ឯ.ឧ. ឈាង វុន តំណាងអោយរដ្ឋសភាជាតិ ចេញជួបប្រជាពលរដ្ឋ នៅព្រឹកមុិញនេះ

27/02/2017/ឯ.ឧ. ឈាង វុន តំណាងអោយរដ្ឋសភាជាតិ ចេញជួបប្រជាពលរដ្ឋ នៅព្រឹកមុិញនេះ ពីរឿងប្រជាពលរដ្ឋជិត៥មុឺនគ្រួសារ បានចាញ់បោកក្រុមហ៊ុនEBC សរុបទឹកប្រាក់ជាង៨០លានដុល្លា។

រដ្ឋាភិបាលកម្ពុជាអសមត្ថភាពក្នុងការនាំយកជនជាតិវៀតណាមដែល​​​​​​ធ្វើ​​​ទារុណកម្ម​​​លើ​​​កុមារ​​​​​កម្ពុជាមកផ្តន់ទាទោស

ជនជាតិវៀតណាមដែល​​​​​​ធ្វើ​​​ទារុណកម្ម​​​លើ​​​កុមារ​​​​​កម្ពុជា​​​ នឹងមិនត្រូវ​​​បាន​​​ធ្វើ​​​បត្យាប័នពី​​​វៀត​​​ណាមទេ

បើទោះជាពីដំបូងសង្ឃឹមថា បុរសដែលបានធ្វើទារុណកម្មលើកូនប្រុសអាយុ២ឆ្នាំរបស់ខ្លួនកាលពីពីរឆ្នាំមុននឹងប្រឈមការផ្តន្ទាទោសក្នុងប្រទេសកម្ពុជាក៏ដោយ ក៏ស្ត្រីជាម្តាយក្មេងប្រុសរូបនោះ បាននិយាយកាលពីម្សិលមិញថា នគរបាលវៀតណាមបានប្រាប់អ្នកស្រីថា ជននេះនឹងមិនត្រូវបានធ្វើបត្យាប័នពីប្រទេសវៀតណាមឡើយ។
ង្វៀន ថាញ់ឌុង ដែលជាជនជាតិវៀតណាមត្រូវបានចាប់ខ្លួនក្នុងទីក្រុងហូជីមិញ កាលពីខែធ្នូ បន្ទាប់ពីវីដេអូឃ្លីបជាច្រើនត្រូវបានបែកធ្លាយតាមប្រព័ន្ធអីុនធឺណិតបង្ហាញថា ជននេះបានធ្វើទារុណកម្មលើក្មេងប្រុសកម្ពុជាជាច្រើនលើកដោយចំណុចមួយជននេះបានយកក្រណាត់រុំមុខក្មេងប្រុសនោះ ហើយយកឧបករណ៍ឆក់ឆក់លើដងខ្លួនក្មេងប្រុសនេះជាច្រើនកន្លែង។
ស្ត្រីជាម្តាយបាននិយាយថា នគរបាលវៀតណាមបានពិភាក្សាអំពីការផ្តន្ទាទោស ង្វៀន ថាញ់ឌុង អំឡុងការសម្ភាសរយៈពេល៤ម៉ោងកាលពីថ្ងៃច័ន្ទនៅការិយាល័យក្នុងរាជធានីភ្នំពេញរបស់អង្គភាពការពារកុមារ(CPU)ជាអង្គភាពមនុស្សធម៌ដែលបានចូលរួមក្នុងការសើុបអង្កេតនេះ។

 អ្នកស្រីបាននិយាយថា “ខ្ញុំបាននិយាយថា ប្រសិនបើអាច នាំជននេះមកប្រទេសកម្ពុជាហើយផ្តន្ទាទោសនៅក្នុងប្រទេសកម្ពុជា ប៉ុន្តែ គេនិយាយថា ដោយសារជននេះត្រូវបានចាប់ខ្លួនក្នុងប្រទេសវៀតណាម គេមិនអាចបញ្ជូនជននេះមកកម្ពុជាបានទេ។ ខ្ញុំចង់ឲ្យផ្តន្ទាទោសជននេះក្នុងប្រទេសកម្ពុជា ពីព្រោះអាចដាក់ទោសធ្ងន់ជាងក្នុងប្រទេសវៀតណាម”។
លោក សូ សុវណ្ណ ស្នងការរងនគរបាលខេត្តមណ្ឌលគិរីកន្លែងដែលការធ្វើទារុណកម្មកើតឡើងនោះបានមានប្រសាសន៍ថា ង្វៀន ថាញ់ឌុង អាយុ៣៤ឆ្នាំត្រូវបានតុលាការវៀតណាមធ្វើការចោទប្រកាន់កាលពីខែធ្នូពីបទប្រើហិង្សាលើអ្នកដទៃ ដែលប្រឈមការជាប់ពន្ធនាគាររយៈពេល៣ឆ្នាំ ។ ង្វៀន ថាញ់ឌុង ត្រូវបានជាប់ពន្ធនាគារចាប់តាំងពីត្រូវបានចាប់ខ្លួនមក។
ប្រសិនបើជននេះត្រូវបានបញ្ជូនមកកម្ពុជា ជននេះ នឹងត្រូវបានចោទប្រកាន់ពីបទធ្វើទារុណកម្មមានស្ថានទម្ងន់ទោស និងប្រព្រឹត្តអំពើសាហាវព្រៃផ្សៃដែលអាចជាប់ពន្ធនាគាររហូតដល់២០ឆ្នាំ។
លោក Jame McCabe ប្រធានផ្នែកប្រតិបត្តិការនៅ CPU បានមានប្រសាសន៍បន្ទាប់ពីការចាប់ខ្លួន ង្វៀន ថាញ់ឌុង ថា ការបញ្ជូនជននេះ មកកម្ពុជាគឺជារឿងត្រឹមត្រូវដែលត្រូវធ្វើ ប៉ុន្តែការប្រឹងប្រែងនេះប្រាកដជួបការលំបាកដោយសារលក្ខណៈលេចធ្លោនៃរឿងក្តីនេះ។
លោកបានលើកឡើងកាលពីខែធ្នូថា ប៉ុន្តែ វានឹងមានលទ្ធផលល្អបើជននេះត្រូវបានបញ្ជូនមកផ្តន្ទាទោសមកកម្ពុជានោះ ដែលជាកន្លែងត្រឹមត្រូវសម្រាប់ធ្វើការចោទប្រកាន់”។ លោក McCabe បាននិយាយកាលពីម្សិលមិញថា គេមិនទាន់កំណត់ថា តើ ង្វៀន ថាញ់ឌុង នឹងត្រូវផ្តន្ទាទោសនៅប្រទេសណានោះឡើយ។
លោក សូ សុវណ្ណ បានមានប្រសាសន៍ ថា នគរបាលវៀតណាម៦នាក់ និងព្រះរាជអាជ្ញារងមួយរូបដែលបានមកដល់រាជធានី ភ្នំពេញកាលពីថ្ងៃច័ន្ទ បានធ្វើដំណើរទៅខេត្តមណ្ឌលគិរីកាលពីម្សិលមិញដើម្បីប្រមូលភ័ស្តុ តាងបន្ថែមទៀត ហើយបានជួបជាមួយនគរបាល និងមន្ត្រីតុលាការកម្ពុជា និងបានសម្ភាស កម្មករនៅចម្ការកាកាវកន្លែងដែលឪពុកម្តាយក្មេងប្រុសរូបនេះធ្លាប់បានធ្វើការ ហើយជាកន្លែងដែលមានការធ្វើទារុណកម្ម និងថតជាវីដេអូឃ្លីប។
លោកបានថ្លែងថា “យើងបានសហការគ្នាដើម្បីកសាងសំណុំរឿងដាក់បន្ទុកលើជនដៃដល់រូបនេះ។ យើងត្រូវបន្តសើុប អង្កេតបន្ថែមទៀត”។
លោក Stefan Struik ជនជាតិហូឡង់ ជាម្ចាស់ចម្ការ ហើយត្រូវជាមិត្តប្រុសរបស់ង្វៀន ថាញ់ឌុង ត្រូវបានចាប់ខ្លួន និងធ្វើការចោទប្រកាន់កាលពីខែធ្នូ ពីបទលាក់បាំងភ័ស្តុតាង និងមិនបានរាយការណ៍អំពីការធ្វើទារុណកម្មនោះ។ លោក Struikត្រូវបានឃុំខ្លួនបណ្តោះអាសន្នក្នុងពន្ធនាគារខេត្តមណ្ឌលគិរី។
លោក សូ សុវណ្ណ បានមានប្រសាសន៍ថា ក្រុមស៊ើបអង្កេតវៀតណាមមិនបានចែករំលែកព័ត៌មានអំពីសំណើរបស់កម្ពុជាសុំធ្វើបត្យាប័ន ង្វៀន ថាញ់ឌុង ឡើយអំឡុងជំនួបក្នុងខេត្តមណ្ឌលគិរីកាលពីម្សិលមិញ ។
ដោយសំដៅដល់មន្ត្រីជាន់ខ្ពស់នៃប្រទេស ទាំងពីរលោកបានថ្លែងថា “ពួកគេមិនបានឆ្លើយតបទេ។ វាអាស្រ័យលើថ្នាក់លើ”។
ក្មេងប្រុស ឪពុកម្តាយរបស់វា និងបងប្អូនស្រីពីរនាក់បានផ្លាស់ទៅក្រុងព្រះសីហនុកាលពីពាក់កណ្តាលខែធ្នូឆ្នាំមុនបន្ទាប់ពីឪពុករបស់ក្មេងប្រុសនេះត្រូវបានឧកញ៉ា ម៉ុង ឫទ្ធី ផ្តល់ការងារធ្វើនៅចម្ការស្វាយ ព្រមទាមងផ្តល់កន្លែងស្នាក់នៅ និងអាហារហូបចុងប្រចាំថ្ងៃផងដែរ។
បើទោះជាកូនប្រុសរបស់គាត់បានប្រសើរឡើងបន្តិចម្តងៗពីការប៉ះទង្គិចធ្ងន់ធ្ងរដែលវាបានជួបប្រទេះកាលពីឆ្នាំមុនក៏ដោយ ក៏ស្ត្រីជាម្តាយក្មេងប្រុសរូបនេះបាននិយាយកាលពីម្សិលមិញថា គាត់នៅតែចាំមិនភ្លេចពីវីដេអូឃ្លីបមួយដែលគាត់បានមើលពីការដែលគេធ្វើទារុណកម្មលើកូនប្រុសរបស់គាត់។
គាត់បាននិយាយថា “ការឃើញកូនប្រុសរបស់ខ្ញុំត្រូវគេធ្វើទារុណកម្មបែបនេះ ធ្វើឲ្យខ្ញុំរន្ធត់ចិត្តជាខ្លាំង។ ពេលខ្ញុំបានមើលវីដេអូនេះខ្ញុំមានអារម្មណ៍ភ័យខ្លាច ស្ទើរតែផុតដង្ហើម ហើយអួលដើមកនិយាយមិនចេញ”៕

