុជាក្នុងពេលបច្ចុប្បន្ននេះ កំពុងតែគំរាមកំហែងដល់ភាពស្របច្បាប់នៃប្រព័ន្ធនយោបាយនៅកម្ពុជា។ អ្នកនាំពាក្យគណបក្សកាន់អំណាច បានច្រានចោលរបាយការណ៍នេះ នឹងបានចាត់ទុកថា ជាក្រុមសភាប្រឆាំងនឹងធម្មនុញ្ញអាស៊ាន។

ពីទីក្រុងបាងកកប្រទេសថៃ ក្រុមសមាជិកអង្គការសភាអាស៊ានដើម្បីសិទ្ធិមនុស្ស (APHR) បានព្រមានពីការប្រឈមនៃលទ្ធិប្រជាធិតេយ្យនៅកម្ពុជា និងការគំរាមកំហែងពីភាពស្របច្បាប់នៃប្រព័ន្ធនយោបាយនៅក្នុងប្រទេសនេះ។ នេះបើយោងតាមរបាយការណ៍កម្រាស់ជាង៥០ទំព័រ ដែលត្រូវបានចេញផ្សាយ នៅទីក្រុងបាងកកប្រទេសថៃ នៅថ្ងៃទី២០មីនានេះ។
លោក Charles Santiago តំណាងរាស្ត្រម៉ាឡេស៊ី និងជាប្រធានអង្គការសមាជិកសភាអាស៊ានដើម្បីសិទ្ធិមនុស្ស (APHR) បានព្រមានពីភាពស្របច្បាប់នៃប្រព័ន្ធនយោបាយនៅកម្ពុជាថា កំពុងស្ថិតនៅក្នុងការគំរាមកំហែង ខណៈមានការវាយប្រហារទៅលើតំណាងរាស្ត្រគណបក្សប្រឆាំងចាប់តាំងពីពាក់កណ្តាលឆ្នាំ២០១៥មក។ នៅខែតុលាឆ្នាំ២០១៥ មានការវាយដុំទៅលើអ្នកតំណាងរាស្ត្រគណបក្សប្រឆាំងលោក គង់ សភា, លោក ញ៉យ ចំរើន និងការធ្វើទុកបុកម្នេញទៅលើក្រុមសមាជិករដ្ឋសភា ព្រឹទ្ធសភា របស់គណបក្សប្រឆាំងការចាប់ខ្លួន និងការកាត់ទោសទៅលើអ្នកការពារសិទ្ធិមនុស្សផងដែរ។ លោកបានលើកឡើងថា ប្រសិនបើគណបក្សប្រឆាំងឈ្នះការបោះឆ្នោតឃុំសង្កាត់នៅខែមិថុនាខាងមុខនេះ ការគាប់សង្កត់នឹងកាន់តែកើនឡើង។

នៅក្នុងសេចក្តីថ្លែងការណ៍បន្ថែមពីលើរបាយការណ៍ដែលមានចំនងជើងថា “ការស្លាប់នៃប្រជាធិបតេយ្យ៖ ការវាយប្រហារលើអ្នកតំណាងរាស្ត្រនិងការគំរាមកំហែងដល់ស្ថាប័នរបស់កម្ពុជា» នេះ ក៏បានទាមទារឲ្យរដ្ឋាភិបាលកម្ពុជា ធានានូវការប្រកួតប្រជែងជាមួយគណបក្សប្រឆាំងដោយស្មើភាពគ្នា។ តាមរយៈសេចក្តីថ្លែងការណ៍នេះ សមាជិកសភាអាស៊ាននៅក្នុងប្រទេសមួយចំនួនក៏បានព្រមានដែរថា ការរំលោភសិទ្ធិមនុស្សនិងលទ្ធិប្រជាធិបតេយ្យនៅកម្ពុជានឹងកាន់តែកើនឡើង ប្រសិនបើសហគមន៍នៅក្នុងតំបន់និងអន្តរជាតិ បរាជ័យក្នុងការថ្កោលទោស ឬដាក់សម្ពាធទៅលើរដ្ឋាភិបាលកម្ពុជា។

ប៉ុន្តែលោក សុខ ឥសាន សមាជិកសភាគណបក្សប្រជាជនកម្ពុជានិងជាអ្នកនាំពាក្យគណបក្សកាន់អំណាច មិនបានឲ្យតម្លៃទៅលើរបាយការណ៍របស់អង្គការសមាជិកសភាអាស៊ាននេះទេ។ សម្រាប់លោក សុខ ឥសាន ក្រុមនេះ គឺជាក្រុមសមាជិកសភាប្រឆាំង ដែលមិនស្របនឹងធម្មនុញ្ញអាស៊ាននោះឡើយ។

សូមបញ្ជាក់ថា អង្គការសមាជិកសភាអាស៊ានដើម្បីសិទ្ធិមនុស្ស (APHR) គឺជាតំណាងអង្គការ នីតិបញ្ញត្តិមួយ ដែលត្រូវបានបង្កើតឡើងកាលពីខែមិថុនាឆ្នាំ២០១៣ ដោយក្រុមសមាជិកសភាមកពីប្រទេសផ្សេងៗគ្នានៅក្នុងតំបន់អាស៊ាន។ បេសកកម្មនៃស្ថាប័នដែលមានមូលដ្ឋាននៅប្រទេសឥណ្ឌូនេស៊ីមួយនេះ គឺដើម្បីលើកកម្ពស់បញ្ហាសិទ្ធិមនុស្ស, លទ្ធិប្រជាធិបតេយ្យ និងយុត្តិធម៌ នៅក្នុងតំបន់អាស៊ីអាគ្នេយ៍។ ហើយការចេញផ្សាយរបាយការណ៍ស្តីពីកម្ពុជា នៅថ្ងៃនេះ គឺបានធ្វើឡើង បន្ទាប់ពីតំណាងបេសកម្មនៃសមាជិកសភាអាស៊ានពីររូប មកពីប្រទេស ម៉ាឡេស៊ី និងហ្វីលីពីន បានបញ្ចប់ដំណើរបេសកកម្មស្វែងរកការពិតនៅក្នុងប្រទេសកម្ពុជា កាលពីពេលថ្មីៗនេះ៕

Source: RFI

មន្ត្រីជាន់ខ្ពស់រដ្ឋាភិបាលកម្ពុជា ព្រមានប្តឹងអ្នកគាំទ្របក្សប្រឆាំងម្នាក់ ពីបទប្រមាថសពលោក សុខ អាន

មន្ត្រីជាន់ខ្ពស់រាជរដ្ឋាភិបាលកម្ពុជាលោក ផៃ ស៊ីផាន នៅថ្ងៃទី១៩មីនានេះ បានប្រកាសប្តឹងអ្នកគាំទ្រគណបក្សប្រឆាំងម្នាក់ ពីបទប្រមាថសពលោកឧបនាយករដ្ឋមន្ត្រី សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី។ ពាក្យបណ្តឹងអាចនឹងដាក់ទៅកាន់តុលាការ នៅថ្ងៃពុធសប្តាហ៍ក្រោយ ពោលគឺបន្ទាប់ពីបញ្ចប់ពិធីបុណ្យសពលោក សុខ អាន។ ទាក់ទងនឹងករណីនេះ អ្នកនាំពាក្យគណបក្សប្រឆាំង លោក យឹម សុវណ្ណ បានអះអាងថា គណបក្សមិនមានគោលការណ៍ណែនាំឲ្យអ្នកគាំទ្ររបស់ខ្លួនប្រមាថទៅលើឥស្សរជនណាមួយនោះទេ។

លោក ផៃ ស៊ីផាន រដ្ឋលេខាធិការទីស្តីការគណៈរដ្ឋមន្ត្រីបានប្រកាសប្តឹងបុគ្គលម្នាក់ឈ្មោះ ហៃ វណ្ណា (Vanna Hay) ដែលគេដឹងថា ជាអ្នកគាំទ្រគណបក្សប្រឆាំងដ៏ងុបងល់ម្នាក់ កំពុងរស់នៅ និងធ្វើការនៅក្នុងប្រទេសជប៉ុន។ ពាក្យបណ្តឹងរបស់លោក ផៃ ស៊ីផាន អាចនឹងដាក់ទៅកាន់តុលាការនៅត្រឹមថ្ងៃពុធសប្តាហ៍ក្រោយនេះ ពីបទប្រមាថជាសាធារណៈ និងបរិហាកេរ្តិ៍។

លោក ផៃ ស៊ីផាន ដែលជាអ្នកនាំពាក្យទីស្តីការគណៈរដ្ឋមន្ត្រីផងនោះ បានប្តឹងបុគ្គលឈ្មោះ ហៃ វណ្ណា គឺបន្ទាប់ពីបុគ្គលរូបនេះ បានសរសេរសារប្រមាថសពលោកឧបនាយករដ្ឋមន្ត្រី សុខ អាន នៅលើបណ្តាញសង្គម Facebook ដោយភ្ជាប់នឹងរូបភាពជាមួយនឹងសំណេរជាភាសាអង់គ្លេស (R.I.H = Rest In Hell) ដែលមានន័យថា “សូមឲ្យលោក សុខ អាន ទៅកាន់ឋាននរក។ សម្រាប់លោក ផៃ ស៊ីផាន នេះគឺជាការប្រមាថធ្ងន់ធ្ងរមកលើឥស្សរជនម្នាក់ ដែលមន្ត្រីរាជការរបស់លោកបានចាត់ទុកថា គឺជាវីរៈជន។

ទាក់ទងនឹងការប្រមាថសពលោកឧបនាយករដ្ឋមន្ត្រី សុខ អាន នេះដែរ កាលពីថ្ងៃទី១៨មីនា មន្ត្រីជាន់ខ្ពស់គណបក្សប្រឆាំងពីររូប គឺលោក លិម គិមយ៉ា តំណាងរាស្ត្រមណ្ឌលខេត្តកំពង់ធំ និងលោក ហ៊ីង យឿន ដែលមាននាទីជាអគ្គលេខាធិការរងព្រឹទ្ធសភា ទើបតែបានសរសេរលិខិតសុំទោសគ្រួសារសពលោក សុខ អាន ចំនួន២ច្បាប់ បន្ទាប់ពីការបែកធ្លាយកិច្ចសន្ទនារបស់លោកទាំងពីរតាមទូរសព្ទ ដោយម្ចាស់គណនេយ្យហ្វេសបុកឈ្មោះ សីហា ថាបានប្រមាថទៅលើការស្លាប់របស់លោក សុខ អាន។

លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បានចោទជាសំណួរថា តើនេះគឺជាយុទ្ធនាការរបស់គណបក្សប្រឆាំងក្នុងការប្រមាថមកលើសពលោកឧបនាយករដ្ឋមន្ត្រី សុខ អានឬ? ប៉ុន្តែអ្នកនាំពាក្យគណបក្សប្រឆាំង លោក យឹម សុវណ្ណ បានច្រានចោលចំពោះការចោទប្រកាន់នេះ។ លោក យឹម សុវណ្ណ បានអះអាងថា គណបក្សសង្គ្រោះជាតិ មិនមានគោលការណ៍ណែនាំឲ្យអ្នកគាំទ្ររបស់ខ្លួន វាយប្រហារ ឬប្រមាថទៅលើឥស្សរជនណាមួយនោះទេ ហើយគណបក្សប្រឆាំង ក៏រឹតតែមិនអាចគ្រប់គ្រងទៅលើការបញ្ចេញមតិរបស់អ្នកគាំទ្ររបស់ខ្លួននៅគ្រប់ទិសទីនោះទេ។

គួររំលឹកជូនថា លោកឧបនាយករដ្ឋមន្ត្រី សុខ អាន ដែលត្រូវបានព្រះមហាក្សត្រកម្ពុជាព្រះរាជទានគោរមងារជា “សម្តេចវិបុលបញ្ញា” បានទទួលមរណភាព កាលពីថ្ងៃទី១៥ មីនា នៅក្នុងទីក្រុងប៉េកាំងប្រទេសចិន ក្នុងជន្មាយុ៦៦ឆ្នាំ ដោយរោគាពាធ។ សពរបស់លោកត្រូវបានធ្វើពិធីបូជានៅមុខវត្តបុទុមវត្តីក្នុងទីក្រុងភ្នំពេញ នៅព្រឹកថ្ងៃទី១៩មីនានេះ បន្ទាប់ពីតម្កល់ទុកធ្វើបុណ្យអស់រយៈពេល៤ថ្ងៃ៕

Source: RFI

Friday, March 17, 2017

ចន្លោះម៉ោងធ្វើការ គួរឆ្លៀតសម្រេចកាមទេ បើវាមានផលល្អ?

