Tool ថ្មី​នេះ​នឹង​អាច​ឲ្យ​អ្នក​ប្រើ iPhone, iPad ទំលាក់​ទៅ​កាន់ iOS ជំនាន់​មុន​បាន ដោយ​មិន​ខ្វល់​ពី Apple

អ្នកជំនាញ Hack ដែលដាក់ឈ្មោះ ខ្លួនឯងថា tihmstar បានប្រកាសពី Tool ឬកម្មវិធីមួយ ដែលមានឈ្មោះ Prometheus ដែលនឹងដាក់ ឲ្យទាញយក ក្នុងពេលឆាប់ៗ ខាងមុខនេះ ដោយ Tool នេះ អាចឲ្យអ្នក ប្រើប្រាស់ iPhone, iPad ប្រភេទ 64-bit ទំលាក់ទៅដល់ ប្រព័ន្ធប្រតិបត្តិការ iOS មុនបាន ក៏មានន័យថា អាចទំលាក់ ទៅជំនាន់ iOS ដែល iDevice ទាំងនោះ ដំនើរការ ចុងក្រោយ ពេលដែលអ្នក បានរក្សា file .shsh2 ទុក ទោះបីជា Unsigned ពី Apple ក៏ដោយនោះ។

ហើយនេះក៏ជា កម្មវិធីដំបូង ដែលធ្វើឲ្យអ្នក ប្រើប្រាស់ iPhone, iPad ប្រភេទ 64-bit ទំលាក់ទៅកាន់ iOS ជំនាន់មុនបាន។ ជាដំបូង អ្នកត្រូវមាន កម្មវិធីមួយទៀត ដែលតម្រូវឲ្យ អ្នករក្សាទុកនូវ file សំខាន់ គឺ file .shsh2 blobs ហើយនេះ ក៏មានន័យថា file .shsh ពីមុន មិនអាចប្រើប្រាស់ ជាមួយកម្មវិធី បានទេ។ អ្នកអាច ចុចត្រង់នេះ ដើម្បីទៅកាន់ កន្លែងទាញយក កម្មវិធីមួយទៀត នោះ ដើម្បីទាញយក file​ .shsh2 របស់អ្នក ទុកសិន ដើម្បីយក file .shsh2 នេះទៅ ប្រើលើ Tool ឈ្មោះ Prometheus ។

ឧទាហរណ៍ថា ពេលដែលអ្នក កំពុងប្រើប្រាស់ iOS9​ ឬជំនាន់ iOS ណាមួយ ដែលបាន Jailbreak រួច ទើបអាចប្រើ កម្មវិធីខាងលើ រក្សាទុកនូវ file .shsh2 Blobs នោះបាន ដូចនេះ នៅពេលដែល អ្នកដំឡើង ទៅកាន់ iOS10.1.1 ចុងក្រោយ ហើយប្រើ iTunes ទំលាក់ទៅ iOS9 វិញ ក៏បាន រួចបន្តប្រើ Tool ដែលនឹង ជិតចេញ Prometheus នោះ យក file .shsh2 Blobs នោះ ទៅទំលាក់ វិញបាន។

បញ្ជាក់៖ Prometheus នេះ នឹងចេញឲ្យទាញ យកនៅពេល ឆាប់ៗនេះ ហើយវា អាចប្រើទំលាក់ ជំនាន់ iOS បានតែ iDevice ដែល Jailbreak រួច និងបានរក្សា file .shsh2 ទុក ហើយជា ប្រភេទ 64-bit តែប៉ុណ្ណោះ។
សរុបមក Tool នេះមិនទាន់ដាក់ឲ្យ ទាញយកទេ​ តែយើងអាច ដឹងថា វានឹងចេញ ក្នុងពេលឆាប់ៗ ខាងមុខ ដូចនេះ អ្នកប្រើប្រាស់ iDevice ដែលបាន Jailbreak នោះ គួររក្សា file .shsh2 នោះ តាមកម្មវិធីមួយ ទៀតដែលយើង បានដាក់តំណរ ភ្ជាប់ខាងលើ ទុកសិន ដើម្បីនៅពេល ដែលអ្នកដំឡើង ទៅកាន់ iOS ណាមួយ ចង់ទំលាក់មកវិញ បានពេល មានបញ្ហា អ្វីមួយ។ ប្រភពពត៌មាន និងរូបភាព http://cambo-report.com/general-knowledge/post/55332