Source http://www.cambodiadailykhmer.com/36620

 

បុរស​ម្នាក់​ឆក់​ខ្សែ​ភ្លើង​ស្លាប់ ពេល​ឡើង​ប្តូរ​ផ្លាក​សញ្ញា​ អេស៊ីលីដា

កោះកុង៖ ខណៈ​កំពុង​ស្ទូច​ទម្លាក់​ផ្លាក​សញ្ញា​រូប​ហង្ស ធនាគារ អេស៊ីលីដា ដើម្បី​ផ្លាស់​ប្ដូរ​ស្លាក​សញ្ញា​ថ្មី​របស់​ធនាគារ​នេះ បុរស​​​ម្នាក់​​ត្រូវ​បាន​ខ្សែ​ភ្លើង​ឆក់​ស្លាប់ បន្ទាប់​ពី​ដង​ស្ទូច​របស់​រថយន្ត​បាន​រេ​ទៅ​ប៉ះ​ចំ​ខ្សែ​ភ្លើង​ស្រាត។
ហេតុ​ការណ៍​នេះ​បាន​កើត​ឡើង​កាល​ពី​វេលា​ម៉ោង ៧ យប់ថ្ងៃច័ន្ទ នៅ​ចំណុច​ធនាគារ​អេស៊ីលីដា សាខា​ស្រុក​ស្រែ​អំបិល ស្ថិតក្នុង​ភូមិ​ត្រពាំង ឃុំ-ស្រុក ស្រែ​អំបិល ខេត្ត​កោះកុង។ នេះ​បើ​តាម​ការ​អះអាង​របស់​មន្ត្រី​នគរបាល កាល​ពី​ម្សិលមិញ។
លោក ង៉ែត ហ៊ុល អធិការរង​ស្រុក​ស្រែអំបិល បាន​និយាយ​ថា ជន​រងគ្រោះ​ឈ្មោះ ឈុំ ចិត្រ អាយុ ២៧ ឆ្នាំ មាន​ទី​លំនៅ​ក្នុង​ភូមិ ឃុំ កើត​ហេតុ​ខាង​លើ ជា​កម្មករ​ស៊ី​ឈ្នួល​បើក​រថយន្ត​ស្ទូច​ឲ្យ​អ្នក​ជិត​ខាង​ក្នុង​ភូមិ​ជាមួយ​គ្នា។
លោក​ថ្លែង​ថា តាម​ការ​អះអាង​របស់​សាក្សី​នៅ​កន្លែង​កើតហេតុ​ ការ​ស្លាប់​របស់​ជន​រងគ្រោះ​គឺ​បណ្ដាល​មក​ពី​«ភាព​ធ្វេស​ប្រហែស​ក្នុង​ការងារ​» ព្រោះ​នៅ​ពេល​កំពុង​ស្ទូច​ទម្លាក់​ស្លាក​សញ្ញា​រូប​ហង្ស​របស់​ធនាគារ អេស៊ីលីដា ក្នុង​​តំបន់​ខាង​លើ​នោះ ជន​រងគ្រោះ​មិន​បាន​ត្រួត​ពិនិត្យ​​ពី​លក្ខណៈ​បច្ចេកទេស​ឬ​កម្លាំង​ស្រូប​នៃ​ខ្សែ​កាប​អគ្គីសនី ដែល​​នៅ​ក្បែរ​ស្លាក​សញ្ញា​នោះ ឲ្យ​បាន​ច្បាស់​លាស់​ទេ។
លោក​បាន​បន្តថា ក្រោយ​ពី​ត្រូវ​ខ្សែ​ភ្លើង​ឆក់​ជន​រង​គ្រោះ​ត្រូវបាន​ថៅកែ​រថយន្ត​ស្ទូច ដឹក​តាម​រថយន្ត​ទៅ​កាន់​មន្ទីរ​ពេទ្យ​បង្អែក​ស្រុក​ស្រែ​អំបិល​ ដើម្បី​សង្គ្រោះ​ជីវិត ប៉ុន្តែ​ជាអកុសល​ពេល​ដល់​របង​ទ្វារ​ចូល​មន្ទីរពេទ្យ ជនរង​គ្រោះ​បាន​ដាច់​ខ្យល់​ស្លាប់​តែ​ម្ដង។
កាល​ពី​ថ្ងៃ​សុក្រ​សប្ដាហ៍​មុន រាជរដ្ឋាភិបាល​កម្ពុជា បាន​តម្រូវ​ឲ្យ​ធនាគារ​អេស៊ីលីដា ផ្លាស់​ប្ដូរ​ស្លាក​សញ្ញា​ពាណិជ្ជ​កម្ម​របស់​ខ្លួន ដែល​មាន​រូប​ហង្ស នោះ​ចេញ​ជា​បន្ទាន់​ ដើម្បី​ចៀសវាង​ការ​ភាន់​ច្រឡំ​របស់​សាធារណជន ចំពោះ​ស្ថាប័ន​ធនាគារ​ឯកជន​មួយ​នេះ ជាមួយ​នឹង​គ្រឹះស្ថាន​របស់​រាជរដ្ឋាភិបាល ព្រោះ​រូប​សញ្ញា​ពាណិជ្ជកម្ម​របស់​ធនាគារ​នេះ ស្រដៀង​គ្នា​នឹង​និមិត្ត​សញ្ញា​របស់​ក្រសួង​សេដ្ឋកិច្ច និង ហិរញ្ញវត្ថុ ហើយ​ការ​ផ្លាស់​ប្ដូរ​នេះ រដ្ឋាភិបាល​ទុក​រយៈពេល​ត្រឹម​តែ​ ៣ សប្ដាហ៍​ប៉ុណ្ណោះ។
ដើម្បី​ពន្លឿន​ការងារ​នេះ គ្រប់​បណ្ដា​សាខា​របស់​ធនាគារ​នេះ បាន​ប្រឹង​ប្រែង​ធ្វើ​ការងារ​យ៉ាង​សកម្ម​ រួម​ទាំង​ការងារ​រុះ​រើ​ផ្ទាំង​ប៉ាណូ​ស្លាក​សញ្ញា​ពាណិជ្ជកម្ម​ផង​ដែរ។
ជុំវិញ​ករណី​នេះ លោក សាយ ខាន់ ប្រធាន​សាខា​ធនាគារ​អេស៊ីលីដា ស្រុក​ ស្រែអំបិល បាន​ថ្លែង​ថា លោក​នឹង​ក្រុម​​​ការងារ​បាន​ចូល​រួម​រំលែក​ទុក​គ្រួសារ​សព​ជនរង​គ្រោះ និង​បាន​ជួយ​ឧបត្ថម្ភ​នូវ​ថវិការ​មួយ​ចំនួន​ផង​ដែរ បើ​ទោះ​ជា​ករណី​នេះ​មិន​មែន​ជា​ការ​ទទួល​ខុស​ត្រូវ​របស់​ខាង​ភាគី​ធនាគារ​លោក​ក្ដី។
លោក​បញ្ជាក់​ថា៖ «គាត់​ [ជនរង​គ្រោះ] គឺជា​កម្មករ​បម្រើ​ការងារ​ឲ្យ​ផ្នែក​ឯកជន​មួយ​ផ្សេង​ទៀត ដែល​ត្រូវ​បាន​ខាង​ធនាគារ​អេស៊ីលីដា សាខា​ស្រែ​អំបិល​យើង​ខ្ញុំ​ជួល​មក​ឲ្យ​រុះរើ​ស្លាក​សញ្ញា​ពាណិជ្ជកម្ម​ចាស់​ចេញ ដើម្បី​លើ​ស្លាក​សញ្ញា​ថ្មី ដូច្នេះ​ការ​ស្លាប់​របស់​ជនរងគ្រោះ​ មិន​មែន​ជា​ការ​ទទួល​ខុស​ត្រូវ​របស់​ភាគី​ធនាគារ​យើង​ខ្ញុំ​នោះ​ទេ។ ប៉ុន្តែ​ករណី​នេះ​ខ្ញុំ​បាន​រាយការណ៍​ទៅ​ថ្នាក់​ដឹក​នាំ​ខាង​លើ​ហើយ»។
បើ​តាម​សម្ដី​លោក​ សាយ ខាន់ ការងារ​រុះរើ​ស្លាក​សញ្ញា​រូប​ហង្ស​ ដែល​ជា​និមិត្ត​សញ្ញា​របស់​ធនាគារ​នេះ ភាគី​របស់​លោក បាន​ជួល​ភាគី​ម្ចាស់​រថយន្ត​ស្ទូច ដែល​មាន​អ្នក​ស្រី គឹម ទី ជាតំណាង​ ក្នុង​តម្លៃ​ ៥០ ដុល្លារ។ ក្នុង​ករណី​នេះ ភាគី​ម្ចាស់​រថយន្ត​ស្ទូច គួរ​តែ​ជា​អ្នក​ទទួល​ខុស​ត្រូវ​ទាំង​ស្រុង​លើ​ការ​ផ្ដល់​សំណង​និង​អត្ថប្រយោជន៍​ផ្សេងៗ ដល់​ជន​រង​គ្រោះ ដែល​ជា​កម្មករ​របស់​ខ្លួន និង ដែល​បាន​ស្លាប់​ក្នុង​គ្រោះ​ថ្នាក់​ការងារ។
ទាក់​ទង​ករណី​នេះ អ្នកស្រី គឹម ទី អាយុ​ ៤៩ ​ឆ្នាំ រស់​នៅ​ភូមិ​ត្រពាំង ឃុំ-ស្រុក​ស្រែ​អំបិល ខេត្ត​កោះកុង ​ជា​ម្ចាស់​រថយន្ត​ស្ទូច បាន​ប្រាប់​ភ្នំពេញ​ប៉ុស្តិ៍​ថា នៅ​ពេល​នេះ​អ្នក​ស្រី កំពុង​ទទួល​រ៉ាប់​រង​ទាំង​ស្រុង រាល់​ការ​ចំណាយ​ទាំង​អស់ ក្នុង​ពិធី​បុណ្យសព របស់​ជនរង​គ្រោះ ហើយ​ថា​ក្រោយ​ពិធី​បុណ្យ​អ្នកស្រី​នឹង​ជួយ​ឧបត្ថម្ភ​នូវ​ថវិការ​មួយ​ចំនួន​ទៀត ដល់​គ្រួសារ​ជន​រងគ្រោះ ដើម្បី​ទុក​ជា​ទុន​ក្នុង​ការ​បង្កើត​មុខ​របរ​ចិញ្ចឹម​ជីវិត។
អ្នកស្រី​បញ្ជាក់​ថា៖ «ខ្ញុំ​មិន​ដែល​ចាត់​ទុក​ប្អូន​ចិត្រ [ជន​រងគ្រោះ] ជា​កម្មករ​របស់​ខ្ញុំ​ទេ តែ​ចាត់​ទុក​គាត់​ដូចជា ប្អូន​ប្រុស​បង្កើត​របស់​ខ្ញុំ​អញ្ចឹង ព្រោះ​គេ​បាន​មក​រស់​នៅ​ និង​ធ្វើ​ការងារ​ក្នុង​គ្រួសារ​របស់​ខ្ញុំ​ ៥ ឆ្នាំ​មក​ហើយ ពិសេស ចិត្រ ជា​ក្មេង​ប្រុស​ដែល​មាន​ចិត្ត​ល្អ ស្លូតបូត និង ឧស្សាហ៍​ព្យាយាម​ក្នុង​កិច្ច​ការងារ។ ម៉្យាង​ទៀត​ខ្ញុំ​គោរព​ស្រឡាញ់​ក្រុម​គ្រួសារ​របស់​គាត់ ដូចជា​គ្រួសារ​របស់​ខ្ញុំដែរ…ខ្ញុំ​ហៅ​ម្ដាយ​របស់​គាត់​ថា​ម៉ែ»៕

source:http://www.postkhmer.com

សម្ដេច​តេជោ ហ៊ុន សែន៖ គ្រឹះស្ថាន​មីក្រូហិរញ្ញវត្ថុ​ប្រាសាក់​ត្រូវ​ប្ដូរ Logo បន្ទាន់ ដូច​អេស៊ីលីដា