ខណៈអង្គុយសំកុកនៅមុខកុំព្យួទ័ររាប់ខែឆ្នាំ មនុស្សម្នាក់ៗរមែងចង់ឆ្លៀតពេលសម្រាកមួយស្រឡេតឲ្យខួរក្បាលស្រឡះល្អក្រោយពីខំគិតគំនិតច្នៃប្រឌិតផ្សេង។
តែទំនោរថ្មីដែលជំរុញកិច្ចការឆ្ពោះទៅមុខកាន់តែប្រសើរនោះគឺការសម្រាកសម្រេចកាមដោយខ្លួនឯង។
កាលពីឆ្នាំមុន ការស្ទង់មតិមួយរបស់ Guyfi ដែលបានដំឡើងទូសម្រេចកាម បានរកឃើញថា បុគ្គលិក ៤០ ភាគរយក្នុងទីក្រុងញូវយ៉ក បានឆ្លៀតមកសម្រេចកាមពេលបំពេញការងារ។
ពួកគេឆ្លៀតពេលចូលបន្ទប់ទឹកសម្រាប់ឱកាសបែបឆក់កណ្ដៀតក្នុងការសម្រេចកាមជាមធ្យោបាយល្អបំផុតក្រោយពីបំពេញកិច្ចការដ៏តានតឹង និងកម្ចាត់ស្ដ្រេស។
Mark Sergeant ជាសាស្ដ្រាចារ្យជាន់ខ្ពស់ផ្នែកចិត្ដសាស្ដ្រនៅសាកលវិទ្យាល័យ Nottingham Trent បានប្រាប់ Metro ថា ការសម្រេចកាមអំឡុងពេលធ្វើការងារគឺជាវិធីទាញយកលទ្ធផលដ៏ប្រសិទ្ធភាពបំផុត ដោយចាត់ទុកទង្វើនេះជាមធ្យោបាយស័ក្ដិសមចំពោះការបន្ធូរបន្ថយភាពតានតឹង និងស្ដ្រេស។
លោកថា ការឆ្លៀតសម្រេចកាមគឺជាការផ្ដល់រង្វាន់ដល់ខ្លួនឯងមួយផងដែរ។ ការសម្រេចកាមក្នុងពេលធ្វើការគួរតែធ្វើឡើងសម្រាប់តែការបន្ធូរបន្ថយបញ្ហាស្ដ្រេស និងចំណង់ពីធម្មជាតិ មិនមែនជាការល្មោភកាមនោះទេ។
យ៉ាងណាមិញ ការសម្រេចកាមដោយខ្លួនឯងនេះនៅតែជាប្រធានបទរសើប ជាពិសេសសម្រាប់ការគិតរបស់នារីៗ ហើយគំនិតគិតចង់ឲ្យបុគ្គលិកឆ្លៀតឱកាសបន្ធូរអារម្មណ៍ស្ដ្រេសនេះធ្វើឲ្យអ្នកដទៃរអាចិត្ដ។

ប្រភពព័តមាននិងរូបភាព http://www.postkhmer.com

Thursday, March 16, 2017

CNRP will never ‘rule Cambodia’: Sopheak

Interior Ministry spokesman Khieu Sopheak yesterday said the ministry was investigating the validity of a recently held CNRP congress to elect a new president, before then flatly stating that the opposition will never come to power.
The remarks came a day after his boss, Interior Minister Sar Kheng, said he was looking into whether the CNRP had violated its own bylaws in holding the March 2 congress, which saw Kem Sokha elected party president alongside three new deputies.
Kheng appeared to be referencing CNRP bylaws, changed ahead of the party vote, which previously required 18 months to pass before filling a presidential vacancy.
While affirming that the case was now being investigated, Sopheak, unprovoked, claimed that the CNRP did not have the capacity to run the country and that it wasn’t in their destiny to ever form a government.
“There is no occasion that the CNRP can rule Cambodia. There is no way that the CNRP can lead the country from now until 50 more years,” Sopheak said.
Reacting to Sopheak’s claim, CNRP spokesman Yim Sovann dismissed the statement, saying it would run the government if voted in by the people.
“We are not interested in what he said, but we want to know about free and just elections, so citizens can express their will,” Sovann said.
Political analyst Meas Ny yesterday said Sopheak should not have been commenting on who could form a government and leave that to the electorate, especially given that the CNRP has narrowed the seat tally in the National Assembly.

Credit by: http://www.phnompenhpost.com/national/cnrp-will-never-rule-cambodia-sopheak?utm_content=buffer79c76&utm_medium=social&utm_source=facebook.com&utm_campaign=buffer

រាជរដ្ឋាភិបាលថានឹងបន្តធានាសិទ្ធិស្របច្បាប់ពលរដ្ឋវៀតណាមរស់នៅកម្ពុជា

រដ្ឋាភិបាលកម្ពុជា បានសន្យាបង្កើនកិច្ចគាំពារដល់ប្រជាពលរដ្ឋវៀតណាម ដែលកំពុងរស់នៅក្នុងប្រទេសកម្ពុជា តបតាមការស្នើសុំរបស់ភាគីវៀតណាម។
សេចក្តីប្រកាសរួមចុះថ្ងៃទី១៥មីនា បន្ទាប់ពីកិច្ចប្រជុំលើកទី៩ «ស្តីពីកិច្ចសហប្រតិបត្តិការ និងការអភិវឌ្ឍរវាងបណ្តាខេត្តជាប់ព្រំដែនកម្ពុជា-វៀតណាម» ឲ្យដឹងថា «ក្នុងស្មារតីមិត្តភាពរវាងប្រទេសទាំងពីរ ភាគីកម្ពុជានឹងបន្តចាត់វិធានការសមស្របនានា ក្នុងការធានាសិទ្ធិស្របច្បាប់របស់អាណិកជនវៀតណាម ដែលត្រូវបានប្រព្រឹត្តិដោយស្មើភាព ដូចជនបរទេសដទៃទៀតរស់នៅកម្ពុជា ដោយស្របតាមច្បាប់និងលិខិតបទដ្ឋានរបស់ប្រទេសកម្ពុជា»។
នៅក្នុងជំនួបជាមួយប្រធានរដ្ឋសភាលោក ហេង សំរិន នៅថ្ងៃម្សិលមិញនេះដែរ លោក ផាម ប៊ិញមិញ រដ្ឋមន្ត្រីក្រសួងការបរទេសវៀតណាម ក៏បានស្នើឲ្យជួយបង្កលក្ខណៈងាយស្រួល ដល់បណ្ដាក្រុមហ៊ុនវៀតណាម និងជួយការពារអ្នកវិនិយោគទុន ដែលមកបណ្ដាក់ទុននៅកម្ពុជា ពិសេសលើបញ្ហាផ្នែកច្បាប់។
ពាក់ព័ន្ធករណីនេះ មន្ដ្រីនាយកដ្ឋានអន្តោប្រវេសន៍ធ្លាប់ឲ្យដឹងថា ជនបរទេសរស់នៅកម្ពុជាមានប្រមាណជាង១៦ម៉ឺននាក់ ក្នុងនោះជនជាតិវៀតណាមមានច្រើនជាងគេ គឺមានជាង៩៩ភាគរយ ហើយជនជាតិវៀតណាម មានប្រមាណជាង៧ម៉ឺននាក់ ដែលបានកាន់កាប់ឯកសារខុសប្រក្រតី។
ក្រៅពីនេះ សេចក្ដីប្រកាសព័ត៌មានដដែល ឲ្យដឹងទៀតថា ភាគីវៀតណាមបានថ្លែងអំណរគុណដល់រដ្ឋាភិបាលកម្ពុជា ដែលបានអនុញ្ញាតឲ្យខ្លួននាំចូលផលិតផលមកកម្ពុជាដូចជា ប្រេងឥន្ធនៈ ដែក ជី វាយនភ័ណ្ឌ គ្រឿងម៉ាស៊ីន និងផលិតផលធ្វើអំពីជ័រជាដើម។ ចំណែក កម្ពុជា ក៏បាននាំចេញផលិតផលមួយចំនួនទៅវៀតណាមដូចគ្នា ដូចជា កៅស៊ូ គ្រាប់ស្វាយចន្ទី ឈើ និងពោត។
គិតត្រឹមខែកុម្ភៈឆ្នាំ២០១៧ ទំហំពាណិជ្ជកម្មកម្ពុជា-វៀតណាម សម្រេចបានប្រមាណ ៦២៤,១លានដុល្លារអាមេរិក កើនឡើង ២១,២ភាគរយ បើធៀបនឹងឆ្នាំ២០១៦។ ក្នុងនោះ ថវិកានាំចេញរបស់វៀតណាមមកកម្ពុជា មានប្រមាណ ៣៨៨លានដុល្លារអាមេរិក កើនឡើង១៩ភាគរយ។ ចំណែក ទំហំថវិការបស់កម្ពុជាទៅវៀតណាម សម្រេចបានប្រមាណ២៣៦,១លានដុល្លារអាមេរិក កើនឡើង២៥ភាគរយ បើធៀបនឹងរយៈពេលដូចគ្នាឆ្នាំ២០១៦៕

