ភ្នំពេញៈ ខណៈពេលដែលតារាសម្តែងប្រុសសង្ហាលោក
ឆឹម សក្កដា
មានឱកាសបណ្តើរបើកចំហពេញទំហឹងនាំតារាចម្រៀងលំដាប់កំពូលឈរជើងយូរ
នៅលើទ្រនំផលិតកម្មរស្មីហង្សមាសអ្នកនាង ពេជ្រ សោភា
ក្នុងពេលសម្ពោធភាពយន្តរឿង Jailbreak ថ្មីៗនេះ កាន់តែបញ្ជាក់ថា
សម្ព័ន្ធភាពស្នេហារបស់អ្នកទាំងពីរពេលនេះកំពុងតែមានពន្លឺវិជ្ជមានច្រើន
តែក៏មានការលើកហេតុផលអ៊ីចេះអ៊ីចុះដែរ។
មានមតិមហាជនខ្លះលើកឡើងចំៗមិនសំចៃមាត់ថា៖ «មូលហេតុដែលនាំឲ្យតារាសម្តែងប្រុសលោក ឆឹម សក្កដា តាមសុំស្រឡាញ់ ពេជ្រ សោភា ក៏ព្រោះមើលឃើញអ្នកនាងជាតារាចម្រៀងកំពុងល្បី និងពេញនិយមរបស់មហាជនខ្លាំង និងមានធនធានសម្ភារគ្រប់យ៉ាងផង!»។
បើទោះបីជាខាងស្រីមិនទាន់បានបញ្ជាក់ច្បាស់លាស់ពីសម្ព័ន្ធភាពរវាងខ្លួន និងតារាសម្តែងប្រុសឈានដល់កម្រិតណាក្តី តែគេឃើញតារាចម្រៀងស្រីល្បី និងជាគ្រូបង្វឹកកម្មវិធីប្រឡងចម្រៀងលំដាប់ពិភពលោក The Voice Cambodia អ្នកនាង ពេជ្រ សោភា ហាក់ដូចជាបានបង្ហាញតម្រុយខ្លះជាបណ្តើរៗហើយក្នុងការនិយាយការពារបុរសសង្ហា ឆឹម សក្កដា ជាមួយសារតបតទៅមតិមហាជនភ្លាមៗថា៖ «គាត់ សក្កដា ស្រឡាញ់ខ្ញុំ មិនមែនមកពីខ្ញុំជាអ្នកចម្រៀងល្បីនោះទេ ហើយក៏មិនពាក់ព័ន្ធរឿងមាន និងក្រ ដែរ។
អ្វីដែលសំខាន់ ខ្ញុំស្គាល់ពីទឹកចិត្តគាត់!ទោះបីគាត់មិនមានសម្ភារនិយមដូចគេ ប៉ុន្តែគាត់មានទឹកចិត្ត និងការស្រឡាញ់រាប់អានដ៏ស្មោះត្រង់។ នេះគឺជាមូលហេតុដែលខ្ញុំកំពុងតែពិចារណាចំពោះគាត់ កុំមើលមនុស្សត្រឹមសម្បកក្រៅ»។
ពេជ្រ សោភា បញ្ជាក់ប្រាប់ភ្នំពេញប៉ុស្តិ៍ពីទំនាក់ទំនងបេះដូង ដែលកាន់តែមានភាពល្អប្រសើររវាងខ្លួន និងលោក ឆឹម សក្កដា ទៀតថា៖ «ទោះបីគាត់បាននិយាយពេញមាត់ថា ស្រឡាញ់ខ្ញុំ ជាពិសេស ការបង្ហោះតាមហ្វេសប៊ុកជាច្រើនយ៉ាងណាក្តី តែសម្រាប់ខ្ញុំពេលនេះ ក៏មិនទាន់ប្រើពាក្យនោះវិញភ្លាមៗដែរចំពោះគាត់ ដោយសារនាងខ្ញុំនៅតែត្រូវការពេលវេលាដើម្បីពិចារណា និងមើលទឹកចិត្តគាត់បន្តទៀត។ សម្រាប់គាត់ បើតាមខ្ញុំសង្កេតភាគច្រើន មានទឹកចិត្តល្អ ហើយក៏មិនមែនជាមនុស្សដែលចូលចិត្តខ្លាំងទៅលើសម្ភារនិយមឡើយ។ ម្យ៉ាងទៀត គាត់ជាតារាសម្តែងរូបសង្ហាប៉ុណ្ណឹងដែរ បើគាត់ជ្រើសរើសនារីជាគូស្នេហ៍វិញក៏មានជម្រើសច្រើនដែរ»។
ទន្ទឹមនឹងមានការចេញពាក្យពេចន៍ពីមាត់ថា ស្ថិតក្នុងការពិចារណា
ខណៈទង្វើ និងកាយវិការខាងក្រៅសបញ្ជាក់ថា
បេះដូងរបស់តារាចម្រៀងស្រីល្បីនៅរស្មីហង្សមាសរូបនេះ
ហាក់ដូចជាបានសារភាព និងទទួលយកក្តីស្នេហ៍ពីតារាប្រុសរូបសង្ហា ឆឹម