ថ្លែង​នៅ​ក្នុង​ពិធី​ប្រគល់​សញ្ញាបត្រ​ជូន​និស្សិត​សាកលវិទ្យាល័យ PPIU នៅ​ព្រឹក​នេះ សម្ដេច​​អគ្គមហាសេនាបតី​តេជោ​ ហ៊ុន សែន​ បាន​មាន​ប្រសាសន៍​ថា៖ "គ្រឹះស្ថាន​មីក្រូ​ហិរញ្ញវត្ថុ​មួយ​នោះ​ គឺ​មីក្រូហិរញ្ញវត្ថុ​ប្រាសាក់ ​ដាក់ ​Logo អក្សរ​ (រ) គាត់​និយាយ​ថា​មាន​ន័យ​ថា​ រៀល​ រៀល​ រៀល ​តែ​ប្រជាពលរដ្ឋ​មាន​គិត​ថា​រៀល​ឯណា​ ​គាត់​គិត​ថា ​ រដ្ឋ រដ្ឋ រដ្ឋ ជំពាក់​លុយ​រដ្ឋ"។

សម្ដេច​នាយក​រដ្ឋមន្ត្រី​មាន​ប្រសាសន៍​បន្ត​ទៀត​ថា ​ដូច្នេះ​ហើយ​ដើម្បី​កុំ​ឱ្យ​ប្រជាពលរដ្ឋ​យល់​ច្រឡំ​ថា របស់​រដ្ឋ ត្រូវ​តែ​ធ្វើ​ការ​ទៅ​លើ​រឿង​នេះ​ឱ្យ​បាន​ច្បាស់លាស់​។ ​សម្ដេច​មាន​ប្រសាសន៍​បន្ត​ទៀត​ថា ផ្ដាំ​ទៅ​ប្រាសាក់​ឱ្យ​ប្ដូរ ​Logo ឱ្យ​លឿន​បំផុត​កុំ​ឱ្យ​មាន​ការ​យល់​ច្រឡំ​បន្ត​ទៀត​ តែ​បើ​មិន​ព្រម​ប្ដូរ​ទេ​​សម្ដេច​នឹង​ឱ្យ​ធនាគារ​ជាតិ​ចាត់ការ​ទៅ​លើ​រឿង​នេះ​ក្រៅ​ប្រព័ន្ធ​តុលាការ​ហើយ​។
សម្ដេច​នាយក​រដ្ឋមន្ត្រី ក៏​បាន​លើក​សរសើរ​ពី​ធនាគារ​អេស៊ីលីដា​ផង​ដែរ ដែល​បាន​ចំណាយ​លុយ​៣​លាន​ដុល្លារ​ក្នុង​ការ​ប្ដូរ​ Logo នេះ។ ​ដូច្នេះ​ហើយ​គ្រឹះស្ថាន​មីក្រូហិរញ្ញវត្ថុ​ប្រាសាក់​ត្រូវ​តែ​ធ្វើ​ការ​ប្ដូរ​ Logo នេះ​ជា​បន្ទាន់​៕

 Source: http://news.sabay.com.kh/article/909901

សង្គម​ស៊ីវិល​ស្នើ​ឲ្យ​ស៊ើប​អង្កេត​រឿង​ពុក​រលួយ​នៅ​ស្នងការដ្ឋាន​នគរបាល​ខេត្ត​កំពង់ធំ