Credit: VOD

ហេង ពៅ អួតថាជំនាន់លោកធ្វើស្នងការ ពុំមានថ្នាំញៀនច្រើនទេ

លោក ហេង ពៅ អតីតស្នងការរាជធានីភ្នំពេញដែលនៅពេលនេះត្រូវមានទោសជាប់ពន្ធនាគាររហូតដល់ ១០៣ ឆ្នាំក្នុងសំណុំរឿងព្រហ្មទណ្ឌចំនួន ៨ បានអួតថា ក្នុងអំឡុងពេលដែលលោកធ្វើជាស្នងការក្រុងពុំមានគ្រឿងញៀនច្រើនពេញបន្ទុក និងពុំមានចោរឆក់ ចោរប្លន់ច្រើនដូចពេលបច្ចុប្បន្ននេះទេ។ លោក ហេង ពៅ ដែលត្រូវបានចាប់ខ្លួនកាលពីឆ្នាំ ២០០៦ បាននិយាយប្រាប់ក្រុមអ្នកកាសែត ខណៈកងអនុរក្សពន្ធនាគារបណ្តើរចូលបន្ទប់សវនាការតុលាការកំពូលកាលពីម្សិលមិញថា សំណុំរឿងដែលតុលាការកំពូលបើកសវនាការនៅពេលនេះគឺជារឿងដែលតុលាការដោះលែងចោរម្នាក់ដែលត្រូវជាប់គុកជិត ២០ ឆ្នាំ។ ប៉ុន្តែបន្ទាប់ពីតុលាការបានដោះលែងចោរនោះតុលាការបែរជាយករឿងនេះមកផ្តន្ទាទោសរូបលោកឲ្យជាប់គុក ៥ ឆ្នាំទៅវិញ។
លោក ហេង ពៅ ត្រូវបានតុលាការកំពូលកោះហៅឲ្យនាំមកជំនុំជម្រះក្នុងសំណុំរឿងបង្ខាំងមនុស្សខុសច្បាប់ ប៉ុន្តែពេលចូលក្នុងបន្ទប់សវនាការ លោកពុំមានមេធាវីការពារសិទ្ធិនោះទេហើយលោកបាននិយាយប្រាប់ចៅក្រមថារឿងនេះលោកស្នើដល់តុលាការឲ្យមានការផ្សាយបន្តផ្ទាល់ក្នុងពេលសវនាការ ព្រោះលោកចង់ឲ្យប្រជាពលរដ្ឋស្វែងយល់ថារូបលោកជាមនុស្សយ៉ាងម៉េចហើយបើតុលាការមិនឲ្យផ្សាយបន្តផ្ទាល់ក៏គង់តែមានក្រុមនិស្សិតផ្សាយទេ។
លោក ហេង ពៅ បាននិយាយទៅកាន់ចៅក្រមថា៖ «សូមតុលាការពន្យល់ខ្ញុំពីការមិនអនុញ្ញាតឲ្យផ្សាយបន្តផ្ទាល់នេះផង ថាតើមិនអាចមកពីអ្វី? ចុះហេតុអ្វីបានជាលោក ខៀវ សំផន លោក នួន ជា ពេលសវនាការមានការផ្សាយបន្តផ្ទាល់បាន? ខ្ញុំចាប់ចោរសោះ បែរជាតុលាការយករឿងនេះមកកាត់ទោសខ្ញុំទៅវិញ»។ អតីតមេប៉ូលិសរូបនេះបានលើកឡើងបែបមានអំនួតខ្លួនឯងថា៖ «ពេលខ្ញុំនៅកាន់អំណាច តើមានចោរពេញក្រុងភ្នំពេញដូចសព្វថ្ងៃទេ? មានគ្រឿងញៀនច្រើនទូទាំងប្រទេសដូចសព្វថ្ងៃនេះទេ?»។
លោកស្រីចៅក្រម គឹម សត្ថាវី ប្រធានក្រុមប្រឹក្សាជំនុំជម្រះក្នុងចំណោមចៅក្រមទាំង ៤ រូបទៀតបានឆ្លើយថា៖ «រឿងការផ្សាយបន្តផ្ទាល់របស់លោក នួន ជា គឺជារឿងឧក្រិដ្ឋសម្លាប់មនុស្សជាតិហើយវាពាក់ព័ន្ធនឹងតុលាការអន្តរជាតិនៅទីក្រុងរ៉ូម។ ចំពោះរឿងលោកខុសពីរឿងនៅសាលាក្តីខ្មែរក្រហម»។
លោកស្រីចៅក្រមបានចោទសួរលោក ហេង ពៅ ថាបើលោកគ្មានមេធាវីបែបនេះ តើអាចឲ្យតុលាការរកមេធាវីចាត់តាំងជូនលោកបានទេ? តែត្រូវលោក ហេង ពៅ ឆ្លើយថាកន្លងមកលោកត្រូវបានលោកនាយករដ្ឋមន្ត្រី ហ៊ុន សែន ផ្តល់ប្រាក់ឲ្យលោកចំនួន ៤៥ ម៉ឺនដុល្លារដើម្បីឲ្យលោកជួលមេធាវីការពារក្តីប៉ុន្តែក្រោយមកលុយទាំងនោះត្រូវបានមេធាវីបោកអស់រលីងហើយថែមទាំងលែងមកការពារក្តីឲ្យលោកទៀត។ ប៉ុន្តែលោកមិនបានប្រាប់ឈ្មោះមេធាវីដែលបានបោកយកលុយលោកនោះទេ។
ទោះយ៉ាងណាបន្ទាប់ពីមានការតវ៉ា និងការបកស្រាយរបស់លោក ហេង ពៅ ដែលប្រើពេលជិត ២០ នាទីលោកស្រីចៅក្រម គឹម សត្ថាវី បានថ្លែងថាសំណុំរឿងនេះតុលាការនឹងលើកទៅជំនុំជម្រះនៅពេលក្រោយដោយមិនបានកំណត់ពេលវេលាជាក់លាក់ឡើយ។

Credit: http://www.postkhmer.com/

បណ្ដាញសង្គម និងបក្សប្រឆាំង រិះគន់ការចំណាយថវិកាជាតិ ជាង ៧សែនដុល្លារ សម្រាប់រៀបចំបុណ្យសពលោក សុខ អាន

បន្ទាប់ពីមរណភាពលោក សុខ អាន កាលពីថ្ងៃពុធម្សិលមិញ បក្សប្រឆាំង និងអ្នកប្រើប្រាស់បណ្តាញសង្គមហ្វែសប៊ុកជាច្រើន បានបង្ហាញប្រតិកម្មខ្វែងយោបល់គ្នា ជុំវិញទំហំថវិកា ដែល រាជរដ្ឋាភិបាល គ្រោងចំណាយប្រមាណ ៣០០០.០០០.០០០ រៀល (បីប៊ីលានរៀលគត់) ឬស្មើនឹង ៧៥០០០០ ដុល្លារអាមេរិក ដើម្បីរៀបចំពិធីបុណ្យសពជូន លោក សុខ អាន។ សម្រាប់មន្រ្តីបក្សប្រឆាំង ការចំណាយថវិកាជាតិសម្រាប់រៀបចំបុណ្យសពនេះ ហាក់ធំធេងពេក បើធៀបនឹងស្ថានភាពកម្ពុជាក្រីក្រដើរខ្ចីបំណុលបរទេស តែសម្រាប់រាជរដ្ឋាភិបាល ត្រឹមតួលេខថវិកា មិនអាចទូទាត់ជាមួយនឹងសមិទ្ធិផលការងាររបស់ លោក សុខ អាន រួមចំណែកក្នុងការអភិវឌ្ឍជាតិកម្ពុជា ឡើយ ហើយការចំណាយរៀបចំពិធីបុណ្យសពតាមទំនៀមទំលាប់ប្រពៃណីនេះ គឺស័ក្តិសមនឹងគោរមងា ជា «សម្តេច» ។

ប្រតិកម្មនេះ ផ្តើមពីការផ្សព្វផ្សាយលើបណ្តាញសង្គមហ្វេសប៊ុក នូវលិខិតរដ្ឋបាលមួយ របស់ ទីស្តីការគណៈរដ្ឋមន្រ្តី កាលពីថ្ងៃទី១៥ មីនា ដែលបានស្នើសុំថវិកា ពី ក្រសួងសេដ្ឋកិច្ច និងហិរញ្ញវត្ថុ ចំនួន ៣០០០.០០០.០០០ រៀល (បីប៊ីលានរៀល) ឬ ៧៥០០០០ ដុល្លារសហរដ្ឋអាមេរិក សម្រាប់ចំណាយរៀបចំបុណ្យសព «សម្តេចវិបុលបញ្ញា សុខ អាន» អតីតឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី។

នៅថ្ងៃដដែល រាជរដ្ឋាភិបាលកម្ពុជា សម្រេចបង្កើតគណៈកម្មការ និងអនុគណៈកម្មការរៀបចំបុណ្យសព មួយ ដោយមាន លោក ប៊ិន ឈិន ឧបនាយករដ្ឋមន្រ្តីប្រចាំការ ធ្វើជាប្រធាន។ ភារកិច្ចសំខាន់ របស់ គណៈកម្មការ មានជាអាទិ៍ រៀបចំផ្សព្វផ្សាយកម្មវិធីបុណ្យ លិខិតពិធីការ កន្លែងគោរពវិញ្ញាណក្ខន្ធនៅគេហដ្ឋានសព ក្រុមបដិសណ្ឋារកិច្ចនៃអង្គភាពត្រៃទ័ព ពិធីសាសនា ពិធីដង្ហែសព រៀបចំមេរុ និងវេទិកាឈានបដ្ឋាន ជាដើម។

ក្រៅពី មានប្រតិកម្មគាំទ្រ និងជំទាស់ ខ្វែងយោបល់គ្នា រវាងអ្នកប្រើប្រាស់បណ្តាញសង្គមហ្វេសប៊ុក បក្សប្រឆាំង និងរាជរដ្ឋាភិបាលកម្ពុជា ក៏មិនយល់ស្របគ្នាចំពោះទំហំចំណាយរៀបចំបុណ្យសពលោក សុខ អាន ជាង ៧សែនដុល្លារអាមេរិកនេះដែរ។

អនុប្រធានគណបក្សសង្រ្គោះជាតិ លោក អេង ឆៃអ៊ាង យល់ថា ក្នុងស្ថានភាពដែលពលរដ្ឋខ្មែរកំពុងក្រខ្សត់ ប្រទេសជាតិដើរខ្ចីលុយបរទេស ការចំណាយរៀបចំបុណ្យសពនេះ ហាក់ដូចជា ធំធេងពេក។ ធំធេង បើធៀបនឹង តំណែងអ្នកតំណាងរាស្រ្ត នៅពេលទទួលមរណភាព នោះ រដ្ឋមានបន្ទុកចំណាយរៀបចំបុណ្យសព ត្រឹម មួយម៉ឺនដុល្លារ ប៉ុណ្ណោះ។ ក្នុងកាលៈទេសៈនេះ លោក អេង ឆៃអ៊ាង ផ្តល់យោបល់ថា រដ្ឋមិនគួរខ្ជះខ្ជាយថវិកាជាតិច្រើនពេកទេ ប៉ុន្តែបើចង់ចំណាយច្រើន គួរតែជាការចំណាយថវិកាផ្ទាល់ខ្លួនវិញ។

អ្នកនាំពាក្យរាជរដ្ឋាភិបាលកម្ពុជា លោក ផៃ ស៊ីផាន បានប្រតិកម្មតបថា តួលេខចំណាយនេះ មិនអាចគណនាទូទាត់នឹងសមិទ្ធិផល ដែលលោក សុខ អាន បានបន្យល់ទុកសម្រាប់ ប្រទេសកម្ពុជាឡើយ។ លោក សុខ អាន មានគុណវឌ្ឍិសំខាន់ៗជាច្រើន រាប់ចាប់ពី ការចូលរួមបង្កើត គណៈកម្មាធិការកសាងសន្តិភាព នាទសវត្សទី៨០ ការចចារជាមួយអន្តរជាតិក្នុងការរៀបចំសាលាក្តីខ្មែរក្រហម ការអភិរក្ស និងអភិវឌ្ឍអង្គរ ព្រមទាំងការដាក់ប្រាសាទព្រះវិហារ ចូលក្នុងបញ្ជីបេតិកភ័ណ្ឌពិភពលោក ជាដើម។ លោក ផៃ ស៊ីផាន បន្ថែមថា តួលេខនេះ មិនខ្ជះខ្ជាយពេកទេ ព្រោះរួមបញ្ចូលការចំណាយថ្លៃយន្តហោះដឹកសព មាតុភូមិនិវត្តន៍ពីប្រទេសចិន មកកម្ពុជាវិញ និងការរៀបចំពិធី ឲ្យបានសមរម្យ តាមទំនៀមទម្លាប់ប្រពៃណី ស័ក្តិសមនឹងកិត្តិយសរបស់សព។