សក្កដា រួចមួយកម្រិតទៅហើយ។
អ្នកនាងសោភា ប្រាប់ថា៖ «ពេលនេះ សម្រាប់ម្តាយនាងខ្ញុំ និងបងប្អូនសាច់ញាតិខ្ញុំ មើលទៅពួកគាត់ដូចជាបង្ហាញពីភាពពេញចិត្តនឹងរូបគាត់។ និយាយទៅ នៅសល់រូបខ្ញុំម្នាក់គត់ ដែលត្រូវការពេលវេលាមើលចិត្តថ្លើមគាត់»៕
Source: http://www.postkhmer.com/
មានមតិមហាជនខ្លះលើកឡើងចំៗមិនសំចៃមាត់ថា៖ «មូលហេតុដែលនាំឲ្យតារាសម្តែងប្រុសលោក ឆឹម សក្កដា តាមសុំស្រឡាញ់ ពេជ្រ សោភា ក៏ព្រោះមើលឃើញអ្នកនាងជាតារាចម្រៀងកំពុងល្បី និងពេញនិយមរបស់មហាជនខ្លាំង និងមានធនធានសម្ភារគ្រប់យ៉ាងផង!»។
បើទោះបីជាខាងស្រីមិនទាន់បានបញ្ជាក់ច្បាស់លាស់ពីសម្ព័ន្ធភាពរវាងខ្លួន និងតារាសម្តែងប្រុសឈានដល់កម្រិតណាក្តី តែគេឃើញតារាចម្រៀងស្រីល្បី និងជាគ្រូបង្វឹកកម្មវិធីប្រឡងចម្រៀងលំដាប់ពិភពលោក The Voice Cambodia អ្នកនាង ពេជ្រ សោភា ហាក់ដូចជាបានបង្ហាញតម្រុយខ្លះជាបណ្តើរៗហើយក្នុងការនិយាយការពារបុរសសង្ហា ឆឹម សក្កដា ជាមួយសារតបតទៅមតិមហាជនភ្លាមៗថា៖ «គាត់ សក្កដា ស្រឡាញ់ខ្ញុំ មិនមែនមកពីខ្ញុំជាអ្នកចម្រៀងល្បីនោះទេ ហើយក៏មិនពាក់ព័ន្ធរឿងមាន និងក្រ ដែរ។
អ្វីដែលសំខាន់ ខ្ញុំស្គាល់ពីទឹកចិត្តគាត់!ទោះបីគាត់មិនមានសម្ភារនិយមដូចគេ ប៉ុន្តែគាត់មានទឹកចិត្ត និងការស្រឡាញ់រាប់អានដ៏ស្មោះត្រង់។ នេះគឺជាមូលហេតុដែលខ្ញុំកំពុងតែពិចារណាចំពោះគាត់ កុំមើលមនុស្សត្រឹមសម្បកក្រៅ»។
ពេជ្រ សោភា បញ្ជាក់ប្រាប់ភ្នំពេញប៉ុស្តិ៍ពីទំនាក់ទំនងបេះដូង ដែលកាន់តែមានភាពល្អប្រសើររវាងខ្លួន និងលោក ឆឹម សក្កដា ទៀតថា៖ «ទោះបីគាត់បាននិយាយពេញមាត់ថា ស្រឡាញ់ខ្ញុំ ជាពិសេស ការបង្ហោះតាមហ្វេសប៊ុកជាច្រើនយ៉ាងណាក្តី តែសម្រាប់ខ្ញុំពេលនេះ ក៏មិនទាន់ប្រើពាក្យនោះវិញភ្លាមៗដែរចំពោះគាត់ ដោយសារនាងខ្ញុំនៅតែត្រូវការពេលវេលាដើម្បីពិចារណា និងមើលទឹកចិត្តគាត់បន្តទៀត។ សម្រាប់គាត់ បើតាមខ្ញុំសង្កេតភាគច្រើន មានទឹកចិត្តល្អ ហើយក៏មិនមែនជាមនុស្សដែលចូលចិត្តខ្លាំងទៅលើសម្ភារនិយមឡើយ។ ម្យ៉ាងទៀត គាត់ជាតារាសម្តែងរូបសង្ហាប៉ុណ្ណឹងដែរ បើគាត់ជ្រើសរើសនារីជាគូស្នេហ៍វិញក៏មានជម្រើសច្រើនដែរ»។
អ្នកនាងសោភា ប្រាប់ថា៖ «ពេលនេះ សម្រាប់ម្តាយនាងខ្ញុំ និងបងប្អូនសាច់ញាតិខ្ញុំ មើលទៅពួកគាត់ដូចជាបង្ហាញពីភាពពេញចិត្តនឹងរូបគាត់។ និយាយទៅ នៅសល់រូបខ្ញុំម្នាក់គត់ ដែលត្រូវការពេលវេលាមើលចិត្តថ្លើមគាត់»៕
Source: http://www.postkhmer.com/
No comments:
Post a Comment