មន្ត្រី​សង្គម​ស៊ីវិល និង​សមាជិក​ក្រុមប្រឹក្សា​ខេត្ត​កំពង់ធំ ស្នើ​ទៅ​ស្ថាប័ន​ពាក់ព័ន្ធ​ស៊ើប​អង្កេត​ភាព​មិន​ប្រក្រតី និង​អំពើ​ពុក​រលួយ​ដែល​កើត​មាន​នៅ​ស្នងការដ្ឋាន​នគរបាល​ខេត្ត​កំពង់ធំ។ ការ​ស្នើ​នេះ បន្ទាប់​ពី​មាន​ពាក្យ​បណ្ដឹង​ដែល​ចេញ​ពី​មន្ត្រី​នគរបាល​ខេត្ត​កំពង់ធំ ដោយ​ស្នើ​ឲ្យ​រដ្ឋមន្ត្រី​ក្រសួង​មហាផ្ទៃ ដក​តំណែង​ស្នងការ និង​ស្នងការ​រង​ពីរ​នាក់ ពីព្រោះ​មាន​ភាព​អសកម្ម​ក្នុង​ការងារ និង​ប្រព្រឹត្ត​អំពើ​ពុក​រលួយ​យ៉ាង​ធ្ងន់ធ្ងរ។ អ្នក​នាំ​ពាក្យ​ក្រសួង​មហាផ្ទៃ បញ្ជាក់​ថា រដ្ឋមន្ត្រី​ក្រសួង​មហាផ្ទៃ លោក ស ខេង បាន​ទទួល​លិខិត​របស់​មន្ត្រី​នគរបាល​ទាំងនោះ​ហើយ។
ព័ត៌មាន​ស្ដីពី​អំពើ​ពុក​រលួយ​នៅ​ស្នងការដ្ឋាន​នគរបាល​ខេត្ត​កំពង់ធំ ត្រូវ​បាន​បញ្ចេញ​ជា​លើក​ទី​ពីរ ប៉ុន្តែ​លើក​ទី​ពីរ​នេះ គឺ​ធ្ងន់ធ្ងរ​ជាង​លើក​ទី​មួយ​ដែល​កើត​ឡើង​កាល​ពី​ឆ្នាំ​២០១៤ ទៅ​ទៀត។
ភាព​ធ្ងន់ធ្ងរ​នោះ ដោយសារ​មាន​ពាក្យ​បណ្ដឹង​ពី​សំណាក់​តំណាង​មន្ត្រី​នគរបាល​ខេត្ត​មួយ​ចំនួន ប្ដឹង​ទៅ​រដ្ឋមន្ត្រី​ក្រសួង​មហាផ្ទៃ តែ​ម្តង ដោយ​ស្នើសុំ​ដក​ស្នងការ​ខេត្ត គឺ​លោក ជូ សំអាន និង​ស្នងការ​រង​ពីរ​នាក់​ផ្សេង​ទៀត រួម​មាន​លោក អ៊ិត គឹមស្រ៊ុន និង​លោក ខៀវ ចាននី ចេញ​ពី​មុខ​តំណែង។ ការ​ស្នើ​នេះ ដោយ​មន្ត្រី​នគរបាល​លើក​ឡើង​ក្នុង​លិខិត​ថា ស្នងការ​ខេត្ត និង​ស្នងការ​រង​ទាំងនេះ បាន​ឃុបឃិត​គ្នា​ប្រព្រឹត្ត​អំពើ​ពុក​រលួយ។
ករណី​នេះ នាយក​ប្រតិបត្តិ​សម្ព័ន្ធ​គណនេយ្យ​ភាព​សង្គម​កម្ពុជា លោក សន ជ័យ មាន​ប្រសាសន៍​ថា ស្ថាប័ន​ពាក់ព័ន្ធ​ដូចជា​ក្រសួង​មហាផ្ទៃ និង​អង្គភាព​ប្រឆាំង​អំពើ​ពុក​រលួយ ត្រូវ​មាន​វិធានការ​ជា​បន្ទាន់ ដើម្បី​ផ្តល់​ភាព​យុត្តិធម៌​ដល់​មន្ត្រី​ដែល​ស្អាតស្អំ៖ «អា​ហ្នឹង​ធ្វើ​ឲ្យ​មាន​ភាព​អសកម្ម​ដល់​ជួរ​មន្ត្រី​នគរបាល​ជាតិ។ ហេតុ​អី? ដូចជា​ការ​ដំឡើង​ឋានៈ ការ​ចូល​ក្របខ័ណ្ឌ​ហ្នឹង ជា​ថ្នូរ​នឹង​ការ​សូកប៉ាន់​ហ្នឹង។ ពេល​ហ្នឹង​ហើយ​វា​ជា​ការ​សម្លាប់​មនសិការ​មន្ត្រី​ដែល​គេ​ស្អាតស្អំ»។
កាល​ពី​ថ្ងៃ​ទី​៣ កុម្ភៈ ពាក្យ​បណ្ដឹង​មួយ​ច្បាប់​ដែល​មាន​ឈ្មោះ និង​ស្នាម​មេដៃ​ដែល​អះអាង​ថា​ជា​មន្ត្រី​នគរបាល​យុត្តិធម៌​នៅ​ខេត្ត​កំពង់ធំ ចំនួន ៦​រូប ដាក់​ជូន​រដ្ឋមន្ត្រី​ក្រសួង​មហាផ្ទៃ ដោយ​រៀបរាប់​ពី​ភាព​អសកម្ម​របស់​ស្នងការ​នគរបាល​ខេត្ត លោក ជូ សំអាន ដូចជា​ដឹកនាំ​គ្មាន​គោល​ជំហរ និង​ជំនាញ​ច្បាស់លាស់។ លើស​ពី​នេះ ដឹកនាំ​បែប​អត្តនោម័តិ និង​បក្ខពួក​និយម ហើយ​ឃុបឃិត​គ្នា​ជាមួយ​ស្នងការ​រង​ទទួល​ផែន​ធនធាន​មនុស្ស គឺ​លោក អ៊ិត គឹមស្រ៊ុន និង​ស្នងការ​រង​ម្នាក់​ទៀត​ទទួល​ផែន​សន្តិសុខ គឺ​លោក ខៀវ ចាននី ប្រព្រឹត្ត​អំពើ​ពុក​រលួយ។ អំពើ​ពុក​រលួយ​ទាំងនោះ​ដូចជា​ករណី​យក​ប្រាក់​ពី​ការ​តែងតាំង​មន្ត្រី និង​រើស​បញ្ចូល​ក្របខ័ណ្ឌ​មន្ត្រី​នគរបាល​ថ្មី ដោយ​ក្នុង​បុគ្គល​ម្នាក់​ចំនួន ៥​ពាន់​ដុល្លារ​ទៅ ៧​ពាន់​ដុល្លារ​សហរដ្ឋ​អាមេរិក ហើយ​មាន​ពលរដ្ឋ​ខ្លះ​មិន​ជាប់​ជា​មន្ត្រី​នគរបាល​ផង ប៉ុន្តែ​ប្រាក់​ទាំងនោះ​ក៏​ត្រូវ​ស៊ី​ដាច់​ថែម​ទៀត។
លិខិត​ដដែល​បញ្ជាក់​ថា ការ​តែងតាំង​មន្ត្រី​វិញ គឺ​ត្រូវ​បង់​ប្រាក់​ចំនួន ២​លាន​រៀល​ទៅ​ជាង ១០​លាន​រៀល ឬ​ស្មើ​ប្រមាណ​ពី ៥០០​ដុល្លារ​ទៅ ៣​ពាន់​ដុល្លារ​សហរដ្ឋ​អាមេរិក​ក្នុង​មន្ត្រី​ម្នាក់ ចំពោះ​ការ​ទទួល​បាន​តំណែង​ដូចជា​មេ​ប៉ុស្តិ៍ នាយ​រង​ផ្នែក នាយ​ផ្នែក និង​អធិការ​រង​ស្រុក ជាដើម។
លិខិត​ដដែល​ស្នើ​ឲ្យ​រដ្ឋមន្ត្រី​ក្រសួង​មហាផ្ទៃ លោក ស ខេង ផ្លាស់ប្ដូរ​មន្ត្រី​ទាំង​បី​នាក់​ចេញ​ពី​ស្នងការដ្ឋាន​នគរបាល​ខេត្ត​កំពង់ធំ ពីព្រោះ​ជា​បញ្ហា​ធ្ងន់ធ្ងរ​មិន​អាច​ដឹកនាំ និង​ធ្វើ​ការងារ​រួម​គ្នា​បន្ត​ទៀត​បាន។