លោក ផៃ ស៊ីផាន បញ្ជាក់ថា ការប្រកាសខ្ទង់ចំណាយនេះ គឺជាចេតនាបង្ហាញតម្លាភាព របស់ គណៈរដ្ឋមន្រ្តី ហើយក៏ជាកម្រិតស្តង់ដាមួយ ដែល រាជរដ្ឋាភិបាលធ្លាប់ចំណាយរៀបចំបុណ្យសពកន្លងមក សម្រាប់ គោរមងារ ជា «សម្តេច»។

គួររំលឹកថា ព្រះមហាក្សត្រ នរោត្តម សីហមុនី បានប្រោសព្រះរាជទានគោរមងារ ឯកឧត្តម សុខ អាន ជា «សម្តេចវិបុលបញ្ញា សុខ អាន» នៅថ្ងៃទី១៣ មីនា ។ ពោលគឺ ត្រឹមតែ ពីរថ្ងៃប៉ុណ្ណោះ មុនពេល រាជរដ្ឋាភិបាលកម្ពុជា ប្រកាសជូនដំណឹងជាសាធារណៈ ថា លោក សុខ អាន បានទទួលមរណភាព នៅថ្ងៃទី១៥ មីនា វេលាម៉ោង ១៨:៣២នាទី នៅមន្ទីរពេទ្យទីក្រុងប៉េកាំង ប្រទេសចិន ដោយរោគាពាធ ក្នុងជន្មាយុ ៦៦ឆ្នាំ។ សពលោក សុខ អាន នឹងត្រូវរម្កិលចេញពីភូមិគ្រឹះ ក្នុងសង្កាត់បឹងរាំង ខណ្ឌដូនពេញ ឆ្ពោះទៅកាន់ ទីឈាបនដ្ឋានមុខវត្តបទុមវតី ដើម្បីបូជា នៅថ្ងៃអាទិត្យ ទី១៩ មីនា ខាងមុខ។ រាជរដ្ឋាភិបាលកម្ពុជា នៅថ្ងៃទី១៦ មីនា បានសម្រេច ប្រគល់ភារកិច្ច បន្ថែមជូនលោក ប៊ិន ឈិន ឧបនាយករដ្ឋមន្រ្តី ទទួលបន្ទុកប្រចាំការ ធ្វើជា រដ្ឋមន្រ្តីស្តីទីទទួលបន្ទុកទីស្តីការគណៈរដ្ឋមន្រ្តី ជំនួសលោក សុខ អាន ដែលបានទទួលមរណភាព៕

Credit: RFI

សមត្ថកិច្ចស៊ើបហ្វេសប៊ុក ប្រមាថសម្តេច សីហនុ

បន្ទាប់ពីមានប្រតិកម្មជាច្រើនក្រុមជំនាញពីក្រសួងមហាផ្ទៃកំពុងស្រាវជ្រាវស៊ើបអង្កេតលើទំព័រហ្វេសប៊ុកមួយដែលប្រើឈ្មោះសមាគមវៀតណាមនៅកម្ពុជាដែលបានធ្វើការប្រមាថយ៉ាងធ្ងន់ធ្ងរ មកលើអតីតព្រះមហាក្សត្រ នរោត្តម សីហនុ និងព្រះករុណាព្រះមហាក្សត្រនរោត្តម សីហមុនី ព្រមទាំងបានព្រមានចាប់ដាក់គុកចំពោះប្រជាពលរដ្ឋខ្មែរណាដែលហៅជនជាតិវៀតណាមថា «យួន»។
ទំព័រហ្វេសប៊ុកដែលគេមិនដឹងថាពិត ឬក្លែងក្លាយមួយឈ្មោះថា «សមាគមវៀតណាមនៅកម្ពុជា» កាលពីពេលថ្មីៗនេះបានបង្ហោះសារដោយប្រមាថអតីតព្រះមហាក្សត្រ ព្រះបាទនរោត្តម សីហនុ ក៏ដូចជាព្រះមហាក្សត្រព្រះបាទនរោត្តម សីហមុនី។
កាលពីថ្ងៃទី ១៨ ខែ មករាកន្លងទៅទំព័រហ្វេសប៊ុកនេះបានបង្ហោះវីដេអូឃ្លីបមួយរបស់អតីតព្រះមហាក្សត្រដែលព្រះអង្គបានមានបន្ទូលអំពីកោះ ត្រល់ និងការប្រជុំជាមួយមន្ត្រីកម្ពុជាសំខាន់ៗ។ អមជាមួយវីដេអូនេះ ទំព័រនេះ បានហៅអតីតព្រះមហាក្សត្រដោយប្រើពាក្យអសុរោះដូចជា «ខ្មោចអា...» «វា...» និងថាជា «អាស្តេចចោលម្សៀត» ជាដើម។
បន្ទាប់មកទៀតនៅថ្ងៃទី ៨ ខែមីនា ហ្វេសប៊ុកដដែលបានគំរាមមិនឲ្យហៅវៀតណាមថា «យួន» ហើយថា បើអ្នកណាហៅនឹងត្រូវចាប់ដាក់គុកហើយចំពោះគណបក្សនយោបាយណាដែលល្មើសត្រូវរំលាយចោល។
ជាមួយគ្នានេះទំព័រនេះបានសរសេរថា៖ «ក្នុងនាមជាមាតាបិតាទីពីររបស់ខ្មែរវៀតណាមគ្មានបំណងអ្វីក្រៅពីចង់ឃើញខ្មែររស់នៅបានសុខ និងរក្សានូវកេរមរតករបស់វៀតណាម (៧ មករា) ដែលជាមាតាបិតាទីពីររបស់ជាតិខ្មែរទាំងមូលឲ្យនៅស្ថិតស្ថេរគង់វង្សជាអមតៈ...»។
យោងតាមប្រវត្តិនៅលើហ្វេសប៊ុកទំព័រនេះត្រូវបានបង្កើតឡើងនៅចុងខែធ្នូ ឆ្នាំ ២០១៤ នៅពេលដែលនាយករដ្ឋមន្ត្រីវៀតណាមលោក Truong Tan Sang មកធ្វើទស្សនកិច្ចនៅប្រទេសកម្ពុជា។
ទំព័រនេះបានកូពីព័ត៌មានពីកាសែតភ្នំពេញប៉ុស្តិ៍ជាភាសាអង់គ្លេសដើម្បីដាក់ក្នុងប្រវត្តិរបស់ខ្លួនអំពីដំណើរការបង្កើត និងពង្រីកសមាគមវៀតណាមនៅកម្ពុជា។ ក្រៅពីព័ត៌មានអំពីទំនាក់ទំនងវៀតណាម និងកម្ពុជា ទំព័រនេះក៏តែងផុសគាំទ្រលោកនាយករដ្ឋមន្ត្រី ហ៊ុន សែន ដែលជាប្រធានគណបក្សប្រជាជនកម្ពុជាផងដែរ។
ក្រោយពេលទំព័រនេះបានផុសរឿងប្រមាថអតីតព្រះមហាក្សត្រ និងរឿងចម្រូងចម្រាសផ្សេងៗជាបន្តបន្ទាប់មកគេពុំឃើញមានស្ថាប័នមានសមត្ថកិច្ចណាមួយរបស់រដ្ឋាភិបាលបានបញ្ចេញប្រតិកម្ម ឬមានវិធានការផ្លូវច្បាប់ណាមួយនោះទេ។ ប៉ុន្តែមានទំព័រហ្វេសប៊ុកមួយដែលដាក់រូបព្រះមហាក្សត្រនរោត្តម សីហមុនី ឈ្មោះថា Royal Du Cambodge បានប្រតិកម្មថ្កោលទោស និងស្នើឲ្យរដ្ឋាភិបាលចាត់វិធានការបន្ទាន់ទៅលើទំព័រហ្វេសប៊ុកនេះ។
ទោះយ៉ាងណា មន្ត្រីខុទ្ទកាល័យព្រះបរមរាជវាំងបានថ្លែងកាលពីម្សិលមិញថាព្រះមហាក្សត្រមិនមានហ្វេសប៊ុកផ្លូវការទេហើយលោកកំពុងសិក្សាលើសារប្រមាថទាំងនេះ។
លោក អ៊ុំ ដារ៉ាវុធ មន្ត្រីខុទ្ទកាល័យព្រះបរមរាជវាំងថែ្លងថា៖ «ហ្វេសប៊ុកព្រះមហាក្សត្រអត់ដែលមានទេ។ ព្រះករុណាអត់មានហ្វេសប៊ុកទាំងអស់។ ខ្ញុំឆែកអស់ហើយមានបួនក្នុងហ្វេសប៊ុកហ្នឹង ព្រះមហាក្សត្រនរោត្តម សីហមុនី អីហ្នឹងតែអត់ដែលមានទេ។ នៅក្នុងហ្វេសប៊ុកវាមានអា fake ព័ត៌មានក្លែងក្លាយ ព័ត៌មានមិនត្រឹមត្រូវវាច្រើនណាស់។ បើសិនរឿងហ្នឹងវាពិត ខ្ញុំហ្នឹងប្តឹងទៅរដ្ឋាភិបាលខ្ញុំបានប្រជុំជាមួយឯកឧត្តម ខៀវ កាញារីទ្ធមិញហ្នឹង។ ចាំខ្ញុំឆែកសិនថាពិត ឬមិនពិត»។
នៅពេលទាក់ទងកាលពីម្សិលមិញលោក ខៀវ សុភ័គ អ្នកនាំពាក្យក្រសួងមហាផ្ទៃបានថ្លែងថាសមត្ថកិច្ចកំពុងស្រាវជ្រាវលើហ្វេសប៊ុក «សមាគមវៀតណាមនៅកម្ពុជា» នេះហើយ។ លោកថ្លែងយ៉ាងខ្លីថា៖ «ខាងជំនាញគេកំពុងតាមដាន»។
លោក ឈឹម កាន ប្រធាននាយកដ្ឋានកិច្ចការសមាគម និងគណបក្សនយោបាយនៃក្រសួងមហាផ្ទៃបានថ្លែងថាលោកមិនអាចបញ្ជាក់ថាតើនេះជាហ្វេសប៊ុករបស់សមាគមវៀតណាមពិតប្រាកដ ឬក្លែងក្លាយនោះទេដោយសារមិនមានអាសយដ្ឋានច្បាស់លាស់។ លោកបន្ថែមថានៅកម្ពុជាមានសមាគមវៀតណាមជាច្រើន។
សមាគមវៀតណាមចំនួន ២ កាលពីម្សិលមិញបានបដិសេធថាពួកគេមិនបានដឹងពីទំព័រហ្វេសប៊ុកដែលបានប្រមាថព្រះមហាក្សត្រខ្មែរនេះទេ។
អនុប្រធានគណបក្សសង្គ្រោះជាតិលោក អេង ឆៃអ៊ាង ក៏បានស្នើឲ្យរដ្ឋាភិបាលចាត់វិធានការលើទំព័រនេះផងដែរ។
លោកបានសរសេរនៅលើហ្វេសប៊ុករបស់លោកដោយបានចំអកដាក់គណបក្សកាន់អំណាចថា៖ «ពាក្យស្លោក ដូរមេឃុំបម្រើបក្ស ដាក់មេឃុំបម្រើរាស្ត្រ គណបក្សប្រជាជនកម្ពុជាព្រមានប្តឹង បើគណបក្សសង្គ្រោះជាតិមិនផ្លាស់ប្តូរ។ ឯទំព័របណ្តាញសង្គម (Facebook page) មួយនេះបានប្រមាថអតីតព្រះមហាក្សត្រ ព្រះបរមរតនកោដ្ឋ និងព្រះមហាក្សត្រនៅលើអត្ថបទមួយចំនួនតែមិនឃើញគណបក្សកាន់អំណាច ឬ អាជ្ញាធរមានសមត្ថកិច្ចចាប់អារម្មណ៍ ឬចាត់វិធានការឡើយ។ តើមូលហេតុអី?»៕

ប្រភពព័តមានដោយ http://www.postkhmer.com/

លោក សុខ អាន ទទួលមរណភាព

លោក សុខ អាន បានទទួលមរណភាព នៅថ្ងៃពុធ ទី ១៥មីនា វេលាម៉ោង ១៦និង៣២នាទី នៅមន្ទីរពេទ្យក្រុងប៉េកាំង ក្នុងជន្មាយុ ៦៦ឆ្នាំ ដោយរោគាពាធ។ មុនសេចក្តីប្រកាសមរណភាព លោកឧបនាយករដ្ឋមន្ត្រី សុខ អាន ត្រូវព្រះមហាក្សត្រតែងតាំងគោរមងារជា សម្តេចវិបុលបញ្ញា សុខ អាន។ តើលោក សុខ អាន ជានរណា? លោក សុខ អាន គឺជាបញ្ញាវន្តមួយរូប ដែលបានរៀនចប់ផ្នែក វិទ្យាសាស្ត្រសង្គម នៅឆ្នាំ១៩៧២ បន្ទាប់មក លោកបានរៀនបន្តរហូតទទួលសញ្ញាបត្រ ពីសាលាភូមិន្ទរដ្ឋបាល តាំងតែពីឆ្នាំ១៩៧៥មកម្ល៉េះ។ លោកត្រូវបានគេប្រគល់សញ្ញាបត្របណ្ឌិតកិត្តិយស ដល់ទៅ៤-៥! ខ្លះបានពីកម្ពុជា អាមេរិក រុស្ស៊ី និងកូរ៉េ ។ មានជំនក់ចិត្តនឹងល្បែងកម្សាន្តជល់មាន់ និងជាម្ចាស់ចម្ការជាច្រើនហិកតា លោក សុខ អាន មានស្រុកកំណើតនៅស្រុកគីរីវង់ ខេត្តតាកែវ។ មានមាឌធំ សម្បុរស ភ្នែកតឹងៗ លោក សុខ អាន រៀបការជាមួយអ្នកស្រី ថេង អានី សុខអាន មានកូនស្រីម្នាក់និងប្រុស៤នាក់។ កាលពីកុមារភាពនិងវ័យជំទង់ គ្រួសាររបស់លោក ក្រីក្រ ហើយយុវជន សុខ អាន បានមករស់នៅរៀនសូត្រជាមួយសាច់ញាត្តិបងប្អូន នៅភ្នំពេញ។ លោក សុខ អាន ចេះដឹង អាចប្រើប្រាស់ភាសាខ្មែរ អង់គ្លេស និងបារាំង បានច្បាស់លាស់។ មុននឹងបានកាន់តំណែង ជាឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី លោក សុខ អាន បានធ្វើការងារជិតស្និទ្ធបំផុត ជាមួយលោកនាយករដ្ឋមន្ត្រី ហ៊ុន សែន គឺធ្វើជាអគ្គលេខាធិការនៃក្រសួងការបរទេស ដែលជាប្រធានខុទ្ទកាល័យផ្ទាល់របស់លោក ហ៊ុន សែន ចាប់ពីបែកសម័យខ្មែរក្រហមបានបន្តិច នៅឆ្នាំ១៩៨១។ ជាច្រើនឆ្នាំក្រោយមក អ្នកទាំងពីរក៏បានក្លាយជាដន្លងនឹងគ្នា ដោយកូនប្រុសរបស់លោក សុខ អាន គឺលោក សុខ ពុទ្ធីវុធ ភ្ជាប់ចំណងអាពាហ៍ពិពាហ៍ជាមួយកូនស្រីលោក ហ៊ុន សែន, គឺអ្នកស្រី ហ៊ុន ម៉ាលី។ ក្នុងជីវិតនយោបាយនិងកិច្ចការបម្រើជាតិ លោក សុខ អាន ធ្លាប់ធ្វើជា ឯកអគ្គរាជទូតខ្មែរប្រចាំនៅប្រទេសឥណ្ឌា បន្ទាប់មកលោកធ្វើជាអនុរដ្ឋមន្ត្រីក្រសួងការបរទេស រួចមកជាអនុរដ្ឋមន្ត្រីក្រសួងមហាផ្ទៃ ហើយក៏ក្លាយជា រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងបានជាប់ឆ្នោតជាអ្នកតំណាងរាស្ត្រមណ្ឌលខេត្តតាកែវ តាំងតែពីការបោះឆ្នោតជាតិលើកទី១ ដែលរៀបចំដោយ អ៊ុនតាក់ មកម្ល៉េះ។ នៅក្នុងគណបក្សប្រជាជជនកម្ពុជា លោក សុខ អាន បានកាន់កាប់តំណែងជាប្រធានខុទ្ទកាល័យកណ្តាលរបស់មជ្ឈិមបក្សនៅឆ្នាំ១៩៩១ ហើយក្រោយមកទៀតនិងរហូតដល់ពេលទទួលមរណភាព លោកគឺជាសមាជិកគណៈកម្មាធិការអចិន្ត្រៃយ៍ គណៈកម្មាធិការកណ្តាល របស់បក្សកាន់អំណាច។ ជាអ្នកចេះដឹង និងជាអ្នកមានអំណាចក្នុងបក្សនិងក្នុងជួររដ្ឋាភិបាល លោក សុខ អាន ត្រូវគេមើលឃើញថា ជារដ្ឋមន្ត្រី ដែលក្តោបក្តាប់ឯកសារនិងមុខតំណែងតួនាទីជាច្រើន។ ជាក់ស្តែង ក្រៅពីតំណែងស្ទើរផុតលេខនៅទីស្តីការគណៈរដ្ឋមន្ត្រី លោកគឺជាប្រធានរបស់អាជ្ញាធរជាតិជាច្រើន តួយ៉ាងអាជ្ញាធរជាតិអប្សារា អាជ្ញាធរជាតិប្រេងកាត ប្រធានក្រុមប្រឹក្សាភិបាលរាជបណ្ឌិត្យសភាវិជ្ជាជីវៈតុលាការ ប្រធានក្រុមការងារដើម្បីកាត់ទោសមេដឹកនាំខ្មែរក្រហម ប្រធានក្រុមប្រឹក្សាភិបាលទទួលស្គាល់គុណភាពអប់រំកម្ពុជា ប្រធានក្រុមប្រឹក្សាភិបាលកំណែទម្រង់រដ្ឋបាល ប្រធានគណៈកម្មាធិការជាតិភាសាខ្មែរ និងមានឈ្មោះជាប្រធាននិងអនុប្រធានរបស់ស្ថាប័ននិងអង្គភាពនេះនោះមួយចំនួនទៀត។ ស្នាដៃដែលជាសមិទ្ធផលសំខាន់របស់លោក សុខ អាន គឺបានជួយជ្រោមជ្រែងការដាក់បញ្ចូនប្រាសាទព្រះវិហារ ចូលក្នុងបញ្ជីសម្បត្តិបេតិកភណ្ឌពិភពលោក របស់អង្គការយូណេស្តូ និងបានចូលរួមជាមួយក្រសួងការបរទេស ក្នុងការប្តឹងតវ៉ាចំពោះភាគីថៃ ទៅកាន់តុលាការអន្តរជាតិក្នុងសំណុំរឿងប្រាសាទព្រះវិហារនេះ ព្រមទាំងការតស៊ូមតិប្រមូលយករូបដិមារបស់ខ្មែរដែលបាត់បង់ ពីបរទេសមកមាតុភូមិវិញ។ រួមទាំងការរៀបចំឲ្យបង្កើតឡើង នូវសាលាក្តីខ្មែរក្រហម ដែលកំពុងតែដំណើរការកាត់ទោសថ្នាក់ដឹកនាំកំពូលរបស់ខ្មែរក្រហម នៅសព្វថ្ងៃនេះ ក៏ជាស្នាដៃគុណសម្បត្តិ របស់លោក សុខ អាន ដែរ៕

Credit: RFI

Wednesday, March 15, 2017

មុនសម្រេចចិត្តផ្លាស់ប្តូរកន្លែងការងារ អ្នកត្រូវពិចារណាចំណុច៣សំខាន់ៗនេះឲ្យច្បាស់សិន

សម្រាប់អ្នកដែលបម្រើការងារនៅតាមក្រុមហ៊ុនផ្សេងៗ ប្រាកដជាមិនចង់នៅមួយកន្លែងរហូតនោះឡើយ ព្រោះ

ការប្តូរកន្លែងការងារ នឹងទទួលបានបទពិសោធន៍ និង ចំណេះដឹងថ្មីៗសម្រាប់ជីវិត ជាពិសេសនោះ គឺអាចមានឱកាស

ទទួលប្រាក់ខែខ្ពស់ជាងមុនផងដែរ។ យ៉ាងណាក៏ដោយ មុនពេលសម្រេចចិត្តផ្លាស់ប្តូរទៅកាន់ក្រុមហ៊ុនថ្មីនោះ អ្នកត្រូវ

តែពិចារណាឲ្យបានច្បាស់ ព្រោះបើមិនដូច្នោះទេ អាចធ្វើឲ្យ«ទន្សាយក៏រួច ត្រីក៏រួច»។

មានចំណុចសំខាន់ៗមួយចំនួនដែលអ្នកត្រូវគិតឲ្យបានច្បាស់សិន៖

១) មូលហេតុអ្វីចង់ចាក់ចេញ

មិនមែនឲ្យតែឃើញមានការងារថ្មី អ្នកត្រូវស្រវាចប់យកនោះទេ ព្រោះអ្នកត្រូវតែគិត និង សួរខ្លួនឯងថា អ្វីជាកត្តា

សំខាន់ដែលជំរុញឲ្យអ្នកចង់ចាក់ចេញ ហើយធ្វើការនៅកន្លែងផ្សេងទៀត។ បើអ្នកគ្មានមូលហេតុច្បាស់លាស់សម្រាប់

ខ្លួនឯងនោះទេ សូមកុំទាន់ប្តូរការងារ ដោយហេតុថា ការធ្វើបែបនេះគឺប្រៀបដូចជា ដើរដោយគ្មានទិសដៅច្បាស់លាស់

មិនដឹងថា ហេតុអ្វីត្រូវដើរទៅមុខ ហើយត្រូវឈប់ទៅទីណានោះទេ។

២) ក្រុមហ៊ុនថ្មីនោះអាចបំពេញក្តីសុបិន ឬ មហិច្ឆតារបស់ខ្លួនឬអត់

ត្រូវប្រាកដថាកន្លែងការងារថ្មីរបស់អ្នកនឹងជួយឲ្យអ្នកក្លាយជាមនុស្សម្នាក់ដែលមានការរីកចម្រើនទាំងសមត្ថភាព

ក្នុងការគិត និង សមត្ថភាពក្នុងការធ្វើ ដើម្បីដើរឆ្ពោះទៅកាន់វិថីដែលអ្នកចង់បាននៅថ្ងៃអនាគត។ ប៉ុន្តែបើអ្នកប្រមើល

ឃើញថា មិនមានអ្វីប្លែក ឬអស្ចារ្យជាងក្រុមហ៊ុនដែលអ្នកកំពុងធ្វើទេមិនគួរផ្លាស់ប្តូរនោះឡើយព្រោះនាំឲ្យខាតពេល។

៣) ឧបសគ្គធំៗអ្វីខ្លះដែលអ្នកត្រូវប្រឈម

ដើម្បីប្រាកដថា កន្លែងថ្មីដែលអ្នកត្រូវទៅនោះជាជម្រើសដ៏ល្អ អ្នកមិនមែនមើលតែលើចំណុចវិជ្ជមានដែលនឹង

ទទួលបាននោះទេ តែក៏ត្រូវមើលលើបញ្ហាដែលត្រូវប្រឈមផងដែរ។ ការប្រមើលមើលពីឧបសគ្គ និង បញ្ហាធំៗដែល

ត្រូវប្រឈមនោះ គឺពិតជាសំខាន់ ព្រោះវាអាចជួយឲ្យអ្នកត្រៀមខ្លួនរួចរាល់ក្នុងការដោះស្រាយ នៅពេលរឿងអាក្រក់

មកដល់៕

Source: http://www.camhr.com/pages/articles/article.jsp?id=10003817

ហាមហើយព្រមានក៏មិនស្តាប់! ពេលនេះចិន «ងាកមករៀបចំយុទ្ធសាស្រ្តទប់ទល់រលកសញ្ញាដ៏ខ្លាំងនៃប្រព័ន្ធ THAAD វិញម្តង!»