លោក សន ជ័យ បន្ថែម​ទៀត​ថា អំពើ​ពុក​រលួយ​ក្នុង​ការ​តែងតាំង​មន្ត្រី ព្រម​ទាំង​ជ្រើសរើស​មន្ត្រី​ចូល​ក្របខ័ណ្ឌ​ទាំងនេះ នឹង​ធ្វើ​ឲ្យ​មាន​ភាព​អសកម្ម​ក្នុង​ការងារ​បម្រើ​ប្រជាពលរដ្ឋ ម្យ៉ាង​ធ្វើ​ឲ្យ​មន្ត្រី​ទាំងនោះ​នាំ​គ្នា​ប្រព្រឹត្ត​អំពើ​ពុក​រលួយ​ចំពោះ​ប្រជាពលរដ្ឋ​ជាដើម៖ «យើង​បារម្ភ​ខ្លាច​មន្ត្រី​ដែល​បាន​តំណែង​ដោយ​អំពើ​ពុក​រលួយ គេ​យក​កន្លែង គេ​យក​មុខ​តំណែង​គេ​ហ្នឹង​ទៅ​ស្រង់​ដើម»។
ទាក់ទង​បញ្ហា​នេះ អាស៊ីសេរី មិន​អាច​ទាក់ទង​ស្នងការ​នគរបាល​ខេត្ត​កំពង់ធំ លោក ជូ សំអាន និង​ស្នងការ​រង​ទទួល​ផែន​ធនធាន​មនុស្ស លោក អ៊ិត គឹមស្រ៊ុន បាន​ទេ​នៅ​ថ្ងៃ​ទី​២១ កុម្ភៈ។
ដោយឡែក​ស្នងការ​រង​ទទួល​ផែន​សន្តិសុខ លោក ខៀវ ចាននី មាន​ប្រសាសន៍​ថា គាត់​មិន​បាន​ដឹង​ថា​គេ​ប្ដឹង​រូប​លោក​ទេ ហើយ​រុញ​ឲ្យ​សួរ​ទៅ​ស្នងការ​ខេត្ត និង​ស្នងការ​រង​ខេត្ត​ម្នាក់​ទៀត។ យ៉ាង​នេះ​ក្តី លោក​អះអាង​ថា មិន​បាន​ពាក់ព័ន្ធ​ករណី​អំពើ​ពុក​រលួយ​ដូច​ការ​ចោទ​ប្រកាន់​ឡើយ៖ «ចំពោះ​ខ្ញុំ​វិញ​ក៏​ខ្ញុំ​មិន​បាន​ទទួល​សំណូក​ពី​បង​ប្អូន​ប្រជាពលរដ្ឋ ឬ​មន្ត្រី​ដែល​នៅ​ក្នុង​អង្គភាព​ចូល​ជ្រើសរើស​ថ្មី​ដែរ»។
ទោះ​បី​ជា​យ៉ាង​ណា​ក៏ដោយ អ្នក​នាំ​ពាក្យ​ក្រសួង​មហាផ្ទៃ លោក ខៀវ សុភ័គ មាន​ប្រសាសន៍​ថា ពាក្យ​បណ្ដឹង​នេះ លោក ស ខេង បាន​ទទួល​ហើយ និង​ពិនិត្យ​មើល​យ៉ាង​យក​ចិត្ត​ទុក​ដាក់ ប៉ុន្តែ​វិធានការ​យ៉ាង​ណា​នោះ លោក​មិន​ទាន់​អាច​ជម្រាប​ជូន​បាន​ទេ៖ «សម្ដេច​ក្រឡាហោម​លោក​បាន​ពិនិត្យ​យ៉ាង​យក​ចិត្ត​ទុក​ដាក់​នូវ​ពាក្យ​បណ្ដឹង​ហ្នឹង»។
កាល​ពី​ឆ្នាំ​២០១៤ ករណី​អំពើ​ពុក​រលួយ គឺ​កើត​មាន​នៅ​ស្នងការដ្ឋាន​នគរបាល​ខេត្ត​កំពង់ធំ ពាក់ព័ន្ធ​រឿង​បាត់​ប្រាក់​រំឭក​មុខងារ និង​ប្រាក់​ឋានន្តរស័ក្ដិ​របស់​មន្ត្រី​នគរបាល​ជិត ៤០០​នាក់ ដែល​មាន​ទំហំ​ទឹកប្រាក់​រាប់​សិប​លាន​រៀល។ កាលណោះ រដ្ឋមន្ត្រី​ក្រសួង​មហាផ្ទៃ សម្រេច​ផ្ទេរ​តំណែង​អនុប្រធាន​ការិយាល័យ​ទទួល​ផែន​ហិរញ្ញវត្ថុ​ម្នាក់ គឺ​លោក ជឹម លក្ខិណា ចេញ​ពី​ស្នងការដ្ឋាន​នគរបាល​ខេត្ត​កំពង់ធំ ទៅ​កាន់​ស្ថាប័ន​ក្រសួង​វិញ ដើម្បី​ត្រួត​ពិនិត្យ​ចំពោះ​ភាព​មិន​ប្រក្រតី​របស់​ខ្លួន។ ក្រៅ​ពី​នេះ មន្ត្រី​គណបក្ស​ប្រឆាំង​ខេត្ត​កំពង់ធំ រក​ឃើញ​ថា មាន​ករណី​ពុក​រលួយ​ក្នុង​ការ​ជ្រើសរើស​មន្ត្រី​ចូល​ក្របខ័ណ្ឌ​នគរបាល​ថ្មី​កាលណោះ​ថែម​ទៀត​ផង ប៉ុន្តែ​ការ​លើក​ឡើង​នេះ​ត្រូវ​បាន​ស្នងការ​នគរបាល​ខេត្ត​កំពង់ធំ លោក ជូ សំអាន ទាត់​ចោល​ពេល​នោះ​ដែរ។
សមាជិក​ក្រុមប្រឹក្សា​ខេត្ត​កំពង់ធំ មក​ពី​គណបក្ស​សង្គ្រោះ​ជាតិ លោក ស៊ុន ចន្ធី យល់​ថា ករណី​ពុក​រលួយ​ពេល​នេះ គឺ​ប្រហាក់​ប្រហែល​គ្នា​ទៅ​នឹង​បញ្ហា​កើត​មាន​កាល​ពី​ឆ្នាំ​២០១៤ ប៉ុន្តែ​ស្ថាប័ន​ពាក់ព័ន្ធ​មិន​បាន​ចាត់​វិធានការ​ផ្លូវ​ច្បាប់​លើ​មន្ត្រី​ទាំងនោះ​ឡើយ ក្រៅ​តែ​ពី​មន្ត្រី​ផ្នែក​ហិរញ្ញវត្ថុ​ម្នាក់​ដែល​គ្រាន់​តែ​ជា​ពិន័យ​ផ្នែក​រដ្ឋបាល​ប៉ុណ្ណោះ។ ចំណែក​ភាព​មិន​ប្រក្រតី​ដែល​កើត​មាន​ពេល​នេះ លោក​ថា​អាច​ធ្វើ​ឡើង​ជា​ប្រព័ន្ធ ដែល​ទាមទារ​ឲ្យ​ក្រសួង​មហាផ្ទៃ និង​អង្គភាព​ប្រឆាំង​អំពើ​ពុក​រលួយ ស៊ើប​អង្កេត ព្រម​ទាំង​ផ្ដន្ទាទោស​មន្ត្រី​ដែល​ជាប់​ពាក់ព័ន្ធ​តាម​ច្បាប់ ជា​ជាង​គ្រាន់​តែ​ពិន័យ​រដ្ឋបាល​នោះ៖ «វា​ច្បាស់​ណាស់ គឺ​ត្រូវ​តែ​មាន​ការ​ផ្ដន្ទាទោស​ផ្នែក​ព្រហ្មទណ្ឌ ព្រោះ​អង្គភាព​ប្រឆាំង​អំពើ​ពុក​រលួយ ធ្លាប់​បាន​ផ្ដន្ទាទោស​មន្ត្រី​អង្គការ​សង្គម​ស៊ីវិល​ដែល​កំពុង​ជាប់​ពន្ធនាគារ​រាល់​ថ្ងៃ​ហ្នឹង ដោយសារ​រឿង​ទឹកប្រាក់​តិចតួច​ទេ»។
សមាជិក​ក្រុមប្រឹក្សា​ខេត្ត​រូប​នេះ​បន្ថែម​ថា ប្រសិន​បើ​ក្រសួង​មហាផ្ទៃ និង​អង្គភាព​ប្រឆាំង​អំពើ​ពុក​រលួយ ចាត់​វិធានការ​លើ​មន្ត្រី​ដែល​ជាប់​ពាក់ព័ន្ធ​អំពើ​ពុក​រលួយ​ទាំងនេះ ហើយ​ផ្ដន្ទាទោស​ទៅ​តាម​ផ្លូវ​ច្បាប់​នោះ គឺ​បង្ហាញ​ដល់​មតិ​សាធារណជន​ថា ការ​អនុវត្ត​ច្បាប់​នៅ​កម្ពុជា មាន​ស្តង់ដារ​តែ​មួយ និង​ផ្តល់​ភាព​យុត្តិធម៌​ដល់​មន្ត្រី​ថ្នាក់​ក្រោម៕