(ប៉េកាំង)៖ រដ្ឋាភិបាលចិនកំពុងរៀបចំយុទ្ធសាស្រ្តទប់ទល់ប្រឆាំងទៅនឹង ប្រព័ន្ធខែលការពារមីស៊ីលកម្រិតខ្ពស់ THAAD ដែលកំពុងតែធ្វើការដំឡើងនៅលើទឹកដីនៃប្រទេសកូរ៉េខាងត្បូង ដែលរួមមានទាំងការប្រើប្រាស់បរិក្ខាប្រឆាំងមីស៊ីល សំដៅលុបបំបាត់រលកសញ្ញានានាចេញពីប្រព័ន្ធរ៉ាដារបស់ THAAD ផងដែរ។ នេះបើតាមសេចក្តីរាយការណ៍ព័ត៌មានដែលផ្អែកលើសម្តី របស់មេបញ្ជាយោធាចូលនិវត្តន៍មួយរូបរបស់ប្រទេសចិន ដែលត្រូវបានដកស្រង់ដោយសារព័ត៌មានរុស្ស៊ី Sputnik នៅព្រឹកថ្ងៃពុធ ទី១៥ ខែមីនា ឆ្នាំ២០១៧។ យោងតាមលោកឧត្តមសេនីយ៍ Wang Hongguang រដ្ឋាភិបាលទីក្រុងប៉េកាំងពុំមានបំណងដើម្បីអង្គុយរង់ចាំ ដល់ការបោះឆ្នោតជ្រើសរើសប្រធានាធិបតីកូរ៉េខាងត្បូងថ្មីនោះឡើយ ដោយសារប្រមុខដឹកនាំរដ្ឋាភិបាលកូរ៉េខាងត្បូងបន្ទាប់នេះ ក៏ទំនងជានឹងមិនផ្លាស់ប្តូរគោលនយោបាយដែលពាក់ព័ន្ធ ឬមួយបោះបង់ចោលនីតិវិធីនៃការដំឡើងប្រព័ន្ធខែលការពារមីស៊ីល THAAD នោះដែរ។ មួយវិញទៀតថ្លែងក្នុងសម័យប្រជុំស្តីពីបញ្ហានយោបាយ នៅទីក្រុងប៉េកាំងលោក Wang បានលើកឡើងថា «យើងនឹងបញ្ចប់ការបំពាក់បរិក្ខាយោធាទប់ទល់របស់យើង នៅមុនពេលដែលប្រព័ន្ធ THAAD ចាប់ផ្តើមប្រតិបត្តិការ ហើយវាពុំចាំបាច់នោះឡើយក្នុងការអង្គុយសំកុករង់ចាំរយៈពេលពីរខែសម្រាប់ការបោះឆ្នោតជ្រើសរើសប្រធានាធិបតីកូរ៉េខាងត្បូងថ្មី ពីព្រោះថាពួកយើងមានសម្ភារៈដូច្នោះរួចរាល់អស់ហើយ ដោយគ្រាន់តែត្រូវការចល័តវាទៅកាន់ទីកន្លែងដែលសាកសមប៉ុណ្ណោះ»។ បន្ថែមពីនេះយោងតាមអតីតមេបញ្ជាការកងទ័ពចិនមួយរូបទៀតឈ្មោះ Yue Geng ទីក្រុងប៉េកាំងមានសមត្ថភាព បង្កភាពរាំងស្ទះដល់ដំណើរការរបស់ប្រព័ន្ធ THAAD តាមរយៈការជួយពីបច្ចេកវិទ្យាជះការរំខានដ៏ទំនើបដែលប្រើប្រាស់រលកសញ្ញាអេឡិចត្រូម៉ាញេទិច។ គួរបញ្ជាក់ថាកាលពីសប្តាហ៍មុននេះ សហរដ្ឋអាមេរិកបានប្រកាសអំពីការដំឡើងបរិក្ខាបន្សំនៃប្រព័ន្ធខែលការពារមីស៊ីលផ្លោង THAAD នៅប្រទេសកូរ៉េខាងត្បូង ហើយនៅក្រោយសេចក្តីរាយការណ៍នៃការចាប់ផ្តើមដំណើរការបំពាក់ប្រព័ន្ធនេះ ក្រសួងការបរទេសចិនបានគូសបញ្ជាក់ម្តងទៀតថាទីក្រុងប៉េកាំងនៅតែបន្តប្រកាន់គោលជំហរប្រឆាំងដាច់ខាតចំពោះការវិវឌ្ឍន៍នេះ ហើយនឹងចាត់វិធានការដែលចាំបាច់ដើម្បីការពារសន្តិសុខជាតិរបស់ខ្លួន៕

Source: http://m.freshnewsasia.com/index.php/en/internationalnews/49688-thaad-10.html

អីុយ៉ា! បទថ្មីលោក ព្រាប សុវត្តិ ចេញថ្មីភ្លាម ត្រូវបានមហាជនថាជាសារផ្ញើរជូន អា ចារ្យ អេ ដែរដៀលគាត់ថាស្រែៗ [មានវីដេអូ]

តារាប្រចាំដួងចិត្តបងប្អុនខ្មែរ គឺលោក ព្រាប សុវត្តិ ថ្មីៗនេះបានចេញបទចម្រៀងថ្មីមួយមានឈ្មោះថា ខ្ញុំស្រែអ៊ីងចឹង ធ្វើអោយមហាជនមានការចាប់អារម្មណ៍ខ្លំាងជាពិសេសគឺទៅលលើអត្ថន័យតែម្តង។ មហាជនមានការសង្ស័យថាអត្ថន័យក្នុងបទចម្រៀងថ្មីរបស់ លោក ព្រាប សុវត្តិ គឺជាសារឆ្លើយតបទៅលោក អាចារ្យ អេ ដែរធ្លាប់និយាយថា លោកមានមុខស្រដៀងអ្នកស្រែៗ។ យ៉ាងណាមិញនេះគ្រាន់តែជាការគិតរបស់មហាជនតែប៉ុន្នោះ ន័យពិតយ៉ាងណាមានតែអ្នកនិពន្ធ និងលោក ព្រាប សុវត្តិ ដែរដឹងការពិត។ សូមអញ្ជើញស្តាប់បទនេះទាំងអស់គ្នា។

***រូបភាពដោយ: Cambodian Next Generation***

ឃើញម្ដាយកូនប្រសាក្រពេក មិនឲ្យចូលរួមពិធីមង្គលការ តែកូនកំលោះធ្វើរឿងភ្ញាក់ផ្អើលមួយ

ខ្ញុំ និងមិត្តប្រុសបានស្គាល់គ្នាពេលនៅរៀនមហាវិទ្យាល័យជាមួយគ្នា។ គាត់ជាមនុស្សសង្ហាតែរឿងដែលប្លែក គឺគាត់មិនធ្លាប់មានសង្សារ ឬពាក់ព័ន្ធជាមួយមនុស្សស្រីពីមុនមកឡើយ។ ខ្ញុំធ្លាប់គិតលេងៗថា ឬមួយគាត់មិនចូលចិត្តមនុស្សស្រីទេដឹង។

រូបតំណាង

មានថ្ងៃមួយ ខ្ញុំបានទៅដើរលេងជាមួយមិត្តភ័ក្ដិ ហើយក៏បានជួបគាត់ដោយចៃដន្យដែលគាត់កំពុងធ្វើការក្រៅម៉ោងនៅក្នុងក្លឹបកម្សាន្តមួយកន្លែង។ នៅថ្ងៃនោះ ខ្ញុំបានផឹកស្រាស្រវឹងខ្លាំង ហើយក៏បានច្រឡំថើបគាត់។ នាថ្ងៃបន្ទាប់មកទៀត គាត់តែងតែគេចមុខចេញពីខ្ញុំជារៀងរហូត ហើយយើងទាំងពីរនាក់ក៏មិនដែលបានជួបគ្នាទៀតឡើយ។
តែមិនដឹងថាទេវតាលេងរឿងអ្វីដាក់យើងទាំងពីរនាក់ ទើបឲ្យគាត់មកដាក់ពាក្យធ្វើការនៅកន្លែងធ្វើការរបស់ខ្ញុំ។ ពេលឃើញខ្ញុំ គាត់ប្រហែលគិតថាខ្ញុំក៏មកដាក់ពាក្យធ្វើការដូចគាត់ដែរហើយមើលទៅ។ នៅថ្ងៃនោះ ខ្ញុំមានសំណួរក្នុងចិត្តជាច្រើនចង់សួរគាត់តែមិនហ៊ាន ម្យ៉ាងទៀតព្រោះគាត់ក៏មិនព្រមនិយាយអ្វីចេញមកបន្តិចសោះ។
គាត់មើលទៅមិនមានអ្វីផ្លាស់ប្ដូរឡើយទាំងដំណើរ និងការនិយាយស្ដី។ នៅពេលគាត់ដឹងថាខ្ញុំធ្វើការនៅទីនេះហើយ គាត់ក៏ប្រញាប់សុំទៅសម្ភាសន៍ភ្លាមៗដែរ។ នៅថ្ងៃបន្ទាប់ ខ្ញុំក៏បានទាក់ទងទៅគាត់ ដើម្បីសួររឿងមកសម្ភាសន៍ការងារ។ គ្រាន់តែបានឮសំឡេងគាត់និយាយក៏ដឹងភ្លាមៗថាខាងក្រុមហ៊ុនរបស់ខ្ញុំប្រហែលជាបដិសេធគាត់ហើយ។
ក្នុងថ្ងៃនោះខ្ញុំបានណាត់គាត់ញ៉ាំបាយជាមួយគ្នា ខ្ញុំក៏បានសួរទៅគាត់ថា ហេតុអ្វីត្រូវគេចមុខចេញពីខ្ញុំ? គាត់នៅស្ងៀមទម្លាក់មុខចុះភ្លាមៗបន្តិច តែក៏ព្រមប្រាប់ថាគាត់មិនបានគេចមុខទេ តែមកពីខាងផ្ទះក្រុមគ្រួសាររបស់គាត់មានបញ្ហានាពេលនោះ។
គាត់សារភាពបន្តថា គាត់ចង់មានទំនាក់ទំនងស្នេហាជាមួយខ្ញុំដែរ តែខ្លាចថាប្រសិនបើទាក់ទងគ្នាហើយ វានឹងធ្វើឲ្យខ្ញុំលំបាកទៅជាមួយគាត់។ ពេលគាត់និយាយចប់ ខ្ញុំខ្លួនឯងក៏បានដឹងការលំបាកដែរ ហើយខ្ញុំក៏ព្យាយាមប្ដូររឿងនិយាយតែម្ដង។ នៅថ្ងៃបន្តបន្ទាប់មកទៀត ខ្ញុំបានព្យាយាមជួយគាត់រកការងារធ្វើ និងតែងតែគាំទ្រខាងគាត់ជានិច្ច។
ពេលវេលាចេះតែកន្លងផុតទៅ យើងទាំងពីរបានបាក់ចិត្តស្រលាញ់គ្នា ហើយគាត់ក៏ព្រមនាំខ្ញុំទៅលេងផ្ទះ និងណែនាំឲ្យស្គាល់គ្រួសាររបស់គាត់។ ខ្ញុំគិតជាយូរមកហើយថា ផ្ទះរបស់គាត់ក្រ តែគិតមិនដល់ថាម្ដាយរបស់គាត់ជាមនុស្សពិការឡើយ។
ចំណែកខាងគ្រួសារខ្ញុំ ពេលដឹងរឿងខ្ញុំស្រលាញ់បុរសក្រីក្រ ប៉ាម៉ាក់ខ្ញុំក៏ជំទាស់ការទាក់ទងរបស់យើងទាំងពីរនាក់។ ខ្ញុំដឹងថាម្ដាយឪពុកគ្រប់គ្នាចង់ឲ្យកូនមានសេចក្ដីសុខ តែខ្ញុំគិតថាដរាបណាខ្ញុំរស់នៅជាមួយមនុស្សដែលខ្លួនស្រលាញ់ នោះជាសេចក្ដីសុខសុភមង្គលហើយ។ គិតបែបនេះ ទើបខ្ញុំស្រលាញ់គាត់រហូតដល់ជ្រុលជ្រួសមានផ្ទៃពោះ ហើយប៉ាម៉ាក់របស់ខ្ញុំក៏មិនអាចបដិសេធថាមិនឲ្យរៀបការបានដែរ។
ប៉ាម៉ាក់របស់ខ្ញុំខ្លាចថា ពេលខ្ញុំរៀបការរួចនឹងមានជីវិតលំបាក ទើបលោកទាំងពីរសម្រេចទិញផ្ទះ និងរថយន្តមួយគ្រឿងឲ្យជាកាដូថ្ងៃរៀបការ។ ប៉ាប្រាប់ស្វាមីរបស់ខ្ញុំថា នៅថ្ងៃរៀបការ គាត់មិនត្រូវឲ្យឪពុកម្ដាយរបស់គាត់មកចូលរួមទេ ព្រោះនៅថ្ងៃនោះនឹងមានអ្នកធំ អ្នកមាន និងមនុស្សល្បីៗក្នុងសង្គមចូលរួមច្រើនដែលមិនចង់ឲ្យអាម៉ាស់ភ្ញៀវកិត្តិយស។ ខ្ញុំបានព្យាយាមបញ្ចុះបញ្ចូលសុំឲ្យលោកប៉ា ប្ដូរចិត្តតែធ្វើមិនបាន រហូតថ្ងៃរៀបការក៏មកដល់។
នៅថ្ងៃអាពាហ៍ពិពាហ៍កំពុងដំណើរការមិនទាន់បានប៉ុន្មានផង ស្រាប់តែស្វាមីរបស់ខ្ញុំទទួលទូរសព្ទ ហើយគាត់ក៏ប្រញាប់ចេញទៅក្រៅពិធីភ្លាម។ បន្តិចក្រោយមក គាត់ត្រលប់មកវិញហើយបានដឹកដៃម្ដាយបង្កើតរបស់គាត់ចូលរោងការកូន រួចនាំទៅអង្គុយលើកៅអីម្ខាង។
គាត់បានសុំពេលនិយាយទៅកាន់អ្នកចូលរួមពិធីថា "សួស្ដី ភ្ញៀវកិត្តិយសទាំងអស់ដែលបានចំណាយពេលវេលាមកចូលរួមពិធីមង្គលការថ្ងៃនេះ និងធ្វើជាសាក្សីដល់ពួកយើងទាំងពីរនាក់។ ជាដំបូងខ្ញុំសូមអរគុណដល់ម្ដាយឪពុករបស់ខ្ញុំដែលបានចិញ្ចឹមបីបាច់ថែរក្សាខ្ញុំរហូតមក និងបានបង្រៀនអ្វីៗជាច្រើន។ លោកអ្នកប្រហែលគិតមិនដល់ថា មនុស្សចាស់ពិការនេះ មានជីវិតក្រលំបាកយ៉ាងណាទេ តែដោយសារពួកគាត់ទើបមានរូបខ្ញុំពេលនេះ។
ពេលខ្ញុំរៀននៅថ្នាក់មធ្យមសិក្សា ឪពុកខ្ញុំបានឡើងទៅជួសជុលដំបូលផ្ទះ ហើយក៏បានជួបឧបទ្ទវហេតុធ្លាក់ចុះមកក្រោមធ្វើឲ្យគាត់ធ្លាក់ខ្លួនពិការ។ គាត់មិនព្រមទៅព្យាបាលនៅមន្ទីរពេទ្យទេ ព្រោះត្រូវការសន្សំប្រាក់ទុកឲ្យខ្ញុំបានរៀនបន្ត។ នៅថ្ងៃបន្ទាប់ ពុកក៏មានអាការៈកាន់តែយ៉ាប់យ៉ឺនរាងកាយកម្រើកមិនរួច រហូតការសិក្សារបស់ខ្ញុំត្រូវផ្អាក និងត្រលប់មកផ្ទះវិញដើម្បីមើលថែពុក។ ពុកផ្ដាំថាចាប់ពីពេលនេះតទៅខ្ញុំត្រូវមើលថែម៉ែឲ្យបានល្អ ព្រោះគាត់មិនអាចនៅមើលថែបានទៀតទេ។
ក្រោយមកប៉ុន្មានថ្ងៃ ពុកក៏បានលាចាកលោកទៅ ហើយខ្ញុំក៏សម្រេចឈប់រៀនថ្នាក់មហាវិទ្យាល័យ រួចមកមើលថែម៉ែវិញ។ ថ្ងៃនេះជាថ្ងៃសំខាន់របស់ខ្ញុំ ខ្ញុំសុំនាំមនុស្សសំខាន់បំផុតក្នុងជីវិតរបស់ខ្ញុំមកចូលរួមពិធីមង្គលការថ្ងៃនេះ ហើយខ្ញុំចង់ប្រាប់ទាំងអស់គ្នាថា ការមានឪពុក ឬម្ដាយជាមនុស្សពិការមានអ្វីត្រូវខ្មាសទៅ។"
បន្ទាប់ពីស្វាមីរបស់ខ្ញុំនិយាយចប់ គាត់ទប់ទឹកភ្នែកមិនជាប់ ហើយភ្ញៀវកិត្តិយសបានក្រោកឈរទះដៃខ្លាំងៗពេញពិធី ឯប៉ារបស់ខ្ញុំបានប្រែទឹកមុខ។ តែអ្វីខ្ញុំទទួលបានពេលនេះគឺ ខ្ញុំបានជ្រើសរើសបុរសមិនខុសទេ តទៅនេះជីវិតរស់នៅនឹងមានសេចក្ដីសុខពិតប្រាកដ៕
តម្លៃអប់រំរឿង៖ ឪពុកម្ដាយគ្រប់រូបគួរផ្ដល់សិទ្ធិឲ្យកូនជ្រើសគូស្រករខ្លួនស្រលាញ់ ដែលត្រូវរួមរស់នៅជាមួយគ្នាមួយជីវិត។ បើព្រមទទួលយកកូនគេធ្វើជាកូនប្រសា ក៏ត្រូវទទួលស្គាល់ឪពុកម្ដាយកូនប្រសាធ្វើជាដន្លងនឹងគ្នាដែរទោះគាត់ក្រលំបាក។ ធ្វើជាកូនត្រូវចេះការពារថែរក្សាឪពុកម្ដាយ និងទទួលស្គាល់ការពិត ពិសេសពេលគាត់ចាស់ជរា ឬធ្លាក់ខ្លួនពិការដោយសារយើង។ ការជ្រើសរើសស្វាមី ឬភរិយាមានគំនិតល្អ ទោះបីក្រក៏គង់ក្លាយជាអ្នកមាន។

Source: http://news.sabay.com.kh/article/913835#pk_kwd=m.facebook.com

ចង់ទៅរស់នៅជប៉ុនអចិន្ត្រៃយ៍ មានអីពិបាក ត្រូវការតែ៤យ៉ាងនេះប៉ុណ្ណោះ

ស្រប ពេល ដែល សហរដ្ឋអាមេរិក ពិចារណា ការ ដាក់ កម្រិត លើ ជនអន្តោប្រវេសន៍ នៅ ក្នុង ប្រទេស ជប៉ុន ឯណោះ វិញ រដ្ឋាភិបាល សហព័ន្ធ បាន ធ្វើ ការ បន្ធូរបន្ថយ លើ តម្រូវការ ថ្មី ចំពោះ ជនអន្តោប្រវេសន៍ ដែល មាន ជំនាញ ខ្ពស់ ដើម្បី ក្លាយ ជា អ្នក រស់ នៅ អចិន្ត្រៃយ៍ ក្នុង ប្រទេស របស់ ខ្លួន។

ប្រសិន បើ អ្នក គិត ថា ចង់ ផ្លាស់ ទៅ រស់ នៅ ក្នុង ប្រទេស ជប៉ុន នោះ អ្នក ត្រូវ ការ របស់ ៤ យ៉ាង គឺ លិខិតឆ្លងដែន មួយ ទម្រង់ ពាក្យ សុំ ទិដ្ឋាការ មួយ រូបថត មួយ សន្លឹក និង លិខិត បញ្ជាក់ (Certificate of Eligibility ឬ COE)។
របស់ ទាំង ៣ យ៉ាង ដំបូង គឺ ពិត ជា ងាយ ស្រួលSp ខ្លាំង ណាស់ សម្រាប់ អ្នក ប៉ុន្តែ បើ ចង់ បាន COE គឺ ទាមទារ ឲ្យ អ្នក ធ្វើ ការងារ បន្តិចបន្តួច បន្ថែម ទៀត។
ជា ពិសេស វា គឺ ជា ឯកសារ ដែល បង្ហាញ ថា អ្នក មាន លទ្ធភាព ទ្រទ្រង់ ជីវិត រស់ នៅ ខ្លួនឯង នៅ ក្នុង ប្រទេស ជប៉ុន។ ចំនួន អប្បបរមា នៃ ប្រាក់ ខែ សម្រាប់ ការ ទ្រទ្រង់ ជីវិត របស់ អ្នក ដែល ធ្វើ ឲ្យ អ្នក មាន សិទ្ធិ អាច ទទួល បាន COE គឺ ប្រហែល ១ ៦០០ ដុល្លារ ក្នុង មួយ ខែ។
យ៉ាងណាមិញ អ្នក ក៏ អាច ធ្វើ ការ ស្នើសុំ ទៅ រស់ នៅ ជា អចិន្ត្រៃយ៍ នៅ ជប៉ុន បាន ដែរ ប្រសិន បើ និយោជក ផ្ដល់ ឲ្យ អ្នក នូវ ការងារ មួយ ឬ អ្នក ជា កូន ឬ ប្តីប្រពន្ធ របស់ នរណា ម្នាក់ ដែល រស់នៅ ក្នុង ប្រទេស ជប៉ុន ស្រាប់៕
Source: http://news.sabay.com.kh/article/913640#pk_fb_page=Sabay%20News%20Social