ស្នងការដ្ឋាន​នគរបាល​ខេត្ត​កំពង់ធំ។ រូបថត​កាល​ពី​ឆ្នាំ​២០១៤

Source: http://www.rfa.org/khmer/news/social-economy/CSOs-calls-for-investigate-on-corruption-in-police-department-in-kampongthom-02212017063131.html

ទឹកចិត្តម្តាយ

ទំនួួញទួញសោកសំណោកជីវិតពិតជាកម្សត់របស់បងស្រីម្នាក់បានយំរៀបរាប់ភ្ជាប់និងការនឹករលឹកដល់កូនព្រោះតែអតិតប្តីខ្លួនបានមកពង្រាត់កូនចេញពីទ្រូងម្តាយដោយគ្មានអាល័យអ្វីបន្តិចសោះឡើយ។

 រូបបងស្រីនិងកូន

 រូបអតីតស្វាមីគាត់ 

រាជរដ្ឋាភិបាល ចេញអនុក្រឹត្យសម្រេចលើកលែងពន្ធលើប្រាក់ចំណូល២ឆ្នាំ សម្រាប់សហគ្រាសធុនតូច និងមធ្យម ដែលចុះបញ្ជីដោយស្ម័គ្រចិត្ត

(ភ្នំពេញ)៖ ប្រមុខរាជរដ្ឋភិបាលកម្ពុជា សម្ដេចតេជោ ហ៊ុន សែន បានចេញអនុក្រឹត្យថ្មីមួយ ដោយសម្រេចលើកទឹកចិត្តផ្នែកពន្ធ ជូនទៅដល់​សហគ្រាសធុនតូច និងមធ្យមនៅកម្ពុជា ដែលបានចុះបញ្ជីដោយស្ម័គ្រចិត្ត គឺត្រូវបានលើកលែងពន្ធ លើប្រាក់ចំណូលរយៈពេល២​ឆ្នាំ​។
ការលើកទឹកចិត្តផ្នែកពន្ធនេះ សម្រាប់សហគ្រាសធុនតូច និងមធ្យម ដែលបានចុះបញ្ជីពន្ធដារដោយស្ម័គ្រចិត្ត ក្នុងអំឡុង
ឆ្នាំ២០១៧​និង២០១៨៕
សម្រាប់ព័ត៌មានលម្អិត សូមអានអនុក្រឹត្យ របស់រាជរដ្ឋាភិបាលកម្ពុជាទាំងស្រុង៖

source: http://www.freshnewsasia.com/index.php/en/localnews/47709-2017-02-21-09-54-51.html

ក្តីសង្ឃឹមរបស់លោកស្រី អ៊ែនជេលីណា ចូលី លើរឿង«មុនដំបូងខ្មែរក្រហមសម្លាប់ប៉ារបស់ខ្ញុំ»

តារាសម្តែងដ៏ល្បីល្បាញនិងជាអ្នកដឹកនាំរឿងលោកស្រី អ៊ែនជេលីណា ចូលី បានបង្ហាញក្តីសង្ឃឹមថា ខ្លឹមសារនៃសាច់រឿង «មុនដំបូងខ្មែរក្រហមសម្លាប់ប៉ារបស់ខ្ញុំ» ដែលនិយាយពីរបបខ្មែរក្រហមនោះ នឹងចូលរួមចំណែកបន្ថែម ក្នុងការអប់រំយុជនជំនាន់ក្រោយ​ និងពិភពលោកឲ្យយល់ពីសោកនាដកម្មនៃរបបកាប់សម្លាប់ក្នុងប្រទេសកម្ពុជាក្នុងទសវត្សរ៍ឆ្នាំ១៩៧០។

ប្រភពព័តមាន VodHotNews.com

សមត្ថកិច្ចដឹកលោក គឹម សុខ ទៅឃុំខ្លួន​ហើយ

សមត្ថកិច្ចបានដឹកលោក គឹម សុខ  អ្នកឃ្លាំមើលនិងអត្ថាធិប្បាយបញ្ហាសង្គមយកទៅឃុំខ្លួននៅមុននេះ បន្តិច ហើយបានបណ្តាលឲ្យប្រជាពលរដ្ឋដែលតាមដានឃ្លាំមើលនោះនាំគ្នាស្រែកតវ៉ានិងរិះគន់តុលាការថា ធ្វើការមិនបម្រើផលប្រយោជន៍ពលរដ្ឋ។​
រថយន្តស៊ឺរ៉ែន បិទកញ្ជក់ពណ៌ខ្មៅ បានបើកចេញពីសាលាដំបូងយ៉ាងលឿន កាត់ហ្វូងប្រជាពលរដ្ឋដែលនៅតាមដានជុំវិញនោះ។ ទោះយ៉ាងណា គេមិនទាន់បានដឹងថា លោក គឹម សុខ ត្រូវយកទៅឃុំនៅទីណានោះទេ។​
លោក គឹម សុខ ត្រូវបានលោកនាយករដ្ឋមន្ត្រីប្តឹងនៅថ្ងៃចន្ទដើមសប្តាហ៍នេះ បន្ទាប់ពីលោក​អត្ថាធិប្បាយពាក់ព័ន្ធករណីឃាត់កម្មបាញ់សម្លាប់លោក កែម ឡី៕

Source: http://vodhotnews.com/category/human-right/

ករុណា ពេជ្រ ឡើង​តំណែង​ធំ បួងសួង​ខ្លាច​កូនចៅ​កាច់កុង

ភ្នំពេញ: ក្រោយការ​ចាកចេញ​ទាំង​អាល័យ​របស់​អតីត​ប្រធាន​គ្រប់គ្រង​ទូទៅ​របស់​ផលិតកម្មថោន លោក អ៊ា វឌ្ឍនា ដោយ​ទទួល​មរណភាព​កាលពី​ពេលថ្មីៗ​កន្លង​ទៅនេះ មហាជន​មានការ​ចាប់អារម្មណ៍​នឹង​ចង់ដឹង​ពីសមាសភាព​របស់​អ្នក ដែលអាច​ចូលមក​ជំនួស​តំណែង​មួយ​ជាខ្លាំង ខណៈ​ខាង​ផលិតកម្ម​ហាក់​ដូចជា​មិនបាន​បញ្ចេញ​ជា​សាធារណៈ នូវព័ត៌មាន​ទាន់ទិន​នឹង​តំណែង​របស់​ប្រធាន​គ្រប់គ្រង​នៅឡើយ​ទេ។ ប៉ុន្តែ​ពេលនេះ​ពន្លឺក៏​លេចឡើង​ច្បាស់ ជាមួយ​នឹងសម្ដី​អ្នកស្នង​តំណែង​ក៏ទទួល​ស្គាល់​ផងដែរ។
ដោយឡែក​កាលពី​ម្សិលមិញ​នេះ​នៅក្នុង​គណនី​ហ្វេសប៊ុក​របស់​តារា​ចម្រៀង​រូបសង្ហា​ប្រចាំ​ផលិតកម្ម​ថោន ករុណា ពេជ្រ បាន​បង្ហោះសារ​គួរឲ្យ​ចាប់អារម្មណ៍​មួយថា លោកបាន​ចូល​កាន់តែ​តំណែង​ធំថ្មី​មួយ ដែល​ខុសពី​ជំនាញ​របស់​លោក គ្រាន់​តែមាន​បទពិសោធ​ខ្លះ​តែប៉ុណ្ណោះ ដែល​ក្នុងនោះ​ករុណា ពេជ្រ ថែមទាំង​បង្ហាញ​រូបភាព​កំពុង​សែន​ជំនាង​ក្រុមហ៊ុន សូម​ជោគជ័យ​ក្នុងការងារ​ក្នុងថ្ងៃ​ឡើងកាន់​តំណែង​ធំដំបូង​របស់ខ្លួន​ទៀតផង។
តារាចម្រៀង​ប្រចាំ ផលិតកម្ម​ថោន​រូបនេះ​បន្តថា៖ «ភ័យ​ណាស់ខ្ញុំ ក្តីបារម្ភ​ក៏ច្រើន ថ្ងៃនេះ​ជាថ្ងៃ​ដំបូង ដែល​ចូលកាន់​ការងារថ្មី​មួយទៀត ដែល​ផ្ទុយពី​ជំនាញ​ដែល​រៀនចប់ មានតែ​បទពិសោធ​ខ្លះ​តែប៉ុណ្ណោះ។ ដូច្នេះ​មានតែ​មកអុជ​ធូប បួងសួង​ម្ចាស់​ទឹកម្ចាស់ដី ជំនាង​ក្រុមហ៊ុន​និងតុ​ធ្វើការ​សូមសេចក្តីសុខ​កុំឲ្យភ័យ ជាពិសេស​ជួយ​បន្ទន់ចិត្ត​បុគ្គលិក​គ្រប់​ជាន់ថ្នាក់​ឲ្យអាណិត​ស្រឡាញ់​ខ្ញុំ ហើយ​សូមឲ្យ​គាត់គោរព​ការងារ ពេលវេលា​របស់​គាត់ចំពោះ​ក្រុមហ៊ុន កុំឲ្យ​ពួកគាត់​មានគំនិត​កាច់កុង​គ្នាឬ​ចាំមើល​បំណាំ​ខ្ញុំអី។ សូមឲ្យ​រួបរួមគ្នា​ដើម្បី​ភាព​ជោគជ័យ​ទាំងអស់គ្នា ដោយ​មិនអាច​ខ្វះ​អ្នកណា​ម្នាក់បាន ដើម្បី​ក្រុមហ៊ុន​រីកចម្រើន​ល្បីរន្ទឺ​ទើបបាន​មានមុខ​ទៅជួប​ថៅកែ»។
បន្ថែមនោះ ក្នុងជំនួប​ជាមួយ​នឹង ភ្នំពេញ ប៉ុស្តិ៍​តាម​ទូរស័ព្ទ អ្នកគ្រប់គ្រង​ទូទៅ​ផលិតកម្មថោន ទើបឡើង​តំណែង​ថ្មីថ្មោង ជាតារា​ចម្រៀង​រូបសង្ហា​លោក ករុណា ពេជ្រ ក៏បាន​លាន់មាត់​ឡើង​យ៉ាង​ដូច្នេះថា៖ «ល្បីដល់​ហើយបង ព័ត៌មាន​សួរ​ច្រើនណាស់​រឿងហ្នឹង»។
លោក​ក៏បាន​ថ្លែងប្រាប់​ពីអារម្មណ៍​បែបភ័យ​អរថា៖ «ថា​តំណែងធំ​ក៏បាន តែបើ​ថាភ័យ​នោះ វាភ័យ​ណាស់​ទៅហើយ​សម្រាប់​តំណែង ដែល​ក្រុមហ៊ុន​ឲ្យមក​ធ្វើនេះ»។
តារាចម្រៀង ករុណា ពេជ្រ ក៏បន្ទរ​ដោយ​សម្ដី​បែប​ដាក់ខ្លួន​ថា៖ «ដូច​បងប្អូន​ដឹង​ហើយ ខ្ញុំជា​តារាចម្រៀង តែ​ពេលនេះ​មកជា​អ្នកគ្រប់គ្រង បើមិន​ភ័យម៉េច ចេះតែ​បារម្ភ​អ៊ីចឹង ប៉ុន្តែនេះ​ជាការ​ចាត់ចែង​របស់​ថៅកែ​ផលិតកម្ម»។
លោក ករុណា ពេជ្រ ក៏បង្ហើប​ឲ្យ​ដឹងថា៖ «មុននេះ​ខ្ញុំទៅ​ច្រៀង​នៅ​អាមេរិក ហើយ​តាម​គម្រោង​នឹងវិល​មកវិញ​នៅ​ពាក់កណ្តាល​ខែពីរ​នេះទេ តែពេល​ដែលបង អ៊ា វឌ្ឍនា ស្លាប់​ក្រុមហ៊ុន​ក៏បាន​ទាក់ទងមក​មុនពេល​កំណត់។ លោក​បញ្ជាក់ថា ថៅកែ​គាត់ហៅ​ឲ្យខ្ញុំ​ចុះមក​វិញមុន​កំណត់​ព្រោះថា មាន​ការងារ​ជាច្រើន ដែល​បង វឌ្ឍនា គាត់ធ្វើ​មិនទាន់​ចប់ ហើយ​គាត់​ក៏ជួប​រឿង​អ៊ីចឹង។ ពេលនេះ​ខ្ញុំត្រូវ​ទទួល​ជំនួស ដែល​ថៅកែ​ទម្លាក់ឲ្យ»។