អន្តរជាតិ កាដូឆ្នាំថ្មី! រដ្ឋាភិបាលថៃ អត់យកថ្លៃធ្វើដំណើរទៅស្រុកសម្រាប់ពលករកម្ពុជា,ឡាវ,មីយ៉ាន់ម៉ា

មកទល់ពេលនេះ នៅសល់មួយខែទៀតប៉ុណ្ណោះ ពិធីបុណ្យចូលឆ្នាំថ្មី ឬបុណ្យសង្ក្រាន នឹងមកដល់។ ជាកាដូអបអរឆ្នាំថ្មី រដ្ឋាភិបាលថៃ នៅថ្ងៃទី១៤ ខែមីនា បានអនុម័តយល់ព្រមក្នុងការផ្ដល់សេវាធ្វើដំណើរមិនគិតថ្លៃសម្រាប់ការធ្វើដំណើរតាមផ្លូវល្បឿនលឿនសម្រាប់យានយន្តគ្រប់ប្រភេទ។ ក្រៅពីប្រជាជនថៃ ពលករចំណាកស្រុកមកពីប្រទេសជិតខាងរបស់ថៃ ក៏ទទួលបានការផ្ដល់កាដូសម្រាប់ឆ្នាំថ្មីផងដែរ។ រដ្ឋមន្ត្រីដឹកជញ្ជូនថៃ លោក Arkhom Termpittayapaisith បាននិយាយថា គណៈរដ្ឋមន្ត្រី បានអនុញ្ញាតឲ្យនាយកដ្ឋានផ្លូវ Highways លុបចោលការបង់ថ្លៃធ្វើដំណើររវាងរាជធានីបាងកក និងខេត្តប៉ាតាយ៉ា និងផ្លូវក្រវាត់ភ្ជាប់រវាង Bang Pa-in ទៅកាន់ Bang Phli ចាប់ពីថ្ងៃទី១១ ដល់ថ្ងៃទី១៨ ខែមេសា។ នេះបើយោងតាមការផ្សាយរបស់កាសែតបាងកកប៉ុស្តិ៍។ បន្ថែមពីលើនោះ រដ្ឋមន្ត្រីដឹកជញ្ជូនរូបនេះ ក៏និយាយដែរថា អាជ្ញាធរទទួលផ្លូវ Expressway ក៏មានគម្រោងលុបចោលយកថ្លៃសម្រាប់យានយន្តធ្វើដំណើរលើផ្លូវរវាង Bang Na និងខេត្ត Chonburi អំឡុងពេលបុណ្យចូលឆ្នាំថ្មីនេះដែរ។ ការសម្រេចចិត្តបែបនេះ ធ្វើឡើងដើម្បីសម្រួលការធ្វើដំណើរតាមដងផ្លូវក្នុងពេលឆ្នាំថ្មី ខណៈការធ្វើដំណើរក្នុងពេលនេះ នឹងកើនឡើងខ្លាំង ហើយអាចកកស្ទះជាងថ្ងៃធម្មតា។ មិនត្រឹមតែជនជាតិថៃឡើយដែលទទួលកាដូសម្រាប់ឆ្នាំថ្មី រដ្ឋាភិបាលថៃ ក៏បានលុបចោលថ្លៃធ្វើដំណើររបស់ពលកររាប់លាននាក់ ដែលកំពុងធ្វើការនៅលើទឹកដីថៃងផងដែរ។ អ្នកនាំពាក្យរដ្ឋាភិបាលថៃ Athisit Chaiyanuwat បញ្ជាក់ថា គណៈរដ្ឋមន្ត្រី បានបញ្ជាឲ្យក្រសួងមហាផ្ទៃ លុបចោលថ្លៃធ្វើដំណើរទៅលេងស្រុកកំណើតសម្រាប់ពលករមកពីប្រទេសជិតខាងចំនួន៣ គឺកម្ពុជា, ឡាវ និងមីយ៉ាន់ម៉ា។ ការលុបចោលថ្លៃធ្វើដំណើរនេះ នឹងចាប់ផ្ដើមពីថ្ងៃទី៥ ដល់ថ្ងៃទី៣០ ខែមេសា ដើម្បីអនុញ្ញាតឲ្យពលករទាំង៣ប្រទេស អាចអបអរពិធីបុណ្យចូលឆ្នាំថ្មីនៅស្រុកកំណើតរបស់ពួកដោយសប្បាយរីករាយ។ ជាមួយគ្នានោះ ប៉ូលិសអន្តោប្រវេសន៍ ក៏ទទួលបានការណែនាំមិនឲ្យយកថ្លៃធ្វើដំណើរសម្រាប់ពលករទាំងអស់ផងដែរ។ ចំណែកក្រសួងមហាផ្ទៃ ក៏នឹងសម្រួលការធ្វើដំណើររបស់ពលករ ក៏ដូចជាសមាជិកគ្រួសារពួកគេដែរ។ សូមបញ្ជាក់ថា ពិធីបុណ្យចូលឆ្នាំថ្មី គឺជាបុណ្យដ៏ធំមួយរបស់កម្ពុជា, ថៃ, ឡាវ និងមីយ៉ាន់ម៉ា ដែលកាន់ពុទ្ធសាសនាដូចគ្នា។ ប្រទេសទាំង៤ ប្រារព្ធពិធីបុណ្យនេះ អំឡុងខែមេសា តែខុសគ្នាត្រង់រយៈពេលនៃការប្រារព្ធ និងឈ្មោះប៉ុណ្ណោះ។ នៅកម្ពុជា ប្រជាជនខ្មែរនិយមហៅថា ពិធីបុណ្យចូលឆ្នាំថ្មី ឯថៃហៅថាបុណ្យសង្ក្រាន្ត ហើយឡាវហៅថាសង្ក្រាន្ត និងមីយ៉ាន់ម៉ាហៅថាបុណ្យ Thingyan ។ ដោយសារពិធីបុណ្យនេះប្រារព្ធក្នុងពេលដំណាលគ្នា ទើបរដ្ឋាភិបាលថៃសម្រួលការធ្វើដំណើររបស់ពលករប្រទេសជិតខាងខ្លួន៕

Source: https://thmeythmey.com/?page=detail&id=50463

Wednesday, March 29, 2017

«តុលាការ» លើដងផ្លូវ

គ.ជ.បនៅរក្សាទុកបញ្ជីឈ្មោះបេក្ខជនបក្សសង្គ្រោះជាតិបើទោះបីមានបញ្ហាលក្ខន្តិកៈបក្ស

តុលាការអាមេរិកលើកពេលសវនាការសំណុំរឿងពាក់ព័ន្ធលោក ហ៊ុន ម៉ាណែត

Tuesday, March 28, 2017

អាហារអ្វីខ្លះជួយតម្រងនោមឱ្យមានសុខភាពល្អ ?

បុរសបើកឡានបុករះអ្នកជិះម៉ូតូកណ្តាលរាជធានី កំពុងស្ថិតក្នុងបន្ទប់សង្រ្គោះបន្ទាន់

គ.ជ.ប នឹងលុបឈ្មោះគណបក្សសង្រ្គោះជាតិពីបញ្ជីបោះឆ្នោត បើក្រសួងមហាផ្ទៃ សម្រេចលុបចោលគណបក្សនេះ

Monday, March 27, 2017

លោក កែវ រ៉េមី ថា សម្តេច ហ៊ុន សែន គួរទទួលបានពានណូបែលសន្តិភាព

Thursday, March 23, 2017

iPhone ៣០០ លានគ្រឿង អាចប្រើលែងបានចាប់ពីខែមេសា

ឃើញចេកជោរខ្លាំង នាំគ្នាខ្ពើមមិនហ៊ានទទួលទាន...តាមពិតវាប្រៀបបីដូចជាមាសមួយដុំ ដែលមនុស្សបោះចោលឥតដឹងខ្លួន

Wednesday, March 22, 2017

អាជ្ញាធរខ្មែរផ្អាកការនាំចេញទឹកដោះស្ត្រីទៅសហរដ្ឋអាមេរិកជាបណ្ដោះអាសន្

Tuesday, March 21, 2017

Monday, March 20, 2017

រដ្ឋាភិបាលគ្រោងដកសំឡេង Call Tune ក្នុងទូរស័ព្ទ

មហាក្សត្រអំពាវនាវឲ្យពលរដ្ឋទៅបោះឆ្នោតឃុំ-សង្កាត់

អង្គការសមាជិកសភាអាស៊ានព្រួយបារម្ភពីការកើនឡើងវាយប្រហារលើសិទ្ធិមនុស្សនិងប្រជាធិបតេយ្យនៅកម្ពុជា

មន្ត្រីជាន់ខ្ពស់រដ្ឋាភិបាលកម្ពុជា ព្រមានប្តឹងអ្នកគាំទ្របក្សប្រឆាំងម្នាក់ ពីបទប្រមាថសពលោក សុខ អាន

Friday, March 17, 2017

ចន្លោះម៉ោងធ្វើការ គួរឆ្លៀតសម្រេចកាមទេ បើវាមានផលល្អ?

Thursday, March 16, 2017

CNRP will never ‘rule Cambodia’: Sopheak

រាជរដ្ឋាភិបាលថានឹងបន្តធានាសិទ្ធិស្របច្បាប់ពលរដ្ឋវៀតណាមរស់នៅកម្ពុជា

ហេង ពៅ អួតថាជំនាន់លោកធ្វើស្នងការ ពុំមានថ្នាំញៀនច្រើនទេ

បណ្ដាញសង្គម និងបក្សប្រឆាំង រិះគន់ការចំណាយថវិកាជាតិ ជាង ៧សែនដុល្លារ សម្រាប់រៀបចំបុណ្យសពលោក សុខ អាន

សមត្ថកិច្ចស៊ើបហ្វេសប៊ុក ប្រមាថសម្តេច សីហនុ

លោក សុខ អាន ទទួលមរណភាព

Wednesday, March 15, 2017

មុនសម្រេចចិត្តផ្លាស់ប្តូរកន្លែងការងារ អ្នកត្រូវពិចារណាចំណុច៣សំខាន់ៗនេះឲ្យច្បាស់សិន

ហាមហើយព្រមានក៏មិនស្តាប់! ពេលនេះចិន «ងាកមករៀបចំយុទ្ធសាស្រ្តទប់ទល់រលកសញ្ញាដ៏ខ្លាំងនៃប្រព័ន្ធ THAAD វិញម្តង!»

ឃើញម្ដាយកូនប្រសាក្រពេក មិនឲ្យចូលរួមពិធីមង្គលការ តែកូនកំលោះធ្វើរឿងភ្ញាក់ផ្អើលមួយ

ចង់ទៅរស់នៅជប៉ុនអចិន្ត្រៃយ៍ មានអីពិបាក ត្រូវការតែ៤យ៉ាងនេះប៉ុណ្ណោះ

អន្តរជាតិ កាដូឆ្នាំថ្មី! រដ្ឋាភិបាលថៃ អត់យកថ្លៃធ្វើដំណើរទៅស្រុកសម្រាប់ពលករកម្ពុជា,ឡាវ,មីយ៉ាន់ម៉ា

Recent

Popular