បើទោះ​ជា លោក ករុណា ពេជ្រ ហាក់​បង្ហាញពី​ក្តីបារម្ភ​ក្នុង​នាទីជាអ្នក​គ្រប់គ្រង ប៉ុន្តែ​យ៉ាងណា​លោកក៏​បញ្ជាក់ប្រាប់ ថា៖ «ការពិត​ទៅ​តួនាទី​ជាអ្នក​គ្រប់គ្រង​នេះ មុនបង មាស សុខរតនៈ បាន​ចូលមក​ផលិតកម្ម​ថោន​នេះខ្ញុំ​ក៏ធ្លាប់​កាន់​ដែរ តែកាល​នោះ​បុគ្គលិក​តិច។ តែ​ពេលនេះ​បុគ្គលិក​ច្រើន ហើយខ្ញុំ​ក៏មិនមែន​ជាអ្នករៀន​ខាងជំនាញ​គ្រប់គ្រង​ផង ក៏ចេះតែ​បារម្ភ។ ប៉ុន្តែ ខ្ញុំ​ក៏បាន​តាំងចិត្ត និង​ធ្វើឲ្យ​បាន ជាមួយនឹង​ការតាំង​ចិត្ត និង​ព្យាយាម»៕

 Source: http://www.postkhmer.com/

ប្រុង​ប្រយ័ត្ន​អ្នក​អាច​នឹង​ត្រូវ​គេ​លួច​តាម​ដាន​តាមរយៈ​ស្មាតហ្វូន​របស់​អ្នក ហើយ​​នេះ​ជា​បញ្ជី​លេខ​កូដ​សំងាត់​ដែល​អ្នក​គួរ​ដឹង

រស់​នៅ​ក្នុង​បច្ចេកវិទ្យា​កាន់​តែ​ទំនើប​មិន​មែន​សុទ្ធ​តែ​ជា​រឿង​ល្អ​នោះ​ទេ​ មាន​រឿង​ជា​ច្រើន​ដែល​អ្នក​ត្រូវ​បារម្ភ​ក្រៅ​ពី​សុវត្ថិភាព​ពី​ខាង​ក្រៅ​ហើយ​នោះ អ្នក​ក៏​គួរ​តែ​ចាប់​ផ្ដើម​គិត​ផង​ដែរ​ពី​សុវត្ថិភាព​លើ​ព័ត៌មាន​ផ្ទាល់​ខ្លួន​របស់​អ្នក​ផង​ដែរ។​ អ្នក​ទាំង​អស់​គ្នា​អាច​នឹង​មិន​ចាប់​អារម្មណ៍​នោះ​ទេ​ថា​សកម្មភាព​របស់​អ្នក​រាល់​ថ្ងៃ​អាច​នឹង​ត្រូវ​គេ​លួច​តាម​ដាន​ និង​ថត​ទុក​តាមរយៈ​ស្មាតហ្វូន​ដែល​អ្នក​កំពុង​ប្រើ​រាល់​ថ្ងៃ​តែ​ម្ដង។ដើម្បី​ចង់​ដឹង​ថា​អ្នក​អាច​ជា​ម្នាក់​ដែល​ត្រូវ​គេ​​កត់​ចំណាំ​ឬ​អត់ អ្នក​ទាំង​អស់​គ្នា​អាច​សាក​ល្បង​​វាយ​បញ្ចូល​លេខ​កូដ​ខាង​ក្រោម​បាន​ វា​នឹង​ធ្វើ​ការ​បង្ហាញ​អ្នក:
 1. ចុច *#21# ដើម្បី​ដឹង​ថា​ការ​និយាយ​ទូរស័ព្ទ សារ​ឬ​ក៏​ទិន្នន័យ​ផ្សេង​ៗ​ត្រូវ​បាន​បញ្ជូន​ទៅ​នរណា​ម្នាក់​ផ្សេង​ទៀត​ឬ​អត់
 2. ចុច*#62# ដើម្បី​ចង់​ដឹង​ថា​រាល់​ទិន្នន័យ​របស់​អ្នក​នឹង​ត្រូវ​បញ្ជូន​ទៅ​អ្នកណា។
 3. ចុច​##002# ដើម្បី​បិទ​​រាល់​ការ​តាម​ដាន​របស់​អ្នក​ដទៃ​តាម​ទូរស័ព្ទ​របស់​អ្នក។
4. ចុច​*#06# វា​នឹង​បង្ហាញ​IMEI ស្មាតហ្វូន​របស់​អ្នក​ហើយ​ប្រសិន​បើ​វា​ត្រូវ​ចោរ​លួច​នោះ អ្នក​នឹង​អាច​ដឹង​ពី​ទីតាំង​​ទូរសព្ទ័​របស់​អ្នក​បាន បើ​ទោះ​ជា​វា​ត្រូវ​ប្ដូរ​ស៊ីម​ថ្មី​ក៏​ដោយ។ ​​​​​​ ទាំង​នេះ​គ្រាន់​តែ​ជា​លេខ​កូដ​សំងាត់​ខ្លី​ៗ​នឹង​ងាយ​ប៉ុណ្ណោះ ដើម្បី​​បាន​ដឹង​និង​ការពារ​ខ្លួន​អ្នក​ ប៉ុន្តែ​ការ​ពិត​ទៅ​អ្នក​អាច​នឹង​ត្រូវ​គេ​លួច​តាម​ដាន​ដដែល។​ម្យ៉ាង​ទៀត​នៅ​ក្នុង​ប្រទេស​មួយ​ចំនួន​រាល់​ការ​សន្ទនា​របស់​អ្នក​សុទ្ធ​តែ​ត្រូវ​បាន​ស្ដាប់​និង​ថត​ទុក​ដោយ​ផ្នែក​សន្តិសុខ​ដោយ​មាន​ការ​ចូល​រួម​ពី​ក្រុមហ៊ុន​សេវា​ទូរគមនាគមន៍​ផង​ដែរ​​ ដើម្បី​បង្ការ​ករណី​ចាំ​បាច់​ណា​មួយ ប៉ុន្តែ​សូម​កុំ​បារម្ភ​​វា​ត្រូវ​បាន​គេ​រក្សា​ទុក​បាន​សំងាត់​និង​ល្អ​បំផុត៕​

Source: http://www.jongdeng.net/post